Yeremia 19:13 - Baibuli Ekibono kya Katonda 2014

¹³ Endhu edh'omu Yerusalemu, n'edha bakyabazinga ab'omu Buyudaaya, ghalala n'edho dhoonadhoona abantu dhe baaniokezangaku obubbaani ghaigulu ku busolya bwadho nga babuniokereza emuunienie edh'oku igulu, era mwe baafukiranga ebigheebwayo eby'okunhwa eri bakatonda abandi, dhoonadhoona dhiriba nga ti nongoofu ng'oti n'ekifo ky'e Tofethi.”

Yeremia 19:13 ပူးပေါင်းရင်းမြစ်များ

2 Bakyabazinga 17:16

Baava ku biragiro byonabyona ebya Musengwa Katonda waibwe, beekolera ebifaananie bibiri eby'ente ento mu kyuma ekisaanuusiibwa, beekolera n'ekifaananie ky'omusambwa omukazi Ashera. Baasinzanga emuunienie dhoonadhoona edh'oku igulu, era baasinzanga ni Baali yeena.

2 Bakyabazinga 23:10

Kyabazinga Yosia era yaayonoona ekifo ekyayetebwanga Tofethi, ekyali mu kiiko eky'Abahinnomu. Olwo ghalobenga kubaagho muntu yeenayeena ayokerayo mutabane we oba mughala we, ng'ekigheebwayo ekyokebwa eri omusambwa Moleki.

2 Bakyabazinga 23:12

Yaamenhamenhagho alutaari, bakyabazinga ba Buyudaaya dhe baali bazimbye ghaigulu ku ngulu kw'endhu ya kyabazinga Ahazi, era n'edho kyabazinga Manasse dhe yali azimbye mu mpya dhombi edh'eisinzizo. Edho dhoonadhoona yaadhisaaniagho, dhaafuuka bwa nkungu, era enkungu eyo yaagiyugha mu kaiga Kiduroni.

2 Bakyabazinga 23:14

Kyabazinga Yosia yaamenhamenha empango, era yaatematema n'ebifaananie eby'omusambwa Ashera. Mu bifo byabyo yaidhuzaamu amagumba g'abafu.

Zabbuli 74:7

Eisinzizo lyo baalikumaku omuliro baalizikiriza, baayonoona ekifo kyo ekitukuvu abantu ghe bakusinziza.

Zabbuli 79:1

Wo Katonda, abantu abatakutya bakwingiriire mu nsi yo, baayonoona eisinzizo lyo eitukuvu, baaleka ekibuga Yerusalemu nga bakizikiriiza.

Isaia 22:1

Buno n'obukwenda obugema ku kyetebwa Ekiiko eky'Okubonekerwa. Kiki ekibatuuseeku ekibaniiniisa mwenamwena, ni muja ghaigulu ku busolya bw'endhu?

Yeremia 19:12

Ntyo bwendikola ekibuga kino n'abantu baamu, ng'oti bwe nakola ekifo ky'e Tofethi.

Yeremia 32:29

Baidha kukikunaaniaku omuliro bakyokye kyonakyona, ghalala n'endhu edho abantu mwe bansungughalizanga nga baniokeza obubbaani ghaigulu ku busolya bwadho nga babuniokereza omusambwa Baali, era nga bafukira bakatonda baibwe ebigheebwayo eby'okunhwa.

Yeremia 44:18

Aye okuvanga lwe twalekera okuniokeza obubbaani omusambwa Kyabazinga Omukazi ow'Eigulu ogwo, ni tulekera n'okugughanga ebigheebwayo ebifukibwa, ghazira ke tukaafunayo, n'abantu baife abandi bafiiriire mu ntalo, n'abandi baafa endhala.”

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Yeremia 7:18

Abaana bagherera enku, baiseibwe baakuma omuliro, bainhaibwe baakanda engaano okufumba emigaati. Nga bafumbira omusambwa gwe beeta Kyabazinga Omukazi ow'Eigulu. Baafukira emisambwa egindi ebigheebwayo eby'okunhwa, bansoononkereza bandeetera okusungughala.

Yeremia 8:2

Gaja kusansaanira buli ghantu, ghansi gh'endhuba, n'omwezi, n'emuunienie dhoonadhoona edh'oku igulu. Ebyo n'ebintu, abantu abo bye baagonzanga, ni babijiirangaku, ni babigheerezanga era ni babisinzanga. Era amagumba gaibwe ago tigaja kusolozebwa waire okuziikibwa, aye gaja kubanga ku itaka okwo ng'oti busa.

Ezekieli 20:28

Bwe nabatuusa mu nsi nze mwene ye neerayirira okubagha, ng'olwo buli ghe baabonanga akasozi akagulumivu oba omuti ogw'amakaba amangi amazibirivu, ng'agho bagheeragho emisengo gyaibwe. Ebigheebwayo byaibwe bye baagheeranga mu bifo ebyo, n'obuwoowo bwe baaniokezangayo, era n'ebigheebwayo eby'okunhwa bye baafukangayo, byansungughazanga busungughaze.

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Ebikolwa by'Abatume 10:9

Ku lunaku olwairirira, bwe baali nga bakaali mu ngira era nga banaatera okutuuka mu kibuga, ku saawa nga mukaaga edh'omusana, Petero yaaniina ghaigulu ku nhumba okusaba Katonda.

Ebikolwa by'Abatume 7:42

Aye Katonda yaabavaaku yaabaleka okusinzanga emuunienie edh'omu igulu nga bwe kyaghandiikibwa mu kitabo ky'abalanzi kiti, ‘Imwe abantu ba Isiraeli, ensolo dhe mwaitanga n'emisengo gye mwagheerezanga emyaka amakumi ana (40) mu irungu, timwabikolera nze.

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.