Yeremia 2:7 - Baibuli Ekibono kya Katonda 2014

⁷ Nabaleeta mu nsi erimu ebirungi kamaala, muwoomerwe ebibala byamu n'ebintu byamu ebirungi. Aye imwe bwe mwagituukamu, mwagyonoona bwonoone, omugabo nze gwe nabagha mwagufuula ekyenhinhalwa.

Yeremia 2:7 ပူးပေါင်းရင်းမြစ်များ

Nehemia 9:25

Abaidhukulu abo baanhaga ebibuga ebyezungulwirwa ebimante ebigumu baatoola eitaka eigimu n'endhu edhiidhwire ebintu ebirungi; baatoola ensulo ensime, amasamba ag'emizabbibu, n'ag'emiti emyoliva, n'ag'emiti egindi egy'ebibala kamaala. Kale baalyanga baigutanga era baageedha, beesanhukiza ku birungi ebingi bye wabagha.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Isaia 19:25

Musengwa Katonda Afuga Amagye alidhigha enkabi ng'akoba ati: “Misiri eighanga lyange, ni Assiria nze mwene lye natonda, ni Isiraeli lye nalondamu okuba eryange, gagheebwenga enkabi.”

Yeremia 16:18

Nja kubabonereza nga mbeesasuulizaaku emikuzi ebiri olw'okwonoona kwaibwe n'ebibi byaibwe kuba baayonoona ensi yange baagireetamu ebisinzibwa byaibwe ebitali Katonda ebyenhinhalwa ebiri ng'oti bwa mirambo, era bagiidhuza emisambwa.”

Yeremia 3:1

Musengwa Katonda akoba ati: “Omusaadha bw'abinga mukazi we, omukazi oyo naabayira omusaadha owundi, omusaadha oyo asobola kabiri okwiza omukazi oyo? Olwo ensi eyo eba teyonooneike? Aye imwe Abaisiraeli timwali beesigwa ye ndi, mwaba ng'oti malaaya bw'aba n'abagonzi be abangi. Aye obwo mwenda kabiri kwira ye ndi?

Yeremia 3:2

Mulingirire ghaigulu ku nsozi edhiziraku kantu, mubone oba nga ghaligho waire olulala ku nsozi edho, lwe mutaakoleraku bwamalaaya. Mubwama ku mbali kw'enguudo, mwateega be munaayenda nabo, ng'oti n'abanhazi b'omu irungu bwe beeteega abantu. Mwonoine ensi n'obwamalaaya bwaimwe obutakobeka.

Yeremia 3:9

baaloba kugemwa na nsoni. Olwo baaleetera ensi okwonooneka, olw'obutaba beesigwa ye ndi, ni baja basinza obw'amabaale n'emiti.

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Yeremia 32:30

Abantu b'omu Isiraeli n'ab'omu Buyudaaya, okuviira irala mu mainhama ag'ebyafaayo byaibwe, tibansiimya naire olw'ebikolwa byaibwe, era bansungughaza busungughaze mu bye bakola.

Ezekieli 20:24

Neerayirira ntyo lwa kuba baava ku biragiro byange era baaloba kujiira ku mateeka gange. Baayonoona n'olunaku lwange olwa Sabbato, era baasinzanga ebitali nze Katonda ebya badhaadha baibwe.

Ezekieli 20:28

Bwe nabatuusa mu nsi nze mwene ye neerayirira okubagha, ng'olwo buli ghe baabonanga akasozi akagulumivu oba omuti ogw'amakaba amangi amazibirivu, ng'agho bagheeragho emisengo gyaibwe. Ebigheebwayo byaibwe bye baagheeranga mu bifo ebyo, n'obuwoowo bwe baaniokezangayo, era n'ebigheebwayo eby'okunhwa bye baafukangayo, byansungughazanga busungughaze.

Ezekieli 20:6

Era ku olwo nabasuubiza okubatoola mu nsi Misiri, mbatwale mu nsi ye nabategekera engimu era erimu ebirungi kamaala, esinga edhindi dhoonadhoona ekitiibwa.

Ezekieli 23:35

Musengwa Katonda akoba ati: “Kale nga bwewanvaaku n'oneerabirira irala, oli n'okugumira ekibonerezo olw'obwenzi bwo n'obwamalaaya bwo.”

Ezekieli 36:17

“Iwe omuntu, abantu ab'eighanga Isiraeli bwe baali mu nsi yaibwe, baagyonoona olw'emize gyaibwe n'ebibi bye baakola. Ensambo ye beebisangamu, nga ti nongoofu ng'oti n'omukazi bw'aba ng'ali mu biseera bye eby'okulwala.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Mika 2:10

Musituke muje, ghano tighakaali miraala. Ekifo kino kija kuzikirizibwa olw'ebibi byaimwe.

Okubala 13:27

Baakobera Musa bati: “Twatuuka mu nsi ye watutuma okukeeta, twabona nga ngimu era ng'erimu ebirungi kamaala, era bino n'ebibala byamu.

Amateeka Agokubiri 21:23

omulambo gwe tiguusulenga ku muti okwo, aye munaaguziikanga ku lunaku olwo lwene. Kuba omulambo ogughanikiibwa ku muti ni gulengeedhera okwo guleeta ekikolimo kya Katonda ku nsi. Kale ni mulobenga kwonoona nsi Musengwa Katonda waimwe y'ali kubagha okuba obutaka bwaimwe.”

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

Amateeka Agokubiri 6:18

Mukolenga ebyo Musengwa Katonda by'abona nga bituufu era nga birungi. Olwo musobole okuba obukalamu, n'okwingira okutwala ensi enungi, Musengwa Katonda ye yasuubiza badhaadha baimwe.