Yeremia 21:14 - Baibuli Ekibono kya Katonda 2014

¹⁴ Aye nja kubabonereza nga njiira ku bikolwa byaimwe. Ndikunaania omuliro ku kisaagaati kyaimwe eky'obwakyabazinga, gwayokya ebikyezungulwire agho byonabyona. Nze Musengwa Katonda, ninze nkobye.”

Yeremia 21:14 ပူးပေါင်းရင်းမြစ်များ

2 Ebyomubyanda 36:19

Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

Ensambo 1:31

Mbeeni mwidha kwesasuuzibwanga olw'ebyo bye mukola, era mubonerezebwenga ebyo beene bye muyiiya okukola.

Ensambo 12:14

Omuntu mu by'ayogera mw'afuna ebirungi, era mu by'akola mw'afuna empeera.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 10:16

Kale ni, Musengwa Katonda Afuga Amagye alisindika obulwaire bwagoogombya abalwani ba kyabazinga w'Assiria abageedhu obukalamu, yaabaleetera okukyemuka mu mibiri ng'oti bwa muliro.

Isaia 24:21

Ku lunaku olwo Musengwa Katonda alibonereza obuyinza bwonabwona obuli ghaigulu mu igulu, n'abafuzi abali ghansi ku nsi.

Isaia 37:24

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era waatemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

Yeremia 11:16

Ghaligho olundi lwe nabeetaku omuti omwoliva ogusagaatiriire amakaba n'ebibala ebiboneka obulungi einho. Aye buti ndidha kugusindikaku kiwunga ow'amaani alimu n'okutyabuka, agukunaanieku omuliro, ensaga dhaagwo dhisiriire.

Yeremia 11:22

Musengwa Katonda oyo Afuga Amagye akoba ati: “Abantu abo ndidha kubabonereza. Abaisuka baibwe baidha kufiira mu lutalo, n'abaana baibwe baidha kulambuka ndhala.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 17:27

Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”

Yeremia 22:1

Agho Musengwa Katonda yankoba nje mu kisaagaati kya kyabazinga wa Buyudaaya, mmukobe nti:

Yeremia 22:7

Nja kusindika abantu baidhe bakizikirize. Baliidha n'empasa dhaibwe, baatematema empango dhaakyo edh'emivule edhiboneka obulungi einho, baadhisuula mu muliro.

Yeremia 32:19

Okola entegeka edh'amagezi agataloodheka, era waakola eby'amaani. Obona ebintu byonabyona abantu bye bakola, era waabasasulamu ng'ojiira ku bikolwa byaibwe.

Yeremia 46:23

baatema ekibira kya Misiri, waire nga kizibirivu inho. Kuba eigye ery'abazigu abo lirimu abalwani kamaala inho abatabalika, abasinga n'enzige obungi.

Yeremia 50:32

Iwe ensi eyeekuluntaza, olyekontola waagwa aye ghaabulagho n'omuntu alikuyamba okusitukagho. Ebibuga byo ndibikunaaniaku omuliro, gwazikiriza ebintu byonabyona ebyezungulwire agho.”

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Yeremia 6:29

Ng'omuntu bw'asaanuusa ekyuma n'omuliro ogw'amaani ogukumiibwa emivuba gy'abagheesi, aye nikisigala nga kikaalimu ebiteetaagibwa, n'abantu bange boona batyo bwe bali, tosobola kubatoolamu kukola bibi.

Yeremia 9:25

Musengwa Katonda akoba ati: “Bona eno, ekiseera kiidha kutuuka mbonereze abo abakekete aye abeebisa ng'oti ti bakekete.

Okulira 2:3

Amaani Abaisiraeli ge baali nago, Musengwa yasungughala ekibitiriire yaagabamalamu. Yaalekera agho okubabeera, baalumbibwa abazigu. Obusungu bwe bwayakira ku Bayudaaya ng'oti muliro, yaazikiriza buli kintu.

Ezekieli 21:3

Kobera ensi Isiraeli oti nze Musengwa Katonda ndi kukoba nti: Bona eno, buti nze nfuuse muzigu y'oli, era ndisowola empiima yange mu kiruutu kyayo naita abantu abakulimu, abatuufu n'ababi, naabakumalamu.

Mika 7:13

Aye ensi eja kufuuka irungu olw'abo abagibaamu ng'ebyo n'ebibala bye bakungula mu bikolwa byaibwe ebibi.

Zekaria 11:1

Iwe Lebanoni igulagho endhigi dho, omuliro gwokye emiti gyo emivule gugizikirize!