Yeremia 2:17 - Baibuli Ekibono kya Katonda 2014

¹⁷ Ekyo Abaisiraeli baakyereetera beene, bwe banvaaku nze Musengwa Katonda waibwe, ng'ate ninze eyaboolekanga engira ey'okubitamu.

Yeremia 2:17 ပူးပေါင်းရင်းမြစ်များ

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

Yobu 34:27

kuba baamuvaaku, baamudheemera, baalekera okufaayo ku biragiro bye.

Yobu 4:8

Nze mboine ng'abantu abakola ebikolwa ebibi, bakungulamu bibi.

Zabbuli 107:7

Yaabagemya engira entuufu eyabatuusa mu kibuga ghe baali basobola okuba.

Zabbuli 136:16

Oyo n'eyabisa abantu be mu irungu; okugonza kwe tikukoma, kubaagho byanda na byanda.

Zabbuli 77:20

Wabisa abantu bo ku maadhi ng'omwayi bw'atambuza ebyayo bye, ng'okozesa Musa ni Aaroni.

Ensambo 15:10

Ole ava ku ngira entuufu alikangaivulwa inho; ole akyagha okunenezebwa wa kufa.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Yeremia 13:22

Bwe weebuuza mule lwaki ebyo byonabyona bikutuuseeku, ni bakukanulaku ebivaalo byo, ni bakugema eby'entaka era ni bakukaka okuba niiwe? Okwiramu kuli nti, lwa kuba ebibi byo binene inho.

Yeremia 19:4

Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 4:18

Imwe Abayudaaya, niimwe beene abeereetera ebyo, olw'ensambo ye mwebisangamu n'ebintu bye mwakolanga. Ebibi byaimwe n'ebyabaleetera okudaagadaaga okwo, era bibafumitiire irala ku mwoyo.”

Yeremia 44:3

olw'okuba abantu baamu baakola ebibi bandeetera okusungughala baaniokezanga bakatonda abandi obubbaani, era baasinzanga bakatonda abo, beene waire badhaadha baibwe, be baali nga tibasinzangaku naire.

Yeremia 5:25

Aye ebibi byaimwe bibaleetera obutafuna bintu ebyo; okwonoona kwaimwe okwo kubafiiriza ebirungi ebyo.

Ezekieli 39:24

Nababisa nga bwe baali bagwaniire, naabalekulira agho, olw'obutaba balongoofu n'olw'ebibi byaibwe.”

Hosea 13:9

Ndibazikiriza imwe Abaisiraeli. Naani alisobola okubayamba?

Mika 1:5

Ebyo bija kubaagho olw'okuba Abaisiraeli baaloba okugondera amateeka ga Musengwa Katonda, baayonoona. Mukoba muti ogwo musango gw'ani? Musango gwa Samaria ekibuga ekikulu kyene! Era mulowooza muti naani avuunaanibwa olw'Abayudaaya okusinza ebitali Katonda? Ti ni Yerusalemu ekibuga ekikulu kyene!

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

Amateeka Agokubiri 32:10

Yabaagaana nga batambulatambula eyo batyo mu irungu eikalu, eriidhwire kiwunga w'empewo. Yaabakuuma, yaabalabirira, ng'omuntu bw'alabirira emboni y'eriiso lye.

Amateeka Agokubiri 32:19

Musengwa Katonda bwe yakibona, yaasungughala. Yaakyagha batabane be ni baghala be abo.