Yeremia 2:30 - Baibuli Ekibono kya Katonda 2014

³⁰ Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 2:30 ပူးပေါင်းရင်းမြစ်များ

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 19:14

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

2 Ebyomubyanda 24:21

Aye abantu baamukolera olukwe, baamukubira amabaale mu luya lw'eisinzizo, nga baajiira ku kiragiro kya kyabazinga.

2 Ebyomubyanda 28:22

Kyabazinga Ahazi oyo, ni mu kiseera kye yabeeramu mu buzibu, yeeyongera bweyongere okukola ebibi eri Musengwa Katonda.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Isaia 1:5

Iwe Buyudaaya, lwaki oyongera okuba omudheemu otyo? Oyenda bongere okukubonereza? Omutwe gwo gwonagwona gwidhwire bibwa byereere, n'omwoyo gwo gwazirika.

Isaia 59:3

Muli n'omusango kuba mwogera eby'obuguya, era mwakola ebikolwa eby'obukambwe n'obutemo.

Isaia 9:13

Waire nga Musengwa Katonda Afuga Amagye yabonereza Abaisiraeli, aye era Abaisiraeli abo tibeeneniaku, waire okukyuka okwira y'ali.

Yeremia 31:18

Mpulira ab'omu Isiraeli abalira nga banakughaire, bati, ‘Wo Musengwa Katonda, twalinga ng'oti n'ensolo edhitafugibwangaku, aye iwe waatwegeresa okukugondera. Ganha otwize y'oli, kuba niiwe Musengwa Katonda waife.

Yeremia 46:14

“Mulangirire mu nsi Misiri ni mu bibuga byamu, Migidoli, Menfisi, ni Tahapanhesi, muti, ‘Mwetegeke okwerwanaku. Byonabyona bye muli nabyo baja kubizikiriza mu lutalo.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 7:28

Oidha kubakoba oti eighanga lyaibwe tirimpulira nze Musengwa Katonda waalyo era tiriganha kugalagirwa. Tirikaali na mazima, waire okugoogeraku obwogere.’”

Okulira 4:13

Aye ekyo kyabaagho olw'ebibi eby'abalanzi baamu, n'olw'okwonoona okwa bakabona baamu, abaakiitirangamu abantu abatuufu.

Ezekieli 22:24

“Iwe omuntu, kobera Abaisiraeli oti ensi yaibwe ti nongoofu, era ndigibonereza olw'obusungu obundiku.

Ezekieli 24:13

Yerusalemu, obutalaivu obwo n'obwo obwenzi bwo bw'okola. Era olw'okuba nafuba inho okukulongoosa aye nga tosobola kulongooka n'owaamu ikoodera, toliiramu kabiri kulongooka okutuusa lwe ndikumaliraku obusungu bwange.

Danieli 9:13

Aye waire akabi ako akaaghandiikibwa mu mateeka ga Musa kaatutuukaku, era titukweghembangaku iwe Musengwa Katonda waife otugemerwe ekivunika, waire okukyuka tuve mu bibi byaife tujiirenga ku mazima go.

Zefania 3:2

Kizira muntu ye kiwulirisa era tikiganha kugololwa mu nsobi dhaakyo. Tikyesiga Musengwa Katonda, era tikisaba Katonda waakyo oyo akibeere.

Matayo 23:29

“Mukagwireku Abanamateeka n'Abafarisaayo abakuusa imwe, kuba muzimba amagombe g'abalanzi, mwatimba ebiidhukizo eby'abatuukirivu,

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

1 Ab'e Thessalonika 2:15

Abayudaaya abo n'abaita Musengwa Yesu n'abalanzi, era n'ife baatubingira ku luya. Baleetera Katonda okudhuunia era bazigu ba buli muntu,

Okwolekebwa 16:9

Abantu baayokebwa n'omuliro ogw'amaani einho, baavuma eriina lya Katonda ali n'obuyinza ku bibamba ebyo, era baaloba kwenenia na kumusaaka.