Yeremia 2:16 - Baibuli Ekibono kya Katonda 2014

¹⁶ Abazigu baava e Menfisi n'e Tahapanhesi, baabakuba emitwe baagyawula.

Yeremia 2:16 ပူးပေါင်းရင်းမြစ်များ

2 Bakyabazinga 18:21

Bona, oli kwesiga ensi Misiri eri ng'oti n'olugada olumenhefu, olufumita engalo dh'oyo alugema n'alwesigamaku. Atyo kyabazinga w'e Misiri bw'ali y'abo abamwesiga.’ ”

2 Bakyabazinga 23:33

Agho kyabazinga Neko ow'e Misiri yaasibira Yehoahazi e Ribula mu nsi y'e Hamathi, alobe kufuga mu Yerusalemu. Yaasalira Buyudaaya omusolo gwa kilo enkumi isatu na bina (3,400) edha feeza ni kilo amakumi asatu na ina (34) edha zaabu.

Isaia 19:13

Abakulembeze ab'e Zoani baafuuka basiru, n'ab'e Menfisi baabuzibwabuzibwa. Mu kifo ky'okukulembera ensi Misiri, bagireeteire kudaaliima budaaliime.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Isaia 8:8

Galyeyongera okukuuluulira mu Buyudaaya, gaidhulamu mwonamwona okutuuka ni mu nkoto, gaidhuza n'ensi yoonayoona y'ekoma.” Katonda aba ghalala n'ife.

Yeremia 44:1

Agho Musengwa Katonda yaayogera ninze ku bigema ku Baisiraeli boonaboona abaali nga baba mu nsi Misiri, mu bibuga Migidoli, Tahapanhesi, ni Menfisi, ni mu biketezo ebiri ku luuyi olw'omukono omusaadha olw'e buvandhuba bwa Misiri.

Yeremia 46:14

“Mulangirire mu nsi Misiri ni mu bibuga byamu, Migidoli, Menfisi, ni Tahapanhesi, muti, ‘Mwetegeke okwerwanaku. Byonabyona bye muli nabyo baja kubizikiriza mu lutalo.

Yeremia 46:19

Imwe abantu b'e Misiri, mwetegeke okutwalibwa mu bunhage. Abazigu balizikiriza Menfisi kyafuuka bifulukwa, ghaabulagho omuntu akibaamu.

Yeremia 48:45

Abalirumuka ni bawonagho balyewogomaku mu kibuga Heshiboni nga bawoiremu amaani, nga benda babeeku mu kibuga ekyo kyabazinga Sihoni kye yafugaku. Aye balyagaana Heshiboni nga kiri kubbeibbera muliro. Omuliro guliba gumaze okwokya ebiketezo eby'oku nsalosalo dh'ekibuga n'ebiketezo eby'oku nsozi eby'abantu b'e Moabu abenda einho okulwana entalo.

Ezekieli 30:13

Musengwa Katonda akoba ati: “Ndizikiriza ebisinzibwa ebitali Katonda, naalekeza okusinza ebifaananie okuli mu Menfisi. Teribaayo mufuzi kabiri mu Misiri, era ensi eyo ndigireetamu entiisa.

Ezekieli 30:16

Ndikunaania omuliro ku Misiri, ab'e Pelusiumu baawulira obulumi obutaloodheka, n'ebimante eby'oku kibuga Thebesi byawomolwawomolwa ebituli.

Hosea 9:6

Okuzikirira bwe kulituuka ni kubasansaania, Abamisiri balibasoloza imwe baabaziika e Menfisi. Aghaali eby'obukombe byaimwe ebya feeza ghalimeragho bisaka, n'aghaali weema dhaimwe ghaameregho amawa.

Amateeka Agokubiri 33:20

Yaasabira Abagadi ati: “Katonda asaakibwe, oyo agaziya ensi ey'Abagadi. Abagadi babwama ng'oti mpologoma, okukutula omukono ku muntu, oba okuyuza akawompo k'omu mutwe gw'omuntu.