Yeremia 18:15 - Baibuli Ekibono kya Katonda 2014

¹⁵ Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Yeremia 18:15 ပူးပေါင်းရင်းမြစ်များ

Nehemia 9:17

Baaloba kuwulira na kwidhukira ebyewuninkiriza bye wabakolamu. Baakalangusa bwa myoyo gyaibwe, baataagho omuntu abakulembere abaizeeyo mu bwiru e Misiri. Aye iwe oli Katonda asonigha, ekiseera kyonakyona. Oli wa kivunika, osaasira, era olwagho okusungughala. Era olw'okuba iwe obagonza inho obutalekera, tiwabalekulira agho.

Isaia 3:12

Abantu bange batuntuzibwa abaana obwana, era abakazi obukazi baabafufunkiriza. Imwe abantu bange, bwenebwene abakulembeze baimwe babakiidhamya, baabaleetera okudaaliima.

Isaia 41:29

Boonaboona ghazira kye bagasa, era ghazira kye basobola kukola naire. N'ebifaananie byaibwe ebyakolebwa mu kyuma ekisaanuusiibwa, biziramu makulu naire.”

Isaia 57:14

Musengwa Katonda era akoba ati: “Muteegho oluguudo, muteegho oluguudo mangu, mutegeke abantu bange ghe banaabita. Mutoole ebitimuguunha byonabyona mu ngira y'abantu bange.

Isaia 62:10

Imwe abantu bange ab'omu Yerusalemu mufulume, mufulume emiryango gy'ekibuga. Muje mutegeke abantu ghe banaabita mutemegho oluguudo. Mutemegho oluguudo mangu, mulumalemu ebibaalebaale. Mughanikire abantu ebendera ng'akamanhiso,

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Isaia 9:16

Abakulembeze ab'abantu bano babakiidhamya bukiidhamye, era baabaleetera okudaaliimira irala.

Yeremia 1:16

Ndisalira abantu bange omusango gwabasinga olw'obubi bwaibwe; kuba banvaaku baaniokeza bakatonda abandi obubbaani, era baasinza ebintu bye baakola beene n'engalo dhaibwe.

Yeremia 10:15

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 11:12

Olwo abantu b'omu Yerusalemu n'ab'omu Buyudaaya balija ye bakatonda be baniokeza obubbaani, baabalirira babayambe. Aye bakatonda abo tibalisobola kubawonia ng'akabi kaidhie.

Yeremia 11:13

Abantu b'omu Buyudaaya bali ni bakatonda kamaala, abaagayaga n'obungi bw'ebibuga byaibwe. N'abantu b'omu Yerusalemu baazimba alutaari edhaagayaga n'obungi bw'enguudo dh'omu kibuga omwo. Alutaari edho nga dha kuniokezaaku bubbaani eri omusambwa Baali ogwenhinhalwa.”

Yeremia 11:17

“Nze Musengwa Katonda Afuga Amagye, nali ntairegho Abaisiraeli n'Abayudaaya. Aye mperaano ndi kubeesoomera kubasindikira kabi. Ekyo bakyereeteire beene olw'ebibi bye bakola, ni bansungughaza nga baniokeza omusambwa Baali obubbaani.”

Yeremia 13:25

Musengwa Katonda oyo akobye ati ekyo n'ekija okubatuukaku. Ekyo ky'asazeegho okubakola, kuba mwamwerabira, mwesiga bakatonda ab'obuguya.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 18:14

Empampagama dh'omu mabaale amagulumivu ag'oku nsozi edh'e Lebanoni dhaali dhibeereireku agho nga tidhigwireeku mugozi? Amaadhi amainhogovu agava mu nsozi edho ghalighooku lwe gaalekeraku okukuuluula?

