Yeremia 2:35 - Baibuli Ekibono kya Katonda 2014

³⁵ era mukoba muti, ‘Tuziraku musango. Bwenebwene Musengwa Katonda takaali na busungu ku ife.’ Aye nze Musengwa Katonda imwe ndidha kubabonereza, kuba mukoba muti timukolanga kibi naire.

Yeremia 2:35 ပူးပေါင်းရင်းမြစ်များ

Yobu 33:9

‘Nziraku musango, ghazira kikyamu kye nakola. Nziraku kye nvunaanibwa era nziraku kibi.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Isaia 58:3

“Baja baabuuza bati, ‘Lwaki tusiiba ng'ate Musengwa Katonda tafaayo? Era lwaki twebonereza aye n'atatufaaku naire?’ “Nze Musengwa Katonda naabairamu nti, ‘Mubone eno, ku lunaku lwe musiibiraku, muba muli kwenooneza bibasanhusa imwe beene. Era mutuntuza n'abakozi baimwe.

Yeremia 16:10

“Bw'onaakobera abantu ebintu ebyo byonabyona, baidha kukubuuza bati, ‘Lwaki Musengwa Katonda alangiriire akabi akanene katyo okututuukaku? Twiziiza musango ki? Era kibi ki kye tukoze eri Musengwa Katonda waife?’

Yeremia 2:23

Musobola mutya okukoba muti, ‘Titubangaku boonoonefu, era titusinzangaku musambwa Baali?’ Mubone nga bwe mwebisa obubi mu kiiko, mutegeere bye mwakola. Muli ng'oti ngamiya ebbaamuuse n'erumukira eno n'ere.

Yeremia 2:29

Musango ki gwe muunumiriza? Lwaki mwenamwena mundheemeire?

Yeremia 2:9

“Kale ni ndidha kusigala nga nkaabalumiriza omusango gwaimwe, era nsigale nga nkaagulumiriza n'abaana baimwe n'abaidhukulu.

Yeremia 25:31

Amamiro ge baligawulira eyo yoonayoona ensi y'ekanga, kuba ghaligho omusango Musengwa Katonda oyo gw'avunaana amaghanga. Aliwozesa abantu boonaboona, yaabaghaayo baabaita.’ ”

Ezekieli 17:20

Ndimutega naamugemya mu lutuula lwange, naamutwala mu Babilonia. Naamusalira eyo omusango gwamusinga, era naamubonereza olw'obutaba mwesigwa ye ndi.

Ab'e Roma 7:9

Nze nali mulamu ng'amateeka gaziragho, aye ekiragiro bwe kyaidha, ekibi kyasituka