Yeremia 20:3 - Baibuli Ekibono kya Katonda 2014

³ Enkyo ku lunaku olwairirira, Pashuhuri bwe yalagira ni bansibulula mu nkoligo, nze naamukoba nti: “Musengwa Katonda takaakweta liina lyo Pashuhuri, aye aidha kukwetanga ‘Entiisa Egemye Bulighantu.’

Yeremia 20:3 ပူးပေါင်းရင်းမြစ်များ

Amainhama 17:15

Era Katonda yaakoba Aburahamu ati: “Ate mukazi wo Sarai, tokaamweta Sarai, aye oidha kumwetanga Sara.

Amainhama 17:5

Tokairayo kwetebwa Aburamu, aye oidha kwetebwanga Aburahamu, kuba nkufiire dhaadha ow'amaghanga kamaala.

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Zabbuli 31:13

Bwenebwene mpulira abantu kamaala nga boogera obwama; buli ghe nninga mpulira kutya kwereere nga baneegeyaamu, era nga beekobaana okundhita.

Isaia 8:3

Agho naaja naaba ni mukazi wange, yaatoola enda era yaazaala omwana mulenzi. Musengwa Katonda yankoba ati: “Mutuume eriina OMUNHAGO OGW'AMANGU, OKUSWANKULA BYE BANHAGULWIRE

Yeremia 19:2

oje nabo mu kiiko ekyetebwa ekya mutabane wa Hinnomu, ng'obitira mu gwetebwa Omulyango ogw'Engyo. Era eyo y'oidha okukobera abantu obukwenda bwe nnaakugha.

Yeremia 19:6

Kale ni bona eno, ekiseera kiri kwidha, ekifo ekyo kirekere okwetebwa Tofethi, oba ekiiko kya mutabane wa Hinnomu, aye kyetebwe Ekiiko eky'Okutirimbuliramu.

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 29:29

Zefania yansomera embaluwa eyo,

Yeremia 46:5

Aye Musengwa Katonda yeebuuza ati: “Kiki kye ndi kubona? Batiire inho era bali kwira einhuma! Abalwani baibwe ab'amaani baghangwirwa, baaziinhuuka embiro nga bagwidhubana, aghazira kulinga na inhuma. Era buli ghantu ghali ntiisa ndhereere!

Yeremia 6:25

Ghatabaagho muntu aja mu nimiro, waire atambulatambula mu ngira; kuba abazigu baife bagemye empiima, buli ghantu ghali ntiisa ndhereere.”

Yeremia 7:32

Kale ni bona, ekiseera kiri kwidha, ekifo ekyo kirekere okwetebwa Tofethi, oba ekiiko kya mutabane wa Hinnomu, aye kyetebwe Ekiiko eky'Okutirimbuliramu kuba balikiziikamu abantu kamaala abaliba nga bazira ghandi gha kubaziika.

Okulira 2:22

Wayeta abazigu bange baaneezungulula, ng'oti n'abantu abeesoloiza ku lunaku olw'embaga ey'ekibinuko ekyalagirwa. Era Musengwa Katonda, ku olwo lunaku lwe wasungughaliraku, nga ghazira asobola kukunuuka oba kukuwona. Abazigu bange baazikiriza abaana be nalera ni nkuza.

Ezekieli 13:9

Nja kubabonereza imwe abalanzi abafuna okubonekerwa okw'obulimba era abalanga eby'obuguya. Timulityama mu lwekobaano lwa bantu bange, waire okughandiikibwa mu kitabo eky'ab'eighanga lya Isiraeli. Era timuliirayo mu nsi yaimwe Isiraeli naire. Olwo mulimanha nga ninze Musengwa Katonda.

Ebikolwa by'Abatume 16:30

Yaabafulumya ku luya yaababuuza ati: “Baisebo nteekwa kukola ki okughanga okulokolebwa?”