Yeremia 19:3 - Baibuli Ekibono kya Katonda 2014

³ Oidha kubakoba oti, ‘Imwe bakyabazinga ab'omu Buyudaaya n'imwe abantu ab'omu Yerusalemu, mumpulirise nze Musengwa Katonda Afuga Amagye era Katonda wa Isiraeli. Nja kuleeta ku kifo kino akabi nga kiisi akawuliraku, amatu ge gamuwaawaala buwaawaale.

Yeremia 19:3 ပူးပေါင်းရင်းမြစ်များ

Zabbuli 102:15

Ensi dhoonadhoona dhija kutya eriina lya Musengwa Katonda; ni bakyabazinga boonaboona ab'oku nsi baja kutya ekitiisa kye.

Zabbuli 110:5

Iwe kyabazinga, Musengwa Katonda ali agho ku mukono gwo omusaadha, aidha kufafaagania bakyabazinga abandi, ku lunaku olw'ekiruyi kye.

Zabbuli 2:10

Agho ni imwe bakyabazinga muwulire okulabulwa kuno, era imwe abafuzi ab'oku nsi mwege.

Isaia 28:19

Akabi ako buli lwe kalibitanga, kalibakubanga. Kalibitanga omusana n'obwire. Era buli bukwenda obulivanga ye Katonda, bulyongeranga kubaleetera kutya.

Yeremia 13:18

Musengwa Katonda yankoba ati: “Koba kyabazinga n'inhina oti, ‘Muve ku bityamo byaimwe eby'obwakyabazinga, kuba engule dhaimwe edhiboneka obulungi dhibaviire ku mitwe gyaimwe dhaagwa.’

Yeremia 17:20

Koba bakyabazinga n'abantu ab'omu Buyudaaya boonaboona, ni boonaboona ababa mu Yerusalemu abaingirira mu miryango egyo, bawulire bye nkoba.

Yeremia 18:11

Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 25:29

kuba bona, nja kusookera mu kibuga kyange mwene okukola akabi. Balowooza bati beene baliwona okubonerezebwa? Busa, tibaliwona kubonerezebwa naire, kuba nja kusindika olutalo ku bantu boonaboona ab'oku nsi. Nze Musengwa Katonda Afuga Amagye, ninze nkobye.’

Yeremia 35:17

Kale ni, nze Musengwa Katonda Afuga Amagye, Katonda wa Isiraeli, nja kutuusa abantu b'omu Buyudaaya n'ab'omu Yerusalemu ku kuzikirira, nga bwe nabeesoomera eira. Kino nja kukikola lwa kuba nayogera n'imwe aye mwaloba kumpulirisa, era naabeeta aye mwaloba kunvugira.”

Yeremia 44:3

olw'okuba abantu baamu baakola ebibi bandeetera okusungughala baaniokezanga bakatonda abandi obubbaani, era baasinzanga bakatonda abo, beene waire badhaadha baibwe, be baali nga tibasinzangaku naire.

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Ezekieli 7:5

Musengwa Katonda akoba ati: “Bona, akabi akomwidhirano kaidha kubaidhira nga kano kaba kaakamala okuvaagho, kabiri ng'akandi kaidha!

Matayo 10:18

Balibatwala mu maiso ag'abafuzi ni bakyabazinga nga babalanga nze, mube badhulizi bange mu abo ni mu bamaghanga agandi.

Okwolekebwa 2:29

Ali n'amatu, awulire Mwoyo ky'akoba Ebikunsu eby'Abaikiriza mu Kurisito.

1 Samueli 3:11

Agho Musengwa Katonda yaakoba Samueli ati: “Bona eno, ndi kumpi okukola ekintu mu Isiraeli muno, ekiriwaawaaza amatu ga buli muntu alikiwulira.