Yeremia 20:12 - Baibuli Ekibono kya Katonda 2014

¹² Wo Musengwa Katonda Afuga Amagye, iwe oleba abantu mu mazima waabona bye balowooza mu myoyo gyaibwe. Kale leka nteege mbone nga bw'onaaneesasulizaagho ku bantu abo; kuba ensonga dhange ndhandhwire mu maiso go.

Yeremia 20:12 ပူးပေါင်းရင်းမြစ်များ

2 Ebyomubyanda 24:22

Mu ngeri eyo kyabazinga Yoashi yaaloba kwidhukira ekisa Yehoiada kye yamukolera, yaita Zekaria mutabane wa Yehoiada oyo. Zekaria bweyali ali kumpi okufa, yaakoba ati: “Musengwa Katonda agwananga yaabona kino ky'okoze, yaakwesasuulizaaku.”

Zabbuli 11:5

Musengwa Katonda yeekebeedha abatuufu n'abakozi b'ebibi, era tayendera irala abo abagonza ebikolwa eby'obukambwe.

Zabbuli 139:23

Wo Katonda wange, neekalirisa otegeere omwoyo gwange, era ondebe omanhe ebidhuubo byange.

Zabbuli 17:3

Oidhi omwoyo gwange, oidha waagukyalira obwire, waaneekebeedha wankenenula, aye ghaabula ekibi ky'ondhagaanamu. Tyogera bya buguya

Zabbuli 54:7

Wamponia wantoola mu bizibu byange byonabyona, naabona abazigu bange nga baghangwirwa.

Zabbuli 58:10

Abatuufu balisagamba okubona nga Katonda abonereiza aboonooni; balityankirira omusaayi ogw'ababi.

Zabbuli 59:10

Katonda wange olw'okungonza einho, aliidha yambeera, naabona abazigu bange nga baghangwirwa.

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Zabbuli 7:9

Wo Katonda wange, oli mutuufu era weekebeedha emyoyo n'ebidhuubo eby'abantu. Lekeza ababi okukola obubi, oghe abo abakola obulungi okuba obukalamu.

Zabbuli 86:4

Nze omugheereza wo mpa okuba omusangaavu, kuba niiwe ye nsinza.

Isaia 37:14

Kyabazinga yaatoola embaluwa eyo ku bakwenda, yaagisoma. Yaamala yaaja mu isinzizo, yaagyandhuluza mu maiso ga Musengwa Katonda,

Isaia 38:14

Nabanga agho nga nsinda ng'oti nhonhi. Amaiso ganduyirira olw'okulingiriranga eigulu. Wo Musengwa Katonda, idha omponie obuzibu bwe ndimu.

Yeremia 11:20

Agho nze naasaba nti: “Wo Musengwa Katonda Afuga Amagye, niiwe omulamuzi asala mu mazima, waaleba emyoyo n'ebirowoozo by'abantu. Kale ka nteege mbone nga bw'onaaneesasuulizaagho ku bantu abo; kuba ensonga dhange ndhandhwire mu maiso go.”

Yeremia 12:8

Abantu bange be neerondera banfuukiire ng'oti mpologoma bw'ewologomera mu kibira, bankaabukira nga banvuma. Kyenviire ni mbakyagha.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

1 Petero 4:19

Kale ni abo abadaazibwadaazibwa nga Katonda bw'ayenda bakolenga bukalamu, bagemye Omutonzi waibwe oyo omwesigwa emyoyo gyaibwe.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

Okwolekebwa 6:10

Baayasiikana bati: “Wo Musengwa Aghanga Ebintu Byonabyona, omutukuvu era ow'amazima, olisalira li abantu ab'oku nsi omusango okubasinga, n'obeesasuulizaaku olw'okutwita?”

1 Samueli 1:15

Aye Hanna yaamwiramu ati: “Busa, musengwa wange. Nkaali kunhwa ku mwenge gwa mizabbibu oba ekitamiiza kyonakyona. Nze ndi mukazi aidhwire enaku, era mbaire ndi kufukumula ebiri ku mwoyo gwange mu maiso ga Musengwa Katonda.