Yeremia 2:32 - Baibuli Ekibono kya Katonda 2014

³² Omughala asobola okwerabira ebyamadholobera bye by'avaala? Oba omugole okwerabira ebivaalo bye eby'obugole? Aye abantu bange baneerabiire enaku kamaala edhitabalika!

Yeremia 2:32 ပူးပေါင်းရင်းမြစ်များ

Amainhama 24:22

Engamiya bwe dhaamala okunhwa, omusaadha yaatoolayo empeta eya zaabu ey'omughendo einho, n'obukomo bubiri obwa zaabu obw'omughendo omungi obw'okuvaala ku mikono.

Amainhama 24:30

Aye Labani yamala kubona ku mpeta na ku bukomo ku mikono gya mwanhina, era na kuwulira mwanhina oyo ng'aghaya ebyo omusaadha bye yamukoba, memale yaaja eri omusaadha era yaamwagaana ng'ayemereire kumpi n'engamiya dhe gha nsulo.

Amainhama 24:53

Agho yaatoolayo ebintu ebyakolebwa mu feeza ni mu zaabu, yaatoolayo n'ebivaalo, yaabigha Rebekka. Era yaagha mwanhina Rebekka ni mukaire we ebirabo eby'omughendo einho.

2 Samueli 1:24

Imwe baghala b'Abaisiraeli mulire Saulo, eyabavaazanga ebivaalo eby'ebitiibwa ni mutoonha, era eyabavaazanga ebyamadholobera ebya zaabu.

Zabbuli 106:21

Baava ku Katonda eyabawonia okuzikirira, era eyakola ebintu ebikologho mu Misiri,

Zabbuli 9:17

Abakozi b'ebibi, n'abo boonaboona abava ku Katonda, ba kuja magombe.

Isaia 17:10

Iwe Isiraeli weerabiire Katonda wo akuwonia, waamuvaaku oyo ali ng'oti lubaale mwe weewogoma. Oize mu kusimba nimiro dh'omala n'osengamu emisambwa.

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Yeremia 13:10

Abantu abo ababi baaloba okukola bye mbalagira. Baira mu kukolanga ebyo emyoyo gyaibwe emikalangufu bye gyenda, ni mu kusinzanga n'okugheerezanga bakatonda abandi. Kale ni, baja kuba ng'oti n'ekivaalo ky'omu nkende ekyo, ekitakaali na mugaso naire.

Yeremia 13:25

Musengwa Katonda oyo akobye ati ekyo n'ekija okubatuukaku. Ekyo ky'asazeegho okubakola, kuba mwamwerabira, mwesiga bakatonda ab'obuguya.

Yeremia 18:15

Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Yeremia 2:11

Ghaligho eighanga eryafaanisaaku bakatonda baalyo, waire nga mu butuufu ti bakatonda beene? Aye abantu bange bafaanisaamu nze Katonda abagheesa ekitiisa, baaja n'ebintuntu ebiziramu makulu naire.

Yeremia 2:33

Nga mwidhi inho okukiiya abantu mubafuule abagonzi baimwe! Kyaba nti n'abakazi ab'empisa embi, basobola okwegera ku imwe.

Yeremia 23:27

Balowooza bati ebirooto byaibwe bye bakobera abantu, binaaleetera abantu bange abo okuneerabira, ng'oti ni badhaadha baibwe bwe baaneerabira ni baira mu kusinza omusambwa Baali?

Yeremia 3:21

Amamiro gawulikika ghaigulu eyo ku nsozi edhiziraku kantu. Ago n'amamiro ag'Abaisiraeli abali kulira amaziga nga beenenia, olw'okudaaliima ni bava mu ngira entuufu, ni beerabira Musengwa Katonda waibwe.

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Hosea 8:14

Abaisiraeli bazimbye endhu edh'omughendo aye baaneerabira nze eyabatonda. N'ab'omu Buyudaaya bongeire okuzimba ebibuga ebyezungulwirwa ebimante ebigumu. Aye ndisindika omuliro gwayokya ebibuga byaibwe, era gwasaaniagho ebifo byaibwe eby'okwewogomamu.”

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Okwolekebwa 21:2

Naabona ekibuga ekitukuvu, Yerusalemu ekiyaaka, nga kiika kiva mu igulu ewa Katonda, nga kiri ng'oti n'omugole ye bavaaziiza, eyetegeike okutwalibwa ewa iba.

Abalamuzi 8:34

Baalekera okusinza Musengwa Katonda waibwe, eyabawonia abazigu baibwe boonaboona abaali babeezungulwire.