Yeremia 21:6 - Baibuli Ekibono kya Katonda 2014

⁶ Nja kwita abantu abali mu kibuga muno abantu n'ensolo baja kufa endwaire ya kawumpuli.

Yeremia 21:6 ပူးပေါင်းရင်းမြစ်များ

Amainhama 6:7

Yaakoba ati: “Ndidha kusaaniagho omuntu ye natonda ave ku nsi, era nsaaniegho n'ensolo, n'ebyeghaluliza ku itaka, n'enhonhi, kuba neidhwisa ekyabintonza.”

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 20:4

Musengwa Katonda mwene akobye ati, ‘Bona, ndidha kukufuula ekintu ekitiisa eri iwe mwene n'eri bakagwa bo, era olibona nga boonaboona baitibwa abazigu baibwe mu lutalo. Nja kughaayo abantu b'omu Buyudaaya boonaboona mu ngalo dha kyabazinga w'e Babilonia. Abandi alibatwala e Babilonia ng'abanhage, ate abandi yaabaita.

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 33:12

Musengwa Katonda Afuga Amagye akoba ati: “Ensi eno eri ng'oti irungu, eziramu bantu waire ensolo, eriiramu okubaamu ebyayiro abaayi mwe batwala ensolo dhaibwe okuliira.

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Yeremia 36:29

Era kyabazinga oyo omukobe oti, ‘Wayokya enzingo y'ekitabo era waabuuza Yeremia lwaki yaghandiika ati kyabazinga ow'e Babilonia aliidha yaazikiriza ensi eno, era yaita abantu baamu n'ensolo dhaamu.’

Yeremia 42:22

Kale ni mukimanhire irala muti muja kufiira mu ntalo, oba okufa endhala, oba okufa endwaire ya kawumpuli, eyo mu nsi ye muli kwenda okuja okuba.”

Yeremia 7:20

Kale ni bona eno, obusungu bwange n'ekiruyi kyange ndidha kubimalira ku kifo kino, ni ku bantu, ni ku nsolo, ni ku miti, ni ku birime, ng'oti n'omuliro omuntu gw'atasobola kuzikiza.”

Ezekieli 12:16

Aye ndirekaghooku abatono baawona okwitibwa mu ntalo, n'okulambuka endhala, n'okufa endwaire ya kawumpuli. Olwo basobole okutegeera, eyo ye baliba mu maghanga, nga baakola ebyenhinhalwa. Era olwo bamanhe nga ninze Musengwa Katonda.”

Ezekieli 14:13

“Iwe omuntu, ensi bw'ekola ebibi n'ensungughaza ng'ezira bwesige ye ndi, ndigolola omukono gwange naagibonereza, naazikiriza emere yaayo, naagisindikira endhala era naita abantu baayo n'ensolo.

Ezekieli 14:17

“Oba bwe ndeetera olutalo okwidha mu nsi, ni ndulagira okwita abantu n'ensolo okumaliriragho,

Ezekieli 14:19

“Oba bwe nsindika endwaire ya kawumpuli mu nsi eyo, ni ngimaliraku obusungu bwange okwita abantu n'ensolo okumaliriragho,

Ezekieli 14:21

Agho ni Musengwa Katonda akoba ati: “Bwenebwene tikirisingagho inho bwe ndisindika ku Yerusalemu ebibonerezo byange ebina ebikakali: olutalo, endhala, ensolo edh'akabi, n'endwaire ya kawumpuli, okuja okukiitamu abantu n'ensolo?

Ezekieli 33:27

“Era bakobe oti nze Musengwa Katonda ndi kubalabula nti nga bwendi omulamu, bwenebwene abantu abo abali mu bifo ebyayonoonebwa, baliitibwa mu lutalo. Abo abaliba eyo mu nsiko ndigha ensolo emirambo gyaibwe dhaagikankamira. Ate abo abaliba mu bifo eby'okwewogomamu n'abo abaliba mu mpuku, balifa endwaire ya kawumpuli.

Ezekieli 33:29

Bwe ndibonereza abantu olw'ebyo ebyenhinhalwa bye bakola, ndireetera n'ensi eno okusigala agho etyo ng'eri bifulukwa byereere omutaba bantu, olwo balimanha nga ninze Musengwa Katonda.”

Ezekieli 7:15

Abantu abaliba kuliya baliitagana, n'abaliba mu ndhu baafa endwaire ya kawumpuli n'endhala. Abaliba mu byalo baliitagana, ate abaliba mu kibuga baafa kulambuka ndhala na ndwaire ya kawumpuli.

Hosea 4:3

Kale ni ensi eno erikala, na buli kiramu ekigiriku kyafa. Ensolo edh'omu nsiko, n'enhonhi edhiguluka, n'ebyenhandha, byonabyona birifa.

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Zefania 1:3

abantu, n'ensolo, n'enhonhi, n'ebiba mu nhandha. Nja kuzikiriza aboonooni boonaboona, n'abantu boonaboona baaweegho ku nsi. Nze Musengwa Katonda ninze nkobye.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.