Yeremia 2:27 - Baibuli Ekibono kya Katonda 2014

²⁷ Mukoba omuti muti, ‘Niiwe iseife,’ n'eibaale muti, ‘Niiwe inhaife.’ Nze mwankuba bwa nkoone, mwaloba kukyukira ye ndi. Aye bwe muba mu buzibu, munsaba muti, ‘Idha otulokole.’

Yeremia 2:27 ပူးပေါင်းရင်းမြစ်များ

2 Ebyomubyanda 29:6

Badhaadha baife baakola ebibi baaloba kuba beesigwa eri Musengwa Katonda waife. Baamuvaaku, era n'ekifo ky'abaamu baakikuba bwa nkoone.

Isaia 26:16

Wo Musengwa Katonda, abantu bo bwe baali mu buzibu, baidha baakwagala y'oli; bwe wabakangaivula, baakusaba nga bakweghemba.

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 18:17

Ndidha kusansaaniza abantu bange y'abazigu baibwe, ng'oti n'empewo eva mu buvandhuba bw'efuuwa enkungu. Akabi bwekalibaidhira, nja kubakuba bwa nkoone, tija kubayamba naire.”

Yeremia 2:24

Muli ng'endogoyi enkazi eyanala okuba mu irungu, bw'eghengereza enhindo okuwunhiriza mu mpewo ng'eriku omusalo. Naani asobola okugirobera? Enume edhiginoonia tidhidaaga kwekooya; dhigyagaana mu kiseera kyayo eky'omusalo.

Yeremia 22:23

Imwe buti mweyagalira mu mivule egyava e Lebanoni, aye muja kusaasirwa inho ng'obulumi bubatuuseeku, obulumi obuli ng'oti bwa mukazi ali kulumwa okuzaala.”

Yeremia 3:9

baaloba kugemwa na nsoni. Olwo baaleetera ensi okwonooneka, olw'obutaba beesigwa ye ndi, ni baja basinza obw'amabaale n'emiti.

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Yeremia 32:33

Nze nga bankuba bwa nkoone, baaloba kukyukira ye ndi. Era waire nga nabagalagiranga aghazira kukoogha naire, aye nga tibenda kuwulirisa beege.

Yeremia 37:3

Agho kyabazinga Zedekia oyo yaatuma Yehukali mutabane wa Shelemia, ni kabona Zefania mutabane wa Maaseia, baidha bankoba bati: “Tusabire eri Musengwa Katonda waife.”

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Ezekieli 23:35

Musengwa Katonda akoba ati: “Kale nga bwewanvaaku n'oneerabirira irala, oli n'okugumira ekibonerezo olw'obwenzi bwo n'obwamalaaya bwo.”

Ezekieli 8:16

Kabiri yantwala mu luya olw'omunda olw'eisinzizo lya Musengwa Katonda. Okuja okulinga nti nga mbona gha mulyango ogw'eisinzizo eryo erya Musengwa Katonda, ghagati gh'ekisasi ni alutaari, nga ghaligho abantu ng'oti amakumi abiri na bataanu (25). Baali nga bakubye eisinzizo lya Musengwa Katonda omugongo, nga balingiriire e buvandhuba, era nga bali kusinza endhuba eri kuvaayo.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Hosea 4:12

Beebuuza ku bintu ebyakolebwa mu muti obuti. Omwigo obwigo n'ogubakobera bye benda okumanha. Bali ng'oti mukazi mwenzi: banvaaku nze Katonda waibwe, baadaaliima, baaja baasinza bakatonda abandi.

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!