Yeremia 21:1 - Baibuli Ekibono kya Katonda 2014

¹ Agho Zedekia kyabazinga wa Buyudaaya yaatuma ye ndi Pashuhuri mutabane wa Malakia ni Zefania kabona mutabane wa Maaseia, ng'akoba ati:

Yeremia 21:1 ပူးပေါင်းရင်းမြစ်များ

2 Bakyabazinga 22:13

“Muje mubuuze Musengwa Katonda ku lwange ni ku lw'abantu boonaboona ab'omu Buyudaaya, ebigema ku ebyo ebyaghandiikibwa mu kitabo kino ekizuuliibwa. Obusungu bwa Musengwa Katonda buli kututumbukiraku ng'oti muliro, kuba badhaadha baife tibaagondera bibono ebyo ebiri mu kitabo kino, ni babikoleraku nga bwe byali n'okukolerwaku.”

1 Ebyomubyanda 3:15

Yosia oyo yaazaala abaana bana: Yohanani nga n'omuberi, kwairaku Yehoiakimu, kwairaku Zedekia, kwairaku Shallumu.

1 Ebyomubyanda 9:12

Bakabona abandi baali ni bano: Adaia mutabane wa Yerohamu era mwidhukulu wa bano: Pashuhuri, Malikiya, Maasai, Adieli, Yahuzera, Meshullamu, Meshillemithi, ni Immeri.

2 Ebyomubyanda 36:17

Agho Musengwa Katonda yaaleeta kyabazinga w'e Babilonia okwidha okubalwanisa, yaitira abaana baibwe abaakaisuka ni mu isinzizo mwene, aghazira kusaasira muntu waire omulala k'abe mukulu oba muto, musaadha oba mukazi, mulamu oba mulwaire. Musengwa Katonda yaabaghaayo boonaboona mu ngalo edh'abazigu.

Nehemia 11:12

Abantu boonaboona aghalala abaagheerezanga mu isinzizo baali lunaana n'abiri na babiri (822). Okwo nga kw'otaire ni Adaia mutabane wa Yerohamu, Yerohamu mutabane wa Pelalia, Pelalia yaaba mutabane wa Amuzi, Amuzi yaaba mutabane wa Zekaria, Zekaria yaaba mutabane wa Pashuhuri, ate Pashuhuri yaaba mutabane wa Malikiya.

Yeremia 29:25

Musengwa Katonda Afuga Amagye, Katonda wa Isiraeli, akoba ati: Waghandiika embaluwa ku bubwo iwe mwene, waadhigheereza eri abantu boonaboona mu Yerusalemu, n'eri Zefania kabona mutabane wa Maaseia, n'eri bakabona abandi boonaboona, nga dhikoba dhiti,

Yeremia 29:29

Zefania yansomera embaluwa eyo,

Yeremia 35:4

naabatwala mu isinzizo. Agho naabaingiza mu kisenge ky'abeegeresebwa ab'omulanzi ayetebwa Hanani mutabane wa Igadalia. Ekisenge ekyo kyali ghaigulu gh'ekisenge kya Maaseia mutabane wa Shallumu eyakuumanga omulyango gw'eisinzizo. Era nga kiri kumpi n'ebisenge eby'abakungu abandi ab'omu isinzizo.

Yeremia 37:1

Kyabazinga Nebukadinezzari ow'e Babilonia, yafuula Zedekia mutabane wa Yosia okuba kyabazinga wa Buyudaaya mu kifo kya Yehoiakini mutabane wa Yehoiakimu.

Yeremia 37:17

Nga ghabiseeghooku ekiseera, kyabazinga Zedekia yandhetesa bantwale ye yali, era bwenatuukayo yambuuza nga tuli twenka ati: “Ghalighooku obukwenda obuva ye Musengwa?” Nze naamwiramu nti: “Buligho.” Era naamukoba nti: “Iwe baidha kukughaayo eri kyabazinga ow'e Babilonia.”

Yeremia 37:3

Agho kyabazinga Zedekia oyo yaatuma Yehukali mutabane wa Shelemia, ni kabona Zefania mutabane wa Maaseia, baidha bankoba bati: “Tusabire eri Musengwa Katonda waife.”

Yeremia 37:7

“Nze Musengwa Katonda, Katonda wa Isiraeli nkoba nti, kyabazinga oyo Zedekia eyakutuma okwidha okuneebuuzaaku, ja omukobe oti, ‘Eigye lya Misiri libaire liri mu ngira nga liri kwidha okubayamba, aye lija bwa kwirayo ewaibwe.

Yeremia 38:1

Agho Shefatia mutabane wa Mattani, ni Gedalia mutabane wa Pashuhuri, ni Yehukali mutabane wa Shelemia, ni Pashuhuri mutabane wa Malakia, baawulira nga nkobera abantu nti:

Yeremia 38:14

Agho kabiri kyabazinga Zedekia yandhetesa bantwale ye yali ku mulyango ogwokusatu ogw'eisinzizo. Bwe natuukayo yankoba ati: “Nja kukubuuza ekibuuzo, era nhenda onkobere amazima geene nga tolekaayo.”

Yeremia 52:24

Nebuzaradani omuduumizi w'abakuumi ba kyabazinga w'e Babilonia, era yaagema Seraia Kabona Omukulu, ni Zefania kabona amwiririra, n'abakuumi b'omulyango ogwingira mu isinzizo abasatu.