Yeremia 19:4 - Baibuli Ekibono kya Katonda 2014

⁴ Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 19:4 ပူးပေါင်းရင်းမြစ်များ

2 Bakyabazinga 21:16

Kyabazinga Manasse yaita abantu kamaala inho abaziraku musango, yaidhuza Yerusalemu kyonakyona omusaayi kyabuna. Okwo yaayongeraku ekibi eky'okuleetera ab'omu Buyudaaya okukola ebibi eri Musengwa Katonda.

2 Bakyabazinga 23:10

Kyabazinga Yosia era yaayonoona ekifo ekyayetebwanga Tofethi, ekyali mu kiiko eky'Abahinnomu. Olwo ghalobenga kubaagho muntu yeenayeena ayokerayo mutabane we oba mughala we, ng'ekigheebwayo ekyokebwa eri omusambwa Moleki.

2 Bakyabazinga 24:4

n'olw'abantu abaziraku musango Manasse oyo be yaita kuba yaidhuza Yerusalemu omusaayi gw'abantu be yaitira obwereere. Musengwa Katonda nga taghanga kusonigha Manasse oyo olw'ekyo.

Zabbuli 106:38

Baayughanga emisaayi egyo egiziraku musango, egy'abaana baibwe abalenzi n'abaghala be baaghangayo ng'emisengo eri ebintu ebyo ab'e Kanaani bye baasinzanga ebitali Katonda. Olwo ensi yaafuuka nnhonoonefu olw'obutemo obwo.

Isaia 59:7

Mwangugha inho okukola ebibi aghazira kusibamu, era mwayanguyirwa inho okwita abantu abaziraku musango. Buli ghe mubita muzikirizaagho, mwaleka bifulukwa byereere. Ebirowoozo byaimwe mubimalira ku kukola bibi byonka.

Isaia 65:11

“Aye embeera eriba yindi eri imwe abanvaaku nze Musengwa Katonda, ni mwerabira Sioni olusozi lwange olutukuvu, ni musinza omusambwa Gadi gwe bakoba mbu guleetera abantu okuba ab'enkabi, n'omusambwa Meni gwe bakoba mbu n'oguleetera ebyo ebituuka ku bantu okubaagho.

Yeremia 1:16

Ndisalira abantu bange omusango gwabasinga olw'obubi bwaibwe; kuba banvaaku baaniokeza bakatonda abandi obubbaani, era baasinza ebintu bye baakola beene n'engalo dhaibwe.

Yeremia 11:13

Abantu b'omu Buyudaaya bali ni bakatonda kamaala, abaagayaga n'obungi bw'ebibuga byaibwe. N'abantu b'omu Yerusalemu baazimba alutaari edhaagayaga n'obungi bw'enguudo dh'omu kibuga omwo. Alutaari edho nga dha kuniokezaaku bubbaani eri omusambwa Baali ogwenhinhalwa.”

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 16:11

Agho iwe oidha kubakoba oti, ‘Badhaadha baimwe banvaaku baaja ye bakatonda abandi, baabagheerezanga era baabasinzanga. Nze baaneerabira baaloba kukuuma mateeka gange.

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 17:20

Koba bakyabazinga n'abantu ab'omu Buyudaaya boonaboona, ni boonaboona ababa mu Yerusalemu abaingirira mu miryango egyo, bawulire bye nkoba.

Yeremia 18:15

Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:17

Ekyo Abaisiraeli baakyereetera beene, bwe banvaaku nze Musengwa Katonda waibwe, ng'ate ninze eyaboolekanga engira ey'okubitamu.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 2:34

Ebivaalo byaimwe biriku ebimyamya by'omusaayi gw'abaavu abaziraku musango, era be mutagemangaku nga bali kwiba. “Aye waire ng'ebyo biri bityo,

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Yeremia 22:3

Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Yeremia 26:23

Era baamwiza, bamutwala ye kyabazinga Yehoiakimu, yaalagira baamwita era omulambo gwe baagusuula ghe baaziikanga abantu ababuliidho.

