Yeremia 2:11 - Baibuli Ekibono kya Katonda 2014

¹¹ Ghaligho eighanga eryafaanisaaku bakatonda baalyo, waire nga mu butuufu ti bakatonda beene? Aye abantu bange bafaanisaamu nze Katonda abagheesa ekitiisa, baaja n'ebintuntu ebiziramu makulu naire.

Yeremia 2:11 ပူးပေါင်းရင်းမြစ်များ

1 Bakyabazinga 11:33

Ndidha kukola ntyo, kuba Solomoni oyo yanvaaku yaasinza omusambwa omukazi Ashitorethi ogw'Abasidoni, n'omusambwa Kemoshi ogw'Abamoabu, n'omusambwa Milikomu ogw'Abammoni. Yandheemera yaakola ebibi, yaaloba kugema mateeka na biragiro byange, nga lata we Daudi bwe yakolanga.

2 Bakyabazinga 1:3

Aye malaika wa Musengwa Katonda yaakoba omulanzi Eliya ow'e Tishubi, ati: “Situka oje y'abakwenda ba kyabazinga Ahazia, obakobe oti, ‘Obwo muli kuja okwebuuza ku musambwa Baalizebubu ogw'e Ekuroni, lwa kuba mu Isiraeli muziramu Katonda?

2 Ebyomubyanda 13:9

Mwabinga bakabona ba Musengwa Katonda ob'oku lulyo lwa Aaroni, mwabinga n'Abalevi. Mweteeragho bakabona abaimwe, ng'abamaghanga agandi bwe bakola. Ole bw'aidha okwetukuza, ng'aleese ente enume ento ndala n'entaama enume musanvu, mumwikiriza yaafuuka kabona w'ebintu ebyo ebitali Katonda.

Zabbuli 106:20

Baalekera okugha Katonda ekitiisa, baakigha ekifaananie eky'ente erya obw'eisubi!

Zabbuli 115:4

Aye beene basinza ebitali Katonda ebya feeza ni zaabu, abantu beene bye bakola n'engalo dhaibwe.

Zabbuli 3:3

Ate nga iwe Musengwa Katonda, niiwe engabo mwe neewogoma, niiwe ompeesa ekitiisa, naatambula nga ndi mugumu.

Isaia 37:19

Baayokya emisambwa gy'amaghanga ago, mu butuufu egitaali Katonda, aye ebifaananie obufaananie abantu bye baakola n'emikono gyaibwe mu miti ni mu mabaale. Ekyo n'ekyaleetera emisambwa egyo okuzikirizibwa.

Yeremia 16:20

Bwenebwene omuntu asobola okwekolera mwene bakatonda ababe? Busa naire, ebintu omuntu by'akola obukole tibiba Katonda mwene.”

Yeremia 18:13

Musengwa Katonda akoba ati: “Mubuuze amaghanga goonagoona oba nga ekintu ng'oti n'ekyo kyali kibaireghooku. Abaisiraeli bakoze ekintu ekitiisa einho!

Yeremia 2:5

Musengwa Katonda akoba ati: “Kisobyo ki badhaadha baimwe kye bambonamu, memale ni basalagho okunvaaku. Ni baja okusinza ebintuntu ebiziramu makulu, era ni beene ni bafuuka abaziramu makulu?

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Yeremia 5:7

Musengwa Katonda era akoba ati: “Nsobola ntya okubasonigha abantu bange abo, abanvaaku ni balayira ebintu ebisinzibwa ebitali Katonda? Nabagha buli kye beetaaga, aye baaja baafuuka abatali beesigwa, era beesololezanga mu ndhu dha bamalaaya.

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Ezekieli 5:7

Nze Musengwa Katonda nkoba nti: Muli babi okusinga n'abamaghanga agabeezungulwire, kuba muloba okujiira ku mateeka gange oba okugondera ebiragiro byange, aye mwajiira ku mpisa edh'abamaghanga agandi.

Mika 4:5

Abantu aba buli ighanga basinza era baagondera bakatonda baalyo, aye ife twidha kusinzanga era tugonderenga Musengwa Katonda, Katonda waife ebyanda n'ebyanda.

Ab'e Roma 1:23

Mu kifo eky'okusinza Katonda atawaagho, basinza ebifaananie eby'abantu obuntu, oba eby'enhonhi, oba eby'ensolo, oba ebyekulula.

1 Ab'e Korintho 8:4

Kale ku bigema ku by'okulya ebigheebwayo eri ebisinzibwa ebitali Katonda, twidhi nga mu butuufu ebisinzibwa ebitali Katonda biziramu makulu, era nga Katonda ali mulala ati, ezira wundi.

Ab'e Galatia 4:8

Eira, bwe mwali nga mukaali kumanha Katonda, mwali bairu ba bintu, mu butuufu ebitali bakatonda.

Amateeka Agokubiri 32:16

Baamuleetera okuba n'enkikidi, nga basinza emisambwa, baamusungughaza nga bakola ebyenhinhalwa.

Amateeka Agokubiri 32:21

Bandeetera okuba n'enkikidi nga basinza ebitali nze Katonda, bansungughaza nga beesiga ebisinzibwa ebitali nze Katonda. Kale, zeena ndidha kubasaaliza nga numirwa abatali bantu bange. Ndidha kubasungughaza nga ngonza eighanga ery'abaziramu magezi.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”

1 Petero 1:18

Mwidhi bukalamu nga ekyabaleetera okununulwa mu mpisa dhaimwe edhiziramu dhe mwatoola ku badhaadha baimwe, ti feeza oba zaabu ebiwaagho.

1 Samueli 4:21

Yaatuuma omwana eriina Ikabodi, ng'akoba ati: “Ekitiibwa kiviire ku Isiraeli”, olw'okuba Esanduuku ya Katonda baaginhaga, n'olw'okuba nhazaala we yafa, era n'iba baamwita.