Yeremia 20:8 - Baibuli Ekibono kya Katonda 2014

⁸ Buli lwe ndhogera nkaabuka bukaabuke, nalangirira nti: “Ebikolwa eby'obukambwe n'okuzikirira biri kwidha!” Wo Musengwa Katonda, abantu banvuma era bandheeyereza olw'okulangirira obukwenda bwo.

Yeremia 20:8 ပူးပေါင်းရင်းမြစ်များ

2 Bakyabazinga 2:23

Agho Elisha yaava e Yeriko, yaaja e Betheli. Bwe yali ng'ali kutambula mu ngira, abaisuka abatobato baava mu kibuga, baamuyeeyereza nga bakoba bati: “Va agho oje, iwe kapaata! Va agho oje, iwe kapaata!”

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Isaia 57:4

Imwe aboonooni era abaguya, naani ye muli kuleetaku omuzaanho? Naani ye muli kwasamizaaku eminwa okumusungiriza?

Yeremia 15:10

Ye nga nkagwireku nze Yeremia! Maama yanzaalira ki ku nsi kuno? Ku nsi kuno ndi n'okusoola era n'okutakana n'abantu boonaboona. Tiwolangaku muntu, waire nze mwene okwewola ku muntu yeenayeena, aye ate abantu boonaboona bankolimira.

Yeremia 15:15

Agho naakoba Musengwa Katonda nti: “Wo Musengwa Katonda, iwe ondidhi! Nkusaba ondidhukire oidhe onhambe, oneesasuulizeegho ku abo abankiriga. Otabaguminkiriza kubagha kaghagaanhia ka kundhita. Oteerabira nga buliidho banvuma ku lulwo.

Yeremia 17:27

Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Yeremia 28:8

Abalanzi abaayogera eira, nga iwe ninze tukaali, baakoba entalo, n'endhala, n'endwaire ya kawumpuli, ebyali eby'okwidha biite abantu mu maghanga kamaala ni mu bwakyabazinga obw'amaani.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Yeremia 5:6

Abantu abo bali n'ebibi kamaala era baava inho ku Katonda. Kale ni empologoma dhiriva mu kibira dhaabaita, emisege gyava mu irungu gyabazikiriza, n'empala dhaabeeteega mu bibuga byaibwe, nga kiisi muntu afuluma dhimuyuzayuza.

Yeremia 6:10

Nze nairamu nti: “Ni baani be nnaayogera nabo ni bampulirisa mbalabule? Baakalangusa emyoyo gyaibwe, tibenda kuwulira by'okoba. Obukwenda bw'ontuma okubakobera babusekerera, baaloba kubusanhukira naire.

Yeremia 7:9

Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Habakkuku 1:3

Lwaki ondeka ni ngwa ku bizibu? Lwaki olingirira bulingirire ng'abantu bakola ebibi? Buli ghe ninga mbona bikolwa bya bukambwe na kuzikiriza, abantu basoola era baalwana.

Luka 11:45

Agho mulala ku Banamateeka yaamukoba ati: “Mwegeresa, bw'okoba otyo, twena oba otuvumye.”

Abaheburayi 11:26

Yabona nga okuvumwa olwa Kurisito kya mughendo inho okusinga obukombe bw'e Misiri, kuba yalowoozanga ku mpeera ye yali aja okugheebwa.

Abaheburayi 13:13

Kale tuje y'ali ku luya kw'ekibuga tugabane ku kuswala kwe.

1 Petero 4:14

Oba nga babavumira eriina lya Kurisito muli ba nkabi, kuba kino kitegeeza nga Mwoyo wa Katonda ow'ekitiisa ali mu imwe.