Yeremia 19:2 - Baibuli Ekibono kya Katonda 2014

² oje nabo mu kiiko ekyetebwa ekya mutabane wa Hinnomu, ng'obitira mu gwetebwa Omulyango ogw'Engyo. Era eyo y'oidha okukobera abantu obukwenda bwe nnaakugha.

Yeremia 19:2 ပူးပေါင်းရင်းမြစ်များ

2 Bakyabazinga 23:10

Kyabazinga Yosia era yaayonoona ekifo ekyayetebwanga Tofethi, ekyali mu kiiko eky'Abahinnomu. Olwo ghalobenga kubaagho muntu yeenayeena ayokerayo mutabane we oba mughala we, ng'ekigheebwayo ekyokebwa eri omusambwa Moleki.

2 Ebyomubyanda 28:3

Yaaniokezanga obubbaani mu kiiko kya mutabane wa Hinnomu. Yaatuuka n'okwokyanga batabane be ng'ebigheebwayo, ng'empisa eyenhinhalwa bweyali ey'abamaghanga agandi, Musengwa Katonda be yabinga mu nsi eyo nga Abaisiraeli bali kumpi okutuukayo.

2 Ebyomubyanda 33:6

Yaayokyanga batabane be ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Nehemia 3:29

Ku abo kwairaku Zadoki mutabane wa Immeri, yaalongoosa ekitundu ekyairaku ku kimante ekyo ekiringiriire endhu ye. Ku oyo kwairaku Shemaia mutabane wa Shekania omukuumi w'Omulyango ogw'e Buvandhuba, yaalongoosa ekitundu ekyairaku ku kimante ekyo.

Yeremia 1:7

Aye Musengwa Katonda yankoba ati: “Otakoba oti okaali muto inho. Aye oidha kuja eri abantu eyo yoonayoona ye nnaakutuma, obakobere byonabyona bye nnaakulagira okwogera.

Yeremia 11:6

Musengwa Katonda yankoba ati: “Ja olangirire ebibono bino mu bibuga byonabyona ebya Buyudaaya ni mu nguudo dha Yerusalemu. Obakobe bagonderenga endagaano eno by'ekoba

Yeremia 18:2

“Kola oje mu ndhu ey'omuwumbi, era eyo ye ndidha okukugheera obukwenda bwange.”

Yeremia 26:2

Musengwa Katonda yankoba ati: “Yemerera mu luya olw'eisinzizo, olangirire ebyo byonabyona bye nkulagira okukobera abantu abaidha okusinza, nga bava mu bibuga bya Buyudaaya. Ghatabaagho ky'olekayo naire ekirala kiti.

Yeremia 3:12

Kale ja olangirire bino eri Abaisiraeli oti, ‘Imwe Abaisiraeli abatali beesigwa, Musengwa Katonda akoba ati mwire y'ali. Taidha kubalingirira na bukambwe, kuba mwene asaasira. Era taidha kubasungughalira byanda na byanda.

Yeremia 32:35

Era baaja baazimbira omusambwa Baali ebifo ebigulumivu eby'okusinzizaamu, mu kyetebwa Ekiiko ekya mutabane wa Hinnomu, baayokeranga okwo batabane baibwe ni baghala baibwe n'omuliro. Ate nga nze tibalagirangaku kukola kintu kyenhinhalwa ekyo, waire okukirowoozaaku obulowooze mu mwoyo gwange. Kale baaleetera abantu b'omu Buyudaaya okwonoona.”

Yeremia 7:2

nje nhemerere mu mulyango gw'eisinzizo, nangirire eri abantu ab'omu Buyudaaya boonaboona abangira okusinza Musengwa Katonda, nga mbakoba nti,

Yona 3:2

“Situkiramu oje eri abantu ab'omu kibuga Nineve, ekibuga ekikologho ekyo, obakobere obukwenda bwe nakukoba.”

Matayo 10:27

Kye mbakobera mu kizikiiza, mukyogeranga mu musana ate kye muwulira mu kyama, mukirangiriranga ghaigulu ku mayumba.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Ebikolwa by'Abatume 5:20

“Muje mugheereze mu isinzizo mukobere abantu ebibono byonabyona eby'Obulamu buno.”

Yoshua 15:8

Nga bw'etuuka agho enonereza ekiiko ekya mutabane wa Hinnomu ku luuyi olw'omukono omusaadha olw'e buvandhuba mu mbali mw'olusozi Yebusi ng'ekyo ni Yerusalemu. Agho nga eja yaaniina ku lusozi oluli e bugwandhuba w'Ekiiko kya Hinnomu, ku luuyi olw'omukono omugooda olw'e buvandhuba w'Ekiiko ky'Abarefa.