Yeremia 18:20 - Baibuli Ekibono kya Katonda 2014

²⁰ Omuntu akoze ekirungi, bwenebwene agwanira kusasulwamu kibi? Oidhukira nga bwenaidhanga y'oli ni mbawolerezaagho olobe kubamaliraku busungu. Aye ate buti basimye ebiina nga benda ngwemu nfe!

Yeremia 18:20 ပူးပေါင်းရင်းမြစ်များ

Yobu 6:27

Imwe musobola n'okukubira ku bamulekwa akalulu olw'okubafunamu! Era musobola n'okukola ekintu kyonakyona ku bakagwa baimwe, olw'okubafunamu amagoba!

Zabbuli 106:23

Kyeyava n'akoba ati aja kubazikiriza, okutuusa Musa omulonde we, bweyayemereragho mu maiso ge, n'abawolerezaayo, era n'aikaikania obusungu bwa Katonda eyali aja okubazikiriza.

Zabbuli 119:95

Abakozi b'ebibi baneeteeze benda kunzikiriza, aye nze neefumintiriza inho ku by'okoba.

Zabbuli 35:12

Bwe mbakolera ebirungi bansasulamu bibi, baaleetera omwoyo gwange okuwaamu amaani.

Zabbuli 35:7

Bantega olutuula mu nkweko aghazira nsonga, era baasima ebiina okuntega nga nzira kye mbakoze.

Zabbuli 38:20

Abo abansasulamu ebibi nga mbakoleire ebikalamu, bazigu bange; kuba nze ngezaaku okukola ekituufu.

Zabbuli 57:6

Abazigu bange bantega olutuula, naazirika mu mwoyo gwange. Baasima ebiina mu ngira ye mbitamu, aye baabigwamu beene!

Zabbuli 7:15

Asima ebiina okutega baine, aye ate mwene yaabigwamu.

Ensambo 17:13

Akabi tikaliva mu ndhu y'oyo asasulamu mwine ekibi ng'amukoleire ekirungi.

Ensambo 26:27

Ole asima ebiina okutega baine aja kubigwamu mwene, n'ole asiringisa ogubaale gugwe ku baine guja kumwiriraku mwene.

Omulangirizi 10:8

Omuntu asimira baine ebiina, mwene n'alibigwamu; n'ole aghaguza n'amenha ekisenge, mwene oyo omusota ye gulimoodha.

Yeremia 11:14

Musengwa Katonda yaakoba ati: “Yeremia, otadaaga kusabira bantu bano. Era otandirira ku lwaibwe waire okunsaba ng'obeewolereza, kuba bwe baliba mu buzibu ni bansaba mbayambe tiribawulirisa naire.

Yeremia 14:20

Wo Musengwa Katonda, bwenebwene twayonoona y'oli, twikiriza ebibi ebyaife era n'ebya badhaadha baife.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Yeremia 18:19

Agho nze naasaba nti: “Wo Musengwa Katonda, wulira bye nkoba. Wulira abazigu bange bye bandhogeraku.

Yeremia 18:22

Basindikire eikuukuubira ery'abanhazi libazinduukirize libagweku, olwo bawowoole mu ndhu dhaibwe; kuba basimye ebiina mbigwemu, bantega n'emitego gingemye.

Yeremia 27:18

Bwe baba nga bwenebwene balanzi, era nga bali n'obukwenda obuva ye ndi, kale bansabe nze Musengwa Katonda Afuga Amagye, ndobe kuganha bintu ebyasigala mu isinzizo ni mu kisaagaati kya kyabazinga kutwalibwa Babilonia.”

Yeremia 5:26

Mu bantu bange mulimu abakozi b'ebibi, ababwama ni beeteega abantu ng'oti batezi ba nhonhi. Batega emitego baagemya abantu.

Yeremia 7:16

Musengwa Katonda yaakoba ati: “Iwe Yeremia, otadaaga kusabira bantu bano. Era otandirira ku lwaibwe waire okunsaba ng'obeewolereza, kuba tiidha kukuwulirisa.

Okulira 3:59

Wo Musengwa Katonda, iwe bona ebibi bye bankola, nkusaba obasalire omusango gubasinge.

Yoanne 10:32

Yesu yaabakoba ati: “Mbalaze ebirungi kamaala Lata by'ampa okukola. Ku ebyo kye muli kwenda okunkubira amabaale n'ekiri gha?”

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

1 Samueli 19:4

Agho Yonathani yaayogera bukalamu ku Daudi ng'ali n'ise Saulo. Yaakoba ati: “Lata wange kyabazinga, togwaine kukola kabi ku Daudi, kuba mwene takukolangaku kabi, era ebintu by'abairenga akukolera bibaire bikalamu byereere.