Yeremia 2:5 - Baibuli Ekibono kya Katonda 2014

⁵ Musengwa Katonda akoba ati: “Kisobyo ki badhaadha baimwe kye bambonamu, memale ni basalagho okunvaaku. Ni baja okusinza ebintuntu ebiziramu makulu, era ni beene ni bafuuka abaziramu makulu?

Yeremia 2:5 ပူးပေါင်းရင်းမြစ်များ

2 Bakyabazinga 17:15

Baaloba kugemanga biragiro bye, waire okukuuma endagaano ye yakola ni badhaadha baibwe, era baaloba kufangayo ku kulabula, kwe yabalabulangamu. Baasinzanga ebisinzibwa ebitali Katonda ebitagasa, olwo ni beene baafuuka ebitagasa, era baajiiranga ku mpisa edh'abamaghanga agandi agabeezungulwire. Ate nga Musengwa Katonda yabalobera okwebisanga ng'oti n'abamaghanga ago.

Zabbuli 115:8

Abo ababikola bagwananga boona baaba ng'oti ni byene bwe biri, n'abo ababyesiga boona baabanga batyo.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 44:9

Abo boonaboona abakola ebisinzibwa ebitali Katonda bali agho batyo, bazira kye bagasa naire. N'ebisinzibwa byaibwe ebyo ebibeesiimisa, biziramu muganhulo. N'abo ababisinza batulu beene, era tibaidhi ng'ekyo kye bakola kisobola okubaleetera okuswala obuswale.

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 12:2

Oja waabasimba ng'oti bisimbe baasimba emizi. Baakula baatuuka okubala ebibala. Buliidho baakwogerangaku bukalamu, waire nga bwenebwene tibakufaaku.

Yeremia 14:22

Ku bakatonda ab'amaghanga agandi abaziramu makulu, ghaligho asobola okugwisa amaadhi? N'eigulu ku bwalyo lyonka lisobola okutoonhesa waire obw'olumiiyirizi? Ti niiwe Musengwa Katonda waife? Eisuubi lyaife lyonalyona liri mu iwe, kuba niiwe okola ebintu ebyo byonabyona.

Yeremia 2:31

Imwe Abaisiraeli muwulire nze Musengwa Katonda kye nkoba. Nabeefuukirakuuku naababeera ng'oti irungu, era ng'oti n'ensi egemye enzikiiza eri bedimudimu? Kale imwe bantu bange kiki ekiboogeza muti, ‘Tuli ba idembe, titukaira y'oli?’

Yeremia 2:4

Muwulire obukwenda obuva ye Musengwa Katonda, imwe baidhukulu ba Yakobo, imwe Abaisiraeli mwenamwena.

Yeremia 8:19

Wulira, abantu bange bali kulira woonawoona mu ighanga, bati: “Musengwa Katonda takaaba mu Sioni? Oyo Kyabazinga ow'ensi eno takaabaamu?” Aye Musengwa Katonda yaabairamu ati: “Lwaki mwansoononkereza ni mundeetera okusungughala, nga musinza ebifaananie ebibaadhe, ni musinza ebintu ebitali Katonda?”

Ezekieli 11:15

“Iwe omuntu, abatyamye b'omu Yerusalemu bakwogeraku iwe ni Baisiraeli baino abali mu bunhage, nga bakoba bati, ‘Abo abaatwalibwa mu bunhage baviire inho ku Musengwa Katonda. Era buti Musengwa Katonda oyo yatugha ensi eno ebe yaife ku bwaife.’

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Yona 2:8

Abo abasinza ebitali Katonda ebitagasa, beefiiriza beene obusaasizi bwo.

Matayo 15:8

‘Abantu bano bantaamu ekitiisa mu bibono bubono, aye omwoyo gwaibwe gundi ghala.

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Ab'e Roma 1:21

Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

Amateeka Agokubiri 32:21

Bandeetera okuba n'enkikidi nga basinza ebitali nze Katonda, bansungughaza nga beesiga ebisinzibwa ebitali nze Katonda. Kale, zeena ndidha kubasaaliza nga numirwa abatali bantu bange. Ndidha kubasungughaza nga ngonza eighanga ery'abaziramu magezi.

1 Samueli 12:21

Era mutadaaliimanga ni mujiira ku bintu ebiziramu muganhulo, ebitaghanga kugasa waire okuwonia omuntu, kuba biziramu muganhulo.