Yeremia 19:5

Era baaja baazimbira omusambwa Baali ebifo ebigulumivu ebisinzibwamu, eby'okwokerangaku abaana baibwe n'omuliro ng'ebigheebwayo ebyokebwa. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 2:32

Omughala asobola okwerabira ebyamadholobera bye by'avaala? Oba omugole okwerabira ebivaalo bye eby'obugole? Aye abantu bange baneerabiire enaku kamaala edhitabalika!

Yeremia 3:21

Amamiro gawulikika ghaigulu eyo ku nsozi edhiziraku kantu. Ago n'amamiro ag'Abaisiraeli abali kulira amaziga nga beenenia, olw'okudaaliima ni bava mu ngira entuufu, ni beerabira Musengwa Katonda waibwe.

Yeremia 44:25

Naakoba nti Musengwa Katonda Afuga Amagye, Katonda wa Isiraeli, akoba ati: “Imwe ni bakazi baimwe mweyamye y'omusambwa Kyabazinga Omukazi ow'Eigulu, nga bwenebwene mwidha kuguniokezanga obubbaani era mugughenga n'ebigheebwayo ebifukibwa. Kale, mutyo mukole bye musuubiiza, mutuukirize ebyo bye mweyamye!

Yeremia 51:18

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 6:16

Musengwa Katonda yaakoba abantu be ati: “Mwemerere mu maagaanana g'engira, mulinge eno n'ere, mubuuze babooleke aghali obugira obw'eira, n'aghali engira enungi. Mutambulire omwo, olwo mufune emiraala.” Aye beene baakoba bati: “Busa, titwidha kutambulira omwo.”

Yeremia 7:9

Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Ezekieli 21:15

Empiima eyo ereetera emyoyo gy'abantu okutekemuka, beekontola baagwa n'okugwa. Ngitaire mu kibuga nga bagizigwire, eri kumyansa ng'oti lukuba, ng'eteegereire okutirimbula.

Ezekieli 36:15

Tiriganha maghanga gandi kukuvumanga, waire okuleka abantu okukuswazanga, oba iwe ensi Isiraeli yeene okwirayo okufiirizanga eighanga lyo. Nze Musengwa Katonda ninze nkobye.”

Hosea 11:2

Aye Abaisiraeli abo ye nakoma okubeeta, boona ye baakoma okunvaaku. Baaghangayo emisengo eri omusambwa Baali; baaniokezanga ebisinzibwa ebitali Katonda obubbaani.

Hosea 2:13

Ndimubonereza olw'okukuzanga ebibinuko by'omusambwa Baali era n'aguniokezanga obubbaani. Era ndimubonereza olw'okuvaala empeta n'ebyamadholobera, n'aja n'abagonzi be, olwo nze n'aneerabira. Musengwa Katonda n'akobye.

Hosea 2:6

Kale ni ndidha kumukolera olukomera olw'amawa okumwezunguluza, era nzimbe ekimante okumwezunguluza abulwe gh'abita.

Malaki 2:8

“Aye ate kabiri imwe bakabona mwava ku ngira entuufu, mwadaaliima. Mwaleetera abantu kamaala okukola ebibi, olw'ebyo bye mwegeresa, era mwamenha endagaano ye nakola n'imwe, baidhukulu ba Levi.

Matayo 15:6

aba takeetaaga kuta kitiisa mu Ise.’ Mu ngeri eyo ekibono kya Katonda mwakidibya olw'empisa ya badhaadha baimwe.

Ab'e Roma 14:21

Kituufu obutalyanga mamba oba obutanhwanga omwenge ogw'emizabbibu, oba obutakolanga ekintu kyonakyona ekireetera owoluganda okugwa mu kibi.

Amateeka Agokubiri 32:21

Bandeetera okuba n'enkikidi nga basinza ebitali nze Katonda, bansungughaza nga beesiga ebisinzibwa ebitali nze Katonda. Kale, zeena ndidha kubasaaliza nga numirwa abatali bantu bange. Ndidha kubasungughaza nga ngonza eighanga ery'abaziramu magezi.