Yeremia 18:16 - Baibuli Ekibono kya Katonda 2014

¹⁶ Ensi yaibwe baagifuula ekintu ekitiisa einho, abantu kye baneesimoozanga buliidho. Buli muntu anaagibitangaku aidha kutengeesanga bwa mutwe olw'okutya okungi.

Yeremia 18:16 ပူးပေါင်းရင်းမြစ်များ

1 Bakyabazinga 9:8

Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

2 Ebyomubyanda 29:8

Musengwa Katonda kyeyava n'asungughalira ab'omu Buyudaaya n'ab'omu Yerusalemu, yaabatuusa ku buzibu obuleetera buli muntu okubeewuunhia n'okubeesiimooza, nga bwe mukyeboneraku beene n'amaiso gaimwe.

Zabbuli 109:25

Abazigu bange bansekerera, baatengeesa n'emitwe nga bandhogeraku.

Zabbuli 22:7

Boonaboona bambona ng'omudoofu, bankongoola, baatengeesa n'emitwe nga bakoba bati:

Zabbuli 44:14

Otufiire ekibono eky'okudhondha mu bamaghanga agandi; baatukanta era baatwesiimooza.

Isaia 37:22

Era bino Musengwa Katonda oyo by'akoba ku kyabazinga Sennakeribu oyo, ati, ‘Ekibuga Sioni kikunhoomye kyakusekerera iwe Sennakeribu; era ekibuga ekyo Yerusalemu kikukongoire.

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Yeremia 19:8

Ndizikiriza ekibuga kino mu nsambo etiisa einho, buli muntu yaakyesimoozanga bwesimooze. Era buli muntu anaabitangagho ensisi eidha kumugemanga olw'okuzikiriza okwo.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 29:18

Ndibakiriga n'entalo, n'endhala, n'endwaire ya kawumpuli, era naabafuula ekintu ekitiisa einho abantu boonaboona ku nsi. Yoonayoona ye ndibasansaaniza baidha kubanga kintu kya kukolima, kya kwesimooza, era kya kuvuma.

Yeremia 42:18

“Musengwa Katonda Afuga Amagye, Katonda wa Isiraeli, akoba ati, ‘Nga bwe namalira obusungu bwange n'ekiruyi kyange ku bantu b'omu Yerusalemu, era ntyo bwe ndibimalira ni ku imwe, bwe musalagho okuja e Misiri. Mulifuuka ekintu ekitiisa einho, abantu baaboogerangaku nga babayeeyereza bwe babavuma. Era balikozesanga eriina lyaimwe ng'ekikolimo. Era timuliira kabiri mu Buyudaaya naire.’”

Yeremia 44:12

Abantu boonaboona abaali bawoniegho mu Buyudaaya, aye ni basalagho nga bamaliriire okuja okuba mu nsi Misiri, ndibaleetera boonaboona okuzikiribwa. Okuviira irala ku basembayo ghansi okutuukira irala ku babbede beene, balifiira mu nsi Misiri, nga babaitira mu ntalo oba nga bafa endhala. Balifuuka ekintu ekitiisa einho, abantu baaboogerangaku nga babayeeyereza bwe babavuma. Era abantu balikozesanga eriina lyaibwe ng'ekikolimo.

Yeremia 48:27

Iwe Moabu, lwaki mwasekerera Abaisiraeli? Lwaki mwababisa ng'oti ni be mugemeire mu kikuukuulu eky'abaibi nga bali kunhagulula?

Yeremia 49:13

Nze ndayira mu liina lyange mwene nti ekibuga Bozira kirifuuka ekintu ekitiisa einho, abantu baakisekerera era baakozesa eriina lyakyo ng'ekikolimo. Ebyalo byonabyona ebikiri okumpi birifuuka bifulukwa byereere eby'olubeerera. Nze Musengwa Katonda, ninze nkobye.”

Yeremia 49:17

Musengwa Katonda era yaakoba ati: “Edomu erifuuka ekintu ekitiisa einho, era buli muntu anaagibitangaku aidha kutengeesanga bwa mutwe olw'okutya okungi.

Yeremia 50:13

Olw'obusungu bwange, ezira muntu aliirayo kubanga mu nsi Babilonia, erisigala agho etyo ng'eri bifulukwa byereere. Abantu boonaboona abaligibitangamu baligyezindukanga era baatya einho olw'okuzikirizibwa kwayo.

Yeremia 51:37

Ensi eyo erifuuka bwa mmungo dha bifunfugu, era yaafuuka ekifo ekitiisa einho omuba obw'ebibe, nga ghazira muntu akibaamu.

Yeremia 51:43

Ebibuga byakyo bifuuse bifo ebitiisa einho. Biri ng'oti irungu omuzira maadhi, era omuzira bantu babibaamu waire ababibitamu obubite.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 1:12

“Imwe mwenamwena abali kubitagho muuningirire, mubone. Ghazira kye mwegamu? Mubonangaku obughafu ng'oti n'obwange bwe ndimu? Musengwa Katonda n'eyansuula mu bughafu buno ng'asungughaire ekibitiriire.

Ezekieli 12:19

Kobera abantu boonaboona ab'omu nsi yo oti Musengwa Katonda akoba ati: Abaisiraeli abakaali mu Yerusalemu baliryanga emere nga bali mu kutya, era baanhwanga amaadhi nga beeraliikirivu kuba ensi yaibwe eritoolebwamu byonabyona ebigirimu, olw'okuba nti abantu abagirimu bakola ebikolwa eby'obukambwe.

Ezekieli 27:36

Abasuubuzi ab'omu maghanga goonagoona beeraliikirivu inho olw'enkomerero etiisa inho y'otuuseeku, kuba tokairayo kubaagho ebyanda n'ebyanda.”

Ezekieli 36:3

“Kale ni langa era olangirire bino, nze Musengwa Katonda bye ndi kukoba nti: Imwe ensozi edh'omu Isiraeli, amaghanga agabaliinaine bwe gaabalumba okuva ku ndhuyi dhoonadhoona, gaabanhagulula era gaabaleka agho mutyo nga muli bifulukwa byereere. Olwo amaghanga ago gaabafuula nsozi dhaago, abantu baaboogerangaku era baabayeeyerezanga.

Ezekieli 6:14

Ndigolola omukono gwange naababonereza, era naazikiriza ensi yaibwe yaafuuka bifulukwa, okuviira irala ku irungu okutuukira irala e Ribula. Olwo abantu boonaboona baamanha nga ninze Musengwa Katonda.”

Abalevi 26:32

Ensi yaimwe ndigisaanizaagho irala, n'abazigu baimwe abaliidha okugibaamu balyewuunhia okubona okuzikirira kwayo.

Abalevi 26:43

Aye ensi enaasookanga kulekebwa agho yaazika, beene nga baziramu. Olwo yaawuumula, era ni beene baaganha okubonerezebwa olw'okudheemera ebiragiro byange, n'obutagema mateeka gange.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Matayo 27:39

Ababise baamuvuma bwe batengeesa emitwe gyaibwe,

Mariko 15:29

Ababise baamuvuma, baatengeesa emitwe gyaibwe nga bakoba bati: “Ha! Iwe amenha eisinzizo era waalizimba mu nnaku isatu!

Amateeka Agokubiri 28:59

Musengwa Katonda oyo aidha kubasindikiranga imwe n'eizaire lyaimwe ebibamba n'okudaazibwadaazibwa nga tibisalaku, era abasindikirenga n'endwaire embi edhitawonezeka.

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.