Yeremia 19:8 - Baibuli Ekibono kya Katonda 2014

⁸ Ndizikiriza ekibuga kino mu nsambo etiisa einho, buli muntu yaakyesimoozanga bwesimooze. Era buli muntu anaabitangagho ensisi eidha kumugemanga olw'okuzikiriza okwo.

Yeremia 19:8 ပူးပေါင်းရင်းမြစ်များ

1 Bakyabazinga 9:8

Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

Yeremia 18:16

Ensi yaibwe baagifuula ekintu ekitiisa einho, abantu kye baneesimoozanga buliidho. Buli muntu anaagibitangaku aidha kutengeesanga bwa mutwe olw'okutya okungi.

Yeremia 25:18

Ab'omu Yerusalemu n'ab'omu bibuga byonabyona ebya Buyudaaya, ghalala ni bakyabazinga n'abakungu baabyo baakinhwa. Olwo, ebibuga ebyo bisobole okufuuka ebifulukwafulukwa mu nsambo etiisa einho. Era olwo abantu babyesimoozenga bwesimooze era babikolimirenga, nga bwekiri ni ye buli eno.

Yeremia 49:13

Nze ndayira mu liina lyange mwene nti ekibuga Bozira kirifuuka ekintu ekitiisa einho, abantu baakisekerera era baakozesa eriina lyakyo ng'ekikolimo. Ebyalo byonabyona ebikiri okumpi birifuuka bifulukwa byereere eby'olubeerera. Nze Musengwa Katonda, ninze nkobye.”

Yeremia 50:13

Olw'obusungu bwange, ezira muntu aliirayo kubanga mu nsi Babilonia, erisigala agho etyo ng'eri bifulukwa byereere. Abantu boonaboona abaligibitangamu baligyezindukanga era baatya einho olw'okuzikirizibwa kwayo.

Ezekieli 27:36

Abasuubuzi ab'omu maghanga goonagoona beeraliikirivu inho olw'enkomerero etiisa inho y'otuuseeku, kuba tokairayo kubaagho ebyanda n'ebyanda.”

Abalevi 26:32

Ensi yaimwe ndigisaanizaagho irala, n'abazigu baimwe abaliidha okugibaamu balyewuunhia okubona okuzikirira kwayo.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Zefania 2:15

Ebyo n'ebija okutuuka ku kibuga ekyali kyeidhi nga n'ekirigho kyonka, era nga kirowooza kiti ezira kibuga kindi kyaga nakyo bukologho. Aye kija kuzikirira kifuuke ekifo ensolo edh'omu nsiko ghe dhisula. Buli muntu anaakibitangaku, aneesimoozanga era yaata omukono mu nkoto yeinhamira.

Amateeka Agokubiri 28:37

Mu nsi Musengwa Katonda mw'anaabanga ng'abatwaire, abantu baayo bwe banaabonanga ebibatuuseeku, baidhanga kutya inho, olwo mufuuke eky'okwogerwaku era eky'okuyeeyereza.

Amateeka Agokubiri 29:22

“Mu byanda ebiriidha, baidhukulu baimwe n'abasenze abanaavanga mu nsi edh'eghala, baidha kubonanga ebibamba ebiri mu nsi yaimwe, n'endwaire Musengwa Katonda dh'agireeseemu.