Yeremia 18:11 - Baibuli Ekibono kya Katonda 2014

¹¹ Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Yeremia 18:11 ပူးပေါင်းရင်းမြစ်များ

Amainhama 11:7

Ka twike ghansi tutabuletabule olulimi lwaibwe, buli mulala alobe kutegeera wundi ky'akoba.”

1 Bakyabazinga 22:23

Mikaia yaamaliriza ng'akoba ati: “Kale ni Musengwa Katonda ataire omwoyo ogw'obuguya mu kanwa omw'abalanzi bo boonaboona, era iwe by'akwogeireku bya kabi.”

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

2 Bakyabazinga 22:13

“Muje mubuuze Musengwa Katonda ku lwange ni ku lw'abantu boonaboona ab'omu Buyudaaya, ebigema ku ebyo ebyaghandiikibwa mu kitabo kino ekizuuliibwa. Obusungu bwa Musengwa Katonda buli kututumbukiraku ng'oti muliro, kuba badhaadha baife tibaagondera bibono ebyo ebiri mu kitabo kino, ni babikoleraku nga bwe byali n'okukolerwaku.”

2 Bakyabazinga 5:5

Kyabazinga wa Siria yaakoba ati: “Kale ja. Ndidha kughandiikira kyabazinga wa Isiraeli embaluwa ogimutwalire.” Agho Naamani yaaja ng'atwaire n'ebitundu bya feeza enkumi isatu (3,000), n'ebya zaabu kakaaga (6,000), era n'ebivaalo ikumi ebirungi.

Isaia 5:5

Mpegaano ka mbakobere kye nja okukolera eisamba lyange eryo: Nja kulitoolaku olukomera olulyezungulwire, mmenhegho n'ekigo ekirikuuma, ensolo dhiriire omwo era dhirityankirire.

Isaia 57:1

Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Yeremia 11:11

Mperaano ni, nze Musengwa Katonda ndi kubalabula nti nja kubasindikira akabi ke bataidha kuwona. Ni bwebalirira nga benda nze mbayambe, tiribafaaku naire.

Yeremia 11:19

Aye nali ng'oti n'entaama ento empolu ye bali kutwala okwita. Nali tiidhi nga ninze ye baali bali kutegekera okukola akabi, nga bakoba bati: “Ka tutemegho omuti nga gukaali mulamu bulungi. Ka tumwite aveegho ghalobe kubaagho amwidhukira naire.”

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 19:3

Oidha kubakoba oti, ‘Imwe bakyabazinga ab'omu Buyudaaya n'imwe abantu ab'omu Yerusalemu, mumpulirise nze Musengwa Katonda Afuga Amagye era Katonda wa Isiraeli. Nja kuleeta ku kifo kino akabi nga kiisi akawuliraku, amatu ge gamuwaawaala buwaawaale.

Yeremia 25:2

Agho naakoba abantu b'omu Yerusalemu ni mu Buyudaaya boonaboona nti:

Yeremia 25:5

abaabakobanga bati, ‘Buli muntu alekere okukola ebibi era akyuse empisa dhe embi. Memale olwo musigale nga muli mu nsi Musengwa Katonda ye yabagha, imwe ni badhaadha baimwe, ebenga yaimwe ku bwaimwe.

Yeremia 26:13

Kale ni mulongoose empisa dhaimwe n'ebikolwa byaimwe, era mugonderenga Musengwa Katonda waimwe. Olwo Musengwa Katonda oyo aidha kukyusa ekirowoozo kye, alobe kubakolaku kabi nga bw'abaire ategeike okukola.

Yeremia 26:3

Oba katyo banaawulira, baakyuka baalekayo empisa dhaibwe embi. Olwo nze ndidha kukyusa ekirowoozo kyange, ndobe kubakolaku kabi olw'ebikolwa byaibwe ebibi, nga bwembaire ntegeike okukola.

Yeremia 3:1

Musengwa Katonda akoba ati: “Omusaadha bw'abinga mukazi we, omukazi oyo naabayira omusaadha owundi, omusaadha oyo asobola kabiri okwiza omukazi oyo? Olwo ensi eyo eba teyonooneike? Aye imwe Abaisiraeli timwali beesigwa ye ndi, mwaba ng'oti malaaya bw'aba n'abagonzi be abangi. Aye obwo mwenda kabiri kwira ye ndi?

