Yeremia 21:10 - Baibuli Ekibono kya Katonda 2014

¹⁰ Namala okusalagho obutasaasira kibuga kino, okutoolaku okukizikiriza nga nkighaayo mu ngalo dha kyabazinga ow'e Babilonia akyokye omuliro kiweeregho irala. Nze Musengwa Katonda, ninze nkobye.’ ”

Yeremia 21:10 ပူးပေါင်းရင်းမြစ်များ

2 Ebyomubyanda 36:19

Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

Zabbuli 34:16

Aye abo abakola ebibi abakambughalira, bwe bafa abantu ab'oku nsi baabeerabira.

Yeremia 17:27

Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”

Yeremia 26:6

Era bwemutaalekere agho kubanga badheemu, nja kukola eisinzizo lino kye nakola Shilo. Olwo amaghanga goonagoona ku nsi, gaidha kukozesanga eriina ery'ekibuga kino nga gakolima.”

Yeremia 33:5

Abababilonia bali kwidha okulwana, baidhuze endhu edho n'ekisaagaati ekyo emirambo egy'abo be nja okwita mu busungu n'ekiruyi. Ekibuga kino nkirekuliire agho olw'ebikolwa ebibi abantu baamu bye bakola.

Yeremia 34:2

Musengwa Katonda, Katonda wa Isiraeli yankoba nje nkobe kyabazinga Zedekia owa Buyudaaya nti Musengwa Katonda akoba ati: “Bona, nze Musengwa Katonda, Katonda wa Isiraeli nja kughaayo ekibuga kino mu ngalo dha kyabazinga ow'e Babilonia, era aja kukyokya omuliro.

Yeremia 34:22

Nze Musengwa Katonda ndiragira Abababilonia baira okulumba ekibuga kino, era baakirwanisa baakigema, baakyokya omuliro. Ebibuga eby'omu Buyudaaya ndibifuula bifulukwa byereere, ghaabulagho omuntu abibaamu. Nze Musengwa Katonda, ninze nkobye.”

Yeremia 38:17

Agho naamukobera nti: “Musengwa Katonda Afuga Amagye, Katonda wa Isiraeli, akoba ati, ‘Bwoneeghaayo eri abakungu ba kyabazinga w'e Babilonia, tibaja kukwita, n'ekibuga kino tibaja kukyokya muliro. Baja kukuleka iwe n'ab'omu maka go musigale nga mukaali balamu.

Yeremia 38:18

Aye bw'onaaloba okweghaayo eri abakungu ba kyabazinga w'e Babilonia, Musengwa Katonda aja kughaayo ekibuga kino eri Abababilonia bakyokye omuliro, era n'iwe weena olobe kubawona.’ ”

Yeremia 38:23

Agho naayongeraku kino nti: “Abaisirukale baja kutoola bakazi bo boonaboona n'abaana bo, babatwale e Babilonia. N'iwe mwene toja kubawona, baja kukugema bakugheeyo eri kyabazinga w'e Babilonia, n'ekibuga kino bakyokye omuliro.”

Yeremia 38:3

Era naakobera abantu nti Musengwa Katonda akoba ati, ‘Bwenebwene nze Musengwa Katonda nja kughaayo ekibuga kino eri Abababilonia bakigeme.’ ”

Yeremia 39:16

okukobera Ebedimeleki Omwethiopia nti: “Musengwa Katonda Afuga Amagye, Katonda wa Isiraeli, akoba ati, ‘Bona eno, ndituukiriza bye neesoomera ekibuga kino, naakireetera okuzikirira mu kifo ky'okukireetera ebintu okukijiiranga obukalamu. Ekyo ghe kiribeeragho, weena olibaagho waakibona.

Yeremia 39:8

Era Abababilonia baayokya ekisaagaati kya kyabazinga, n'endhu dh'abantu, n'ekimante eky'oku kibuga Yerusalemu baakikontakontagho.

Yeremia 44:11

“Kale ni, nze Musengwa Katonda Afuga Amagye, Katonda wa Isiraeli, nja kubeefuulira nzikirize Buyudaaya yoonayoona.

Yeremia 44:27

Ndibatuusaaku okuzikirira, mu kifo ky'okubaleetera ebintu okubajiiranga obukalamu. Mwenamwena mulifa, ng'abandi bafiira mu ntalo ate abandi baafa endhala, okutuusa nga mwenamwena muweekereiregho.

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Ezekieli 15:7

Ndibeefuulira naababonereza ni bwe balirumuka batya okuwona omuliro, era gulibookya. Kale ni bwendyefuulira abantu abo ni mbabonereza, mulimanha nga ninze Musengwa Katonda.

Ezekieli 24:11

Agho leka sefuliya eyo endhereere ey'ekyuma ky'ekikomo esigale ku muliro, esuughe eyengerere, eikoodera lyonalyona erigirimu lisaanuuke n'obutalaivu buye buweemu.

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Amosi 2:5

Kale nja kusindika omuliro gwokye Abayudaaya abo, era gusenkeenhe ebifo byaibwe eby'okwewogomamu eby'omu Yerusalemu.”

Amosi 9:4

Ni bwebalitwalibwa abazigu baibwe mu bunhage, era nja kulagira abantu babaite. Mmaliriire okubakola akabi, se ti kubayamba.”

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”