Yeremia 2:28 - Baibuli Ekibono kya Katonda 2014

²⁸ “Mpegaano emisambwa gyaimwe gye mwekolera giri gha? Kale ka gisituke gibalokole mu biseera ebizibu, bwe giba nga gisobola. Imwe abantu b'omu Buyudaaya, muli n'emisambwa egyagayaga n'ebibuga byaimwe obungi.

Yeremia 2:28 ပူးပေါင်းရင်းမြစ်များ

2 Bakyabazinga 3:13

Elisha yaakoba kyabazinga wa Isiraeli ati: “Nze ndi na nkolagana ki n'iwe? Ja y'abalanzi ba lata wo ni y'abalanzi ba inhoko.” Aye kyabazinga wa Isiraeli yairamu ati: “Busa, Musengwa Katonda n'atwese ife bakyabazinga abasatu okututa mu ngalo dha Moabu.”

Isaia 45:20

Musengwa Katonda akoba ati: “Mwidhe mwesolokeze ghalala, museete imwe abaawonagho mu maghanga. Abantu abo abaja nga bagemereire ebisinzibwa ebitali Katonda ebyakolebwa mu biti obuti, era ni basaba katonda atasobola kubalokola, baziramu magezi naire.

Isaia 46:2

Emisambwa egyo amaani gagiwoire, ghazira ye gisobola kuyamba waire gyene okwewonia. Bagigema bugeme baagitwala mu bunhage. Eno n'enkomerero y'emisambwa egy'e Babiloni!

Isaia 46:7

Bakibbeedera ku mabega baakitwala, baakita mu kifo kyakyo, kyaba agho nga tikisobola kwesegenhiaku waire okuvaaghooku. Bwe ghabaagho aidha okukisaba tikisobola kumwiramu, waire okumuwonia mu bizibu bye.

Isaia 57:13

Kale ni bwe munandiriranga mbayambe, ebisinzibwa byaimwe ebyo bye musoloza n'ebibe bibawonienga. Aye empewo obuwewo eribifuumuula yaabitwala. Ate nga abo abaneesiga nze, n'abalitwala ensi yaaba yaibwe era bansizizanga ku lusozi lwange olutukuvu.”

Yeremia 1:16

Ndisalira abantu bange omusango gwabasinga olw'obubi bwaibwe; kuba banvaaku baaniokeza bakatonda abandi obubbaani, era baasinza ebintu bye baakola beene n'engalo dhaibwe.

Yeremia 11:12

Olwo abantu b'omu Yerusalemu n'ab'omu Buyudaaya balija ye bakatonda be baniokeza obubbaani, baabalirira babayambe. Aye bakatonda abo tibalisobola kubawonia ng'akabi kaidhie.

Yeremia 11:13

Abantu b'omu Buyudaaya bali ni bakatonda kamaala, abaagayaga n'obungi bw'ebibuga byaibwe. N'abantu b'omu Yerusalemu baazimba alutaari edhaagayaga n'obungi bw'enguudo dh'omu kibuga omwo. Alutaari edho nga dha kuniokezaaku bubbaani eri omusambwa Baali ogwenhinhalwa.”

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Yeremia 37:19

Abalanzi baimwe baaja gha, abaalanganga bati kyabazinga ow'e Babilonia talibalumba imwe, waire okulumba ensi eno?

Hosea 10:1

Abaisiraeli bali ng'oti n'omuzabbibu ogubala emizabbibu kamaala. Ye baakoma okweyongera obungi, ye baakoma n'okuzimba alutaari enhingi. Era ensi yaibwe ye yakoma okweyongera okuba enungi, ye baakoma n'okulungiya empango dh'amabaale dhe baasinzanga.

Habakkuku 2:18

Muganhulo ki oguli mu musambwa omuntu gw'abaadha oba n'agukola mu kyuma ekisaanuuse? Omusambwa ogwo gwegeresa buguya bwereere. Omuntu afuna ki mu kwesiga ekintu ky'akoze mwene n'akyeta katonda, ekintu ekitaghanga na kwogera?

Habakkuku 2:19

Mukagwireku imwe abakoba ekiti muti: “Zuuka,” oba eibaale eritaghanga na kwogera muti: “Situka.” Ghaligho okwolekebwa kw'oghanga okufuna okuva y'ekintu ng'oti n'ekyo? Ni bwe baba nga baakirimbyaku kyonakyona feeza ni zaabu, era kisigala nga kiziramu bulamu naire.

Amateeka Agokubiri 32:37

Agho alibabuuza ati, ‘Emisambwa gyaja gha egy'amaani gye mwesiganga?

Abalamuzi 10:14

Muje mulirire bakatonda be mulonzeegho okusinza. Abo n'ababe babawonienga nga mugwire mu buzibu.”