Yeremia 3:22

Musengwa Katonda akoba nti: ‘Imwe abatali beesigwa, mwire ye ndi, ndidha kubawonia mbafuule beesigwa.’ Ate imwe mukoba muti: ‘Bona eno, twidhie y'oli, kuba niiwe Musengwa Katonda waife.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 36:3

Oba katyo abantu b'omu Buyudaaya bwe baliwulira ku kuzikirira okwo kwonakwona kwe ndi kutegeka okubasindikira, balikyuka baava mu mpisa dhaibwe embi. Olwo naabasonigha olw'obubi bwaibwe n'ebibi bye bakola.”

Yeremia 36:7

Oba katyo balitoolera okusabanga Musengwa Katonda, era baakyuka baaleka empisa dhaibwe embi, kuba Musengwa Katonda yeesoomeire okukola ku bantu abo mu busungu n'ekiruyi ebitaloodheka.”

Yeremia 4:1

Musengwa Katonda akoba ati: “Imwe Abaisiraeli, oba nga bwene mwenda okukyuka, mukyuke mwire ye ndi. Bwe mutoolagho ebyenhinhalwa byaimwe bye musinza, ni mugumira ku nze aghazira kudaaliima naire,

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Yeremia 4:23

Nalingirira ensi, naabona nga ndhereere era nga ntabuletabule; ate naalinga ku igulu nga kuzira kyaka naire.

Yeremia 4:6

Mughanike bendera nga mugiringiriiza e Sioni, mulumuke mwewonie aghazira kugayaala naire; kuba Musengwa Katonda aja kuleeta akabi n'okuzikirira okunene einho, okuva ku luuyi olw'omukono omugooda olw'e buvandhuba.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 7:3

Musengwa Katonda Afuga Amagye, Katonda wa Isiraeli, akoba ati: “Mulongoose empisa dhaimwe n'ebikolwa byaimwe, olwo ndidha kubaleka mubenga mu kifo kino.

Ezekieli 13:22

“Muja mwabuzaabuza abantu bange abalungi mwabamalamu amaani, nze be mba tyenze batuukibweku kulumizibwa kwonakwona. Ate mwaghaga abakozi b'ebibi balobe kukyuka kuva mu bibi byaibwe, kuwonia bulamu bwaibwe.

Ezekieli 18:23

Mulowooza muti nze nhumirwa okubona omwonooni ng'afiire? Busa naire! Nhenda bwende akyuke aleke ebibi bye, abe mulamu.” Musengwa Katonda atyo bw'akobye.

Yona 3:8

Buli muntu ateekwa okwesiba ekutiya, na buli nsolo esibibwe ekutiya. Buli muntu ateekwa okulekayo ebibi by'akola n'ebikolwa eby'obukambwe, yeeghembe Katonda n'omwoyo mulala okumusonigha.

Mika 2:3

Musengwa Katonda kyava n'akoba ati: “Bona eno, ndi kuyiiya akabi ke nnaatuusa ku bantu imwe, era ghazira ghe mughanga kukawonera. Mwidha kweyagaana mu buzibu obutoogerekeka n'amalala gabaweemu.

Zekaria 1:3

Aye mperaano ndi kukoba abantu nti mwire ye ndi nze Musengwa Katonda Afuga Amagye, olwo zeena ndidha kwira ye muli.

Ebikolwa by'Abatume 26:20

Aye natoolera n'ab'omu Damasiko, n'ab'omu Yerusalemu, n'ab'omu Buyudaaya yoonayoona, era n'ab'omu maghanga agandi, naabakobera beenenie, bakyuke baire ye Katonda, bakole ebikolwa ebyoleka nga beeneniiza.

Yakobo 4:13

Muwulire ni kino imwe abakoba mbu: “Olwaleero oba olwaidho tulija mu kibuga eky'e bulebe twamalayo omwaka mulamba, twatunda era twafuna amagoba”,

Yakobo 5:1

Muwulire ni kino imwe abakombe, mulire amaziga era muwologome olw'okudaagadaaga okuli kubaidhira.