Yeremia 20:18 - Baibuli Ekibono kya Katonda 2014

¹⁸ Kale lwaki nazaalibwa? Nazaalibwa kubona nnaku na kudaagadaaga, na kutuusa kufiiririra nga ndi mu buswavu?

Yeremia 20:18 ပူးပေါင်းရင်းမြစ်များ

1 Bakyabazinga 19:4

aye mwene yaatambula mu irungu olugendo lwa lunaku lulamba, yaaja yaatyama ghansi gh'omuti ogw'ekyeyo, yaasaba afe ng'akoba ati: “Wo Musengwa Katonda bye mboine bimala! Twala obulamu bwange mpegaano, kuba ghazira kye nsinga badhaadha bange!”

Yobu 14:1

“Buli muntu azaalibwa mukazi, era obulamu bwe buba bumpi ate nga bwidhwire bizibu.

Yobu 14:13

Nguli ongisiisa e magombe n'onkuumira eyo, okutuusa obusungu bwo lwe buliwaagho. Era n'ongerera ekiseera n'omala n'ondidhukira.

Yobu 3:20

Kigasa ki okuleka abantu abali mu nnaku, ni basigala nga bakaali balamu, n'okuleka abo abadaazibwadaazibwa okuba mu butangaavu?

Yobu 5:7

Aye abantu beene n'abaazaalirwa okuba n'ebizibu, ng'oti n'obusambuka bw'omuliro bwe busambukira ghaigulu nga buva ku muliro.”

Zabbuli 102:3

Obulamu bwange buwaagho ng'oti mwosi; n'amagumba gange gaaya omuliro ng'oti gwa mu luyiira.

Zabbuli 69:19

Oidhi bwebanvuma ni banswazaswaza ni baanhooma; era oidhi abazigu bange boonaboona.

Isaia 1:6

Okuviira irala ku mutwe okutuukira irala ku bigere ghaziraku ghalamu naire. Oidhwire bwa binuubulenuubule, na bikwadulekwadule, na bibwa ebiri kutiiriika omusaayi, ebitanaaziibwa waire okusibwaku ekighero, oba okuteebwaku obulezi.

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Yeremia 15:10

Ye nga nkagwireku nze Yeremia! Maama yanzaalira ki ku nsi kuno? Ku nsi kuno ndi n'okusoola era n'okutakana n'abantu boonaboona. Tiwolangaku muntu, waire nze mwene okwewola ku muntu yeenayeena, aye ate abantu boonaboona bankolimira.

Yeremia 15:18

Lwaki obulumi bwange bweyongera bweyongere? Lwaki eibwa lyange lifuuse lya kokolo, ni litawona? Oyenda kunfuukira ng'oti n'akaiga akateesigika, akakala mu biseera by'endoboozi? Oba ng'oti n'amaadhi agaloba okugwa mu biseera ebituufu?”

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 8:18

Enaku yange, nze Yeremia, teja kuwaagho. Mpulira ng'endidhwire bwa ku mwoyo.

Okulira 1:12

“Imwe mwenamwena abali kubitagho muuningirire, mubone. Ghazira kye mwegamu? Mubonangaku obughafu ng'oti n'obwange bwe ndimu? Musengwa Katonda n'eyansuula mu bughafu buno ng'asungughaire ekibitiriire.

Okulira 3:1

Ninze ndidhi okubonerezebwa Katonda kye kitegeeza; ninze ndidhi omwigo gwe bwe guluma ng'asungughaire.

Habakkuku 1:3

Lwaki ondeka ni ngwa ku bizibu? Lwaki olingirira bulingirire ng'abantu bakola ebibi? Buli ghe ninga mbona bikolwa bya bukambwe na kuzikiriza, abantu basoola era baalwana.

Yoanne 16:20

Bwenebwene ka mbakobere, mulirira, mwagegenga, aye ensi erisagamba; muliwulira enaku, aye enaku yaimwe erifuuka eisanhu.

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 13:13

Kale tuje y'ali ku luya kw'ekibuga tugabane ku kuswala kwe.