Yeremia 19:1 - Baibuli Ekibono kya Katonda 2014

¹ Agho Musengwa Katonda yankoba ati: “Yeremia, kola oje ogule akadoome ak'eitosi. Otoole ku bakulu b'ebika ni ku bakulira bakabona,

Yeremia 19:1 ပူးပေါင်းရင်းမြစ်များ

2 Bakyabazinga 19:2

Yaatuma Eliakimu eyalabiriranga ekisaagaati kya kyabazinga, ni Shebuna omughandiisi w'omu kisaagaati kya kyabazinga, n'abakulira bakabona, baaja eri Isaia omulanzi mutabane wa Amozi nga bavaire ekutiya olw'okunakughala.

Isaia 30:14

Mulimenhekamenheka ng'oti nsugha ya itosi, ye bakubiiregho ku itaka n'emulunguka obutasigalagho waire katundu ka lugyo ak'okutoolesa omuliro mu ziiko, oba okusenesa amaadhi mu kidiba.”

Yeremia 13:1

Agho Musengwa Katonda yankoba ati: “Ja weegulire ekivaalo ky'omu nkende eky'olugoye olughegheevu, okyesibe mu nkende aye nga tokyoziizaamu.”

Yeremia 26:17

Agho abandi ku bakulu b'ebika baasituka baayemerera, baakoba abantu abaali agho nga beesoloiza bati:

Yeremia 32:14

“Musengwa Katonda Afuga Amagye, Katonda wa Isiraeli, akulagiire otwale endagaano dhino dhombi, ere ye twasibaku akamanhiso n'ere kopi yaayo etali nsibe ye twagikoopololaku, oje obite mu kasugha bisobole okukuumibwa emyaka n'emyaka.

Okulira 4:2

Abaisuka ab'omu Sioni abaatwalibwanga okuba ab'omughendo ng'oti zaabu mukenenule, buti batwalibwa ng'oti bitamutamu bya itosi.

Ezekieli 4:1

Agho Katonda yaakoba ati: “Iwe omuntu, funayo eitoofaali olite agho mu maiso go, olikubeku ekifaananie eky'ekibuga Yerusalemu.

Ezekieli 5:1

Musengwa Katonda yaakoba ati: “Iwe omuntu, funayo empiima endhogi ogikozese okwemwaku enviiri dhoonadhoona n'ekirevu. Bw'omala, funayo minzaani, ogiteeku enviiri edho odhipime era omale odhaawulemu ebitundu bisatu.

Ezekieli 9:6

Muje nga mwita abakaire, abaisuka, abaghala abaguna, abaana abato, n'abakazi. Aye mutagema ku muntu yeenayeena aliku kamanhiso. Era mutandiikire ghano ku isinzizo lyange.” Kale baatandiikira ku bakulembeze abaali agho gha isinzizo.

Okubala 11:16

Agho Musengwa Katonda yaakoba Musa ati: “Nsololeza abantu nsanvu boidhi nga bakulu ba bikunsu mu Isiraeli era abakulembeze, obaleete mu Weema ey'Okwagaananirangamu ni Musengwa Katonda, beemerere agho ghalala n'iwe.

Matayo 26:3

Agho Bakabona Abakulu n'abakulu ab'ebika beesololeza mu kisaagaati kya Kayafa Omukulu wa Bakabona,

Matayo 27:1

Obwire bwe bwakya, Bakabona Abakulu boonaboona n'abakulu ab'ebika baateesa ensambo ey'okwitamu Yesu.

Ebikolwa by'Abatume 21:11

Yaidha ye tuli, yaatoola olukoba lwa Paulo yaalwesiba amagulu n'amakono yaakoba ati: “Mwoyo Mutukuvu akoba ati, batyo Abayudaaya abali mu Yerusalemu bwe balisiba mwene lukoba luno ni bamughaayo y'abamaghanga agandi.”

2 Ab'e Korintho 4:7

Aye ife abali oti nsugha dha itosi, niife abali n'obukombe buno, kino kisobole okwoleka ng'amaani amabitirivu ag'Amawulire Amalungi bwe gali aga Katonda se ti agaife.