Yeremia 20:6 - Baibuli Ekibono kya Katonda 2014

⁶ N'iwe Pashuhuri, balikugema baakutwala e Babilonia ghalala n'ab'omu maka go boonaboona. Era eyo y'olifiira, waaziikibwa iwe ni bakagwa bo boonaboona be wakoberanga obulanzi obw'obuguya.’ ”

Yeremia 20:6 ပူးပေါင်းရင်းမြစ်များ

Isaia 9:15

omutwe ogwo nga n'abantu abakaire era ab'ebitiibwa, ate omukira nga n'abalanzi abeegeresa eby'obuguya.

Yeremia 14:13

Nze naakoba nti: “Aa, Musengwa Katonda waife, abalanzi bakobera abantu abo bati, ‘Tighaja kubaagho lutalo waire endhala, kuba mbu iwe wasuubiza oti ghaidha kubangagho miraala myereere mu nsi yaife.’ ”

Yeremia 14:16

N'abantu be bakobera obulanzi obwo boona baliitibwa mu nsambo n'endala. Emirambo gyaibwe, ghalala n'egya bakazi baibwe, n'egya batabane baibwe ni baghala baibwe, gija kusuulibwa mu nguudo dha Yerusalemu, nga ghazira na muntu agiziika mu nsambo eyo mbeesasuulizeeku olw'ebibi byaibwe.”

Yeremia 20:1

Agho Pashuhuri kabona mutabane wa Immeri, era eyakuliranga eisinzizo, bwe yawulira nga ndi kulangirira ebintu ebyo ku kibuga Yerusalemu,

Yeremia 20:4

Musengwa Katonda mwene akobye ati, ‘Bona, ndidha kukufuula ekintu ekitiisa eri iwe mwene n'eri bakagwa bo, era olibona nga boonaboona baitibwa abazigu baibwe mu lutalo. Nja kughaayo abantu b'omu Buyudaaya boonaboona mu ngalo dha kyabazinga w'e Babilonia. Abandi alibatwala e Babilonia ng'abanhage, ate abandi yaabaita.

Yeremia 23:32

Muwulire nze Musengwa Katonda kye nkoba: Nkyagha abalanzi abo abakobera abantu ebirooto byaibwe ebiidhwire obuguya, ni badaaliimya abantu bange n'obuguya bwaibwe obwo, nga babeesuutiraku. Tibatumangaku, naire okubalagira baje bakole batyo! Era bazira kya makulu kye batwalira bantu abo naire. Nze Musengwa Katonda, ninze nkobye.”

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Okulira 2:14

Abalanzi baimwe, mu kifo eky'okubakobera okubonekerwa okuva ewa Katonda, baabakoberanga bya buguya, ebibi byaimwe baabighembaku bughembe okubafiiriza enkabi. Obukwenda obuva ye Katonda baabubakobera mu busobu, bwabaleetera okudaaliima.

Ezekieli 22:28

Abalanzi baamu baghemba ku bibi ebyo, ng'omuntu bw'asiiga ekimante langi endheru. Okubonekerwa kwe bafuna kwa buguya, ni bye balagula ti bituufu naire, nga bakoba mbu, ‘Musengwa Katonda akoba ati,’ ate nga nze Musengwa Katonda nzira kye nkobye naire.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Mika 2:11

“Abantu bano benda omulanzi aja ng'abakobera obukwenda obwidhwire okuguya, ng'abakoba ati, ‘Mwidha kufunanga omwenge ogw'emizabbibu n'ebitamiiza ebindi.’

Zekaria 13:3

Bwe ghalibaagho ole alyenda okweyeta omulanzi, ise n'inhina balimukoba bati ateekwa okwitibwa, olw'okwogera eby'obuguya aye ate n'abyeta ebibono bya Musengwa Katonda. Era bw'aligezaaku okukola obulanzi, ise n'inhina abo balimufumita yaafa.

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.