Yeremia 44:3

olw'okuba abantu baamu baakola ebibi bandeetera okusungughala baaniokezanga bakatonda abandi obubbaani, era baasinzanga bakatonda abo, beene waire badhaadha baibwe, be baali nga tibasinzangaku naire.

Yeremia 5:6

Abantu abo bali n'ebibi kamaala era baava inho ku Katonda. Kale ni empologoma dhiriva mu kibira dhaabaita, emisege gyava mu irungu gyabazikiriza, n'empala dhaabeeteega mu bibuga byaibwe, nga kiisi muntu afuluma dhimuyuzayuza.

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Yeremia 7:9

Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Okulira 4:13

Aye ekyo kyabaagho olw'ebibi eby'abalanzi baamu, n'olw'okwonoona okwa bakabona baamu, abaakiitirangamu abantu abatuufu.

Ezekieli 20:26

Naabaleka beeyonoona nga bagheereza eri emisambwa ebigheebwayo, era nga baghaayo y'emisambwa egyo abaana baibwe ababeri bookebwe mu muliro ng'emisengo. Ekyo nakikola nga nhenda mbabonereze era bamanhe nga ninze Musengwa Katonda.

Ezekieli 7:22

Tiribakobaku naire, nga bali kwonoona eisinzizo lyange eitukuvu. N'abanhazi boona balingira mu isinzizo lyange eryo baalyonoona

Ezekieli 8:11

Era naabona abandi ku bakulembeze ab'eighanga lya Isiraeli nsanvu nga beemereire omwo, nga n'omuli ni Yaazania mutabane wa Shafani. Buli mulala yali agemye ekiniokezebwamu obubbaani, era ng'ebiniokezebwamu obubbaani ebyo birikuvaaku omwosi gwaja ghaigulu.

Danieli 11:31

Abaisirukale be balija baayonoona eisinzizo n'ebifo byalyo eby'okwewogomamu, baalireetera okuba nga ti irongoofu. Balirekeza abantu okughaayo ebigheebwayo ebyokebwa ebya buli lunaku, baataagho Ekyenhinhalwa Ekizikiriza.

Luka 11:50

Kyova ab'oluse luno balibuuzibwa omusaayi ogw'abalanzi boonaboona gwe baafuka okuva ku kwinhama okw'ensi,

Amateeka Agokubiri 13:13

ghaligho abantu ab'eighanga lyaimwe abadankaanu, abamaze okusendasenda abatyamye b'omu kibuga kyaibwe okusinza bakatonda be mutasinzangaku.

Amateeka Agokubiri 13:6

“Ni bw'aba muganda wo mwene, oba mutabane wo, oba mughala wo, oba mukazi wo y'oyenda einho, oba mukagwa wo einho, yeena asobola okukusendasenda mu kyama ng'akukoba muje naye musinze bakatonda iwe ni badhaadha bo be mutasinzangaku.

Amateeka Agokubiri 28:20

“Bwe munaakolanga ebibi ni muva ku Musengwa Katonda, Musengwa Katonda oyo aidha kubasindikiranga ebikolimo, okusoberwa era n'okutabulwa, mu byonabyona bye munaakolanga, okutuusa lwe mulizikirizibwa ni muwaagho amangu geene.

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

Okwolekebwa 16:6

Olw'okuba abantu baayugha omusaayi okw'abatuukirivu bo n'ogw'abalanzi, weena ky'oviire obagha omusaayi okunhwa. Ekyo kye bagwaine!”

Abalamuzi 5:8

Abaisiraeli bwe baalondagho okusinza bakatonda abayaaka, olwo ghaabaagho olutalo mu Isiraeli. Mu basaadha emitwalo ena (40,000) mu Isiraeli, ghaabulagho eyagemaku ku ngabo oba ku ifumo mu ngalo dhe.