Yeremia 18:9 - Baibuli Ekibono kya Katonda 2014

⁹ Ate bwe nkoba nti nja kutaagho era nzimbegho eighanga oba obwakyabazinga,

Yeremia 18:9 ပူးပေါင်းရင်းမြစ်များ

Omulangirizi 3:2

Ekiseera eky'okuzaalibwa, n'ekiseera eky'okufa; ekiseera eky'okusiga, n'ekiseera eky'okukungula ebyasigibwa.

Yeremia 1:10

Olwaleero luno, nkugemiisa amaghanga n'obwakyabazinga, oiwululengagho era omenhemenhenga, ozikirizenga era osaaniengagho ozimbenga era osimbenga.”

Yeremia 11:17

“Nze Musengwa Katonda Afuga Amagye, nali ntairegho Abaisiraeli n'Abayudaaya. Aye mperaano ndi kubeesoomera kubasindikira kabi. Ekyo bakyereeteire beene olw'ebibi bye bakola, ni bansungughaza nga baniokeza omusambwa Baali obubbaani.”

Yeremia 30:18

Musengwa Katonda era akoba ati: “Bona, ndiizaagho abantu bange, naabaiza mu nsi yaibwe, era buli maka naagagemerwa ekivunika. Ekibuga Yerusalemu baliiramu okukizimba kabiri ku kasozi kaakyo, n'ekisaagaati kyakyo baakiizaagho mu kifo kyakyo.

Yeremia 31:28

Era nga bwe nakola einho okubabonereza, n'okubaiwululagho, n'okubamenhamenha, n'okubaleetera okughangulwa, n'okubazikiriza, era ntyo bwe ndifaayo einho okubasimba n'okubazimba.

Yeremia 31:38

Musengwa Katonda era akoba ati: “Ekiseera kiri kwidha bairemu okuzimba ekibuga Yerusalemu, okuva ku kituuti ekyetebwa ekya Hananeli mu bugwandhuba, okutuuka ku gwetebwa Omulyango ogw'omu Nsonda.

Yeremia 31:4

Ndiiramu kabiri okubazimba imwe abantu bange mube eighanga eiyaaka. Muliiramu kabiri okugema obugoma bwaimwe, mwabukuba nga musagamba.

Yeremia 32:41

Ndidha kusangaalanga okubakolera ebirungi n'okubaleetera okutyama mu nsi eno nga batereire.