Yeremia 17