Yeremia 21:13 - Baibuli Ekibono kya Katonda 2014

¹³ Mubone eno, imwe abantu ababa mu kiiko. Ndidha kubakolaku waire mugungumala ng'oti ibaale eikologho eriri ku museetwe. Era mukoba mule muti, ‘Naani anaidha okutulumba? Era naani anaatuuka eno ye tuba?’

Yeremia 21:13 ပူးပေါင်းရင်းမြစ်များ

Zabbuli 125:2

Ng'ensozi bwe dheezungulwire Yerusalemu, ni Musengwa Katonda atyo bwe yeezungulwire abantu be ng'abakuuma okuva buti n'okweyongerayo ebyanda n'ebyanda.

Okuvaayo 13:20

Agho Abaisiraeli baava e Sukkothi baatambula baatuuka mu Ethamu ku mbali okw'eirungu, baasimba agho weema dhaibwe.

Okuvaayo 13:8

Ku lunaku olwo olw'ekibinuko, mwidha kwinhonholanga abaana baimwe muti, ‘Tulukuza olw'ebyo Musengwa Katonda bye yatukolera lwe twava mu Misiri.’

Isaia 22:1

Buno n'obukwenda obugema ku kyetebwa Ekiiko eky'Okubonekerwa. Kiki ekibatuuseeku ekibaniiniisa mwenamwena, ni muja ghaigulu ku busolya bw'endhu?

Yeremia 17:3

ni ku buli lusozi olugulumivu oluli mu irungu. Eby'obukombe byaimwe n'ebintu byaimwe eby'omughendo, nja kubighaayo abazigu babinhage olw'okusasulamu ebibi ebingi bye mukoze mu nsi eno.

Yeremia 21:5

Nze mwene nja kukulwanisa n'amaani gange goonagoona, mu busungu obubitirivu, n'ekiruyi era n'obukambwe.

Yeremia 49:16

Okwekuluntaza kwo kukulimbye, era ghazira akutya kuba olowooza oti ekifo ky'olimu kyesigika inho, ng'oti n'ekifo ekigumu eky'okwewogomamu ekyabaadhibwa mu ibaale. Era weesigulira inho ku ky'amaka go okuba nga gali ghaigulu mu nsozi. Aye Musengwa Katonda oyo alikughanulayo yaakwisa ghansi. Musengwa Katonda mwene n'akobye.”

Yeremia 50:31

“Iwe ensi Babilonia, weekuluntaza inho. Kale ni, nze Musengwa Katonda Afuga Amagye ndidha kukukolaku. Ekiseera kituuse nze nkubonereze.

Yeremia 51:25

Iwe Babilonia, oli ng'oti lusozi oluzikiriza ensi yoonayoona. Aye nze Musengwa Katonda mwene ndikukolaku. Ndigolola omukono gwange naakumaniangulamaniangula, naakuleka ng'oli bwa ivu, ng'oti n'olusozi lwe bookiikya omuliro.

Yeremia 7:4

Mulobe kwesiga bino bye mwerimba nabyo nga mukoba muti, ‘Eisinzizo lya Musengwa Katonda lirigho, eisinzizo lya Musengwa Katonda lirigho, eisinzizo lya Musengwa Katonda lirigho.’

Okulira 4:12

Mu bakyabazinga boonaboona ni mu bantu abandi boonaboona ab'oku nsi, yali ezira asobola kwikiriza nga ghaligho omuzigu oba omulumbagani yeenayeena, asobola okwingira mu miryango gya Yerusalemu.

Ezekieli 13:8

Kale Musengwa Katonda akoba nti: “Olw'okuba okubonekerwa kwe mukoba mbu mufunie kuba kwa bulimba, n'ebyo bye mulanga byaba bya buguya, mbakyaye era buti nfuuse muzigu ye muli.

Ezekieli 21:3

Kobera ensi Isiraeli oti nze Musengwa Katonda ndi kukoba nti: Bona eno, buti nze nfuuse muzigu y'oli, era ndisowola empiima yange mu kiruutu kyayo naita abantu abakulimu, abatuufu n'ababi, naabakumalamu.

Ezekieli 34:10

Nze Musengwa Katonda ndi kubakoba imwe abaayi, nti buti nfuuse muzigu waimwe. Ndibavunaana olw'entaama dhange, naabalekeza okuba abaayi baadho, n'imwe beene mwena naabalekeza okweigusanga beene mwenka. Ndibatoolaku entaama dhange, mulobe kudhifuulanga kya kulya kyaimwe nga mudhikankamira.”

Ezekieli 5:8

Kale ni mubone eno, buti nze Musengwa Katonda waimwe, zeena ndi muzigu ye muli, era ndibasalira imwe omusango naababonereza ng'abamaghanga agabeezungulwire boonaboona babona.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Nahumu 2:13

Musengwa Katonda afuga amagye akoba ati: “Bona eno, buti nze nfuuse muzigu y'oli iwe Nineve, era nja kwokya ebigaali byo eby'omu lutalo, n'empologoma dho edho ento dhija kwitibwa n'empiima mu lutalo. Nja kukutoolaku ebyo byonabyona bye wanhaga ku bandi, era tekaaba biragiro bya bakwenda bo.”