Yeremia 18:17 - Baibuli Ekibono kya Katonda 2014

¹⁷ Ndidha kusansaaniza abantu bange y'abazigu baibwe, ng'oti n'empewo eva mu buvandhuba bw'efuuwa enkungu. Akabi bwekalibaidhira, nja kubakuba bwa nkoone, tija kubayamba naire.”

Yeremia 18:17 ပူးပေါင်းရင်းမြစ်များ

Yobu 27:21

Empewo eva e buvandhuba emubbeeda yaaja naye, yaamweyaagho gh'aba.

Zabbuli 48:7

Era baaba ng'oti n'amaato ag'e Tarushishi, agamenhebwamenhebwa kiwunga ow'amaani ava e buvandhuba.

Ensambo 24:16

Abakola ebituufu ni bwe bagwa emikuzi kamaala gitya, bamala baasituka aye abakozi b'ebibi bazikirira buzikirire ng'akabi kabaidhiire.

Yeremia 13:24

Musengwa Katonda aidha kubasansaania ng'oti n'empewo eva mu irungu bw'esansaania ebikaba.

Yeremia 2:27

Mukoba omuti muti, ‘Niiwe iseife,’ n'eibaale muti, ‘Niiwe inhaife.’ Nze mwankuba bwa nkoone, mwaloba kukyukira ye ndi. Aye bwe muba mu buzibu, munsaba muti, ‘Idha otulokole.’

Yeremia 32:33

Nze nga bankuba bwa nkoone, baaloba kukyukira ye ndi. Era waire nga nabagalagiranga aghazira kukoogha naire, aye nga tibenda kuwulirisa beege.

Yeremia 46:21

N'abalwani ba Misiri abapangise boona bali bw'agho batyo, ng'oti n'ente entototo empiite ensavu, ghazira kye basobola kukola. Baalemwa okwesimbagho okulwana, boonaboona baakyuka baalumuka bulumuke; kuba olunaku lwaibwe olw'okubonerezebwa lwali lutuuse, era nga n'olunaku lwaibwe olw'okuzikirira.

Ezekieli 27:26

Abaakubanga enkasi dho okukuvuga baakutuusa mu nhandha ghagati. Empewo eva e buvandhuba yaakumenheramenhera eyo ghagati mu nhandha.

Ezekieli 7:22

Tiribakobaku naire, nga bali kwonoona eisinzizo lyange eitukuvu. N'abanhazi boona balingira mu isinzizo lyange eryo baalyonoona

Hosea 13:15

Abaisiraeli ni bwe baliba nga n'abali obulungi mu baganda baibwe, nze Musengwa Katonda ndisindika empewo yange ey'e buvandhuba eva mu irungu, yaidha yaakaza ensulo dhaibwe n'emiiga gyaibwe. Era erikokoobya ebintu byaibwe eby'omughendo byonabyona bye baatereka.

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

Amateeka Agokubiri 32:35

kuba olunaku luli kumpi okutuuka, lw'alibeesasuulizaaku ng'ababonereza. Ekiseera kiidha kutuuka bagwe, era akabi kali kumpi inho okubagwira.