Yeremia 20:7 - Baibuli Ekibono kya Katonda 2014

⁷ Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Yeremia 20:7 ပူးပေါင်းရင်းမြစ်များ

2 Bakyabazinga 2:23

Agho Elisha yaava e Yeriko, yaaja e Betheli. Bwe yali ng'ali kutambula mu ngira, abaisuka abatobato baava mu kibuga, baamuyeeyereza nga bakoba bati: “Va agho oje, iwe kapaata! Va agho oje, iwe kapaata!”

Yobu 12:4

Nsekererwa bakagwa bange, nze eyasabanga Katonda n'andhiramu. Nze omuntu akola ekituufu, aziraku musango, mpegaano nsekererwa bantu.

Yobu 30:9

Aye mpegaano mbafuukiire lwembo, ndi nsambo yaibwe ya kudhondha.

Zabbuli 119:51

Abo abeekuluntaza baanhoomerera, aye tija kukyuka kuva ku mateeka go.

Isaia 8:11

Musengwa Katonda yandabula inho ng'ansikirira ndobe kujiiranga ku mpisa dha bantu bano. Yaakoba ati:

Yeremia 15:10

Ye nga nkagwireku nze Yeremia! Maama yanzaalira ki ku nsi kuno? Ku nsi kuno ndi n'okusoola era n'okutakana n'abantu boonaboona. Tiwolangaku muntu, waire nze mwene okwewola ku muntu yeenayeena, aye ate abantu boonaboona bankolimira.

Yeremia 15:18

Lwaki obulumi bwange bweyongera bweyongere? Lwaki eibwa lyange lifuuse lya kokolo, ni litawona? Oyenda kunfuukira ng'oti n'akaiga akateesigika, akakala mu biseera by'endoboozi? Oba ng'oti n'amaadhi agaloba okugwa mu biseera ebituufu?”

Yeremia 17:16

Aye nze tikupikirizangaku iwe obasindikire akabi koonakoona, era tibendezangaku batuuke ku buzibu. Ekyo iwe Musengwa Katonda okiidhi bukalamu. Bye nayogera byonabyona obiidhi.

Yeremia 20:9

Bwe nkoba mule nti: “Ka ndobe kwogera mu liina lya Musengwa Katonda oba waire okumwogeraku obwogere,” obukwenda bwo buba ng'oti muliro oguli kwakira munda mu nze. Era bumbitiriireku tikaasobola kubufuga.

Yeremia 29:26

“‘Musengwa Katonda yakufuula kabona mu kifo kya Yehoiada, buti niiwe akulira eisinzizo. Mulimo gwo okubona nga buli muntu eyeeralusa ni yeefuula okuba omulanzi, bamusiba ku ndhegere era baamuta ekikoligo mu nkoto eky'ekyuma ekigumu einho.

Yeremia 38:19

Aye kyabazinga yairamu ati: “Nze ntya Bayudaaya banaife abaamala okweghaayo ni baira ku luuyi lw'Abababilonia. Abababilonia basobola okumpaayo eri Abayudaaya abo bandeetera okulumizibwa nga bandaazadaaza.”

Okulira 3:14

Nafuuka ekisekererwa eri abantu boonaboona, era olunaku lwonalwona bemba enhembo edh'okundheedha.

Ezekieli 3:14

Omwoyo gwa Katonda gwambeeda gwantwala, naaja nga ndiku obusungu n'enaku, era amaani ga Musengwa Katonda gandidhaku mangi inho.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Yona 4:2

Agho yaakoba ati: “Wo Musengwa Katonda, bino ti bye nakoba nga nkaali mu nsi yange? Nze namanha ng'oli wa kivunika era asaasira einho. Ogonza inho abantu obutalekera era obaguminkiriza buliidho oli mwetegefu okukyusa ebidhuubo byo waaloba kubabonereza. Era kyova obona nali numukiire e Tarushishi.

Mika 3:8

Aye nze, Musengwa Katonda andidhwiza omwoyo gwe, era yampa amaani n'obutatya, okukobera Abaisiraeli omuntu bw'agwaine okubisibwa mu butuufu, era n'okubakobera ebibi bye bakola.

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Luka 23:11

Era Herode n'abaisirukale be, baamukola ebikolwa eby'obudhoozi baamusekerera, agho baamuvaaza ekivaalo eky'ekitiisa memale yaamwiriza Pilato.

Ebikolwa by'Abatume 17:18

Abandi ku bakabwidhibwidhi abeetebwa Abepikuro n'Abasitoiki boona baatakana naye. Abandi baakoba bati: “Ono alabankana naki?” Abandi baakoba bati: “Ali oti ayegeresa ku bakatonda ba maghanga gandi.” Kuba yali ayegeresa ku Yesu n'okuzuukira.

Ebikolwa by'Abatume 17:32

Bwe baawulira Paulo ng'ayogera ku kuzuukira abandi baamusekerera aye abandi baakoba bati: “Olitukoberaku kino kabiri olundi.”

1 Ab'e Korintho 9:6

Barunaba ninze, niife twenka abali n'okukola okweyemerezaagho?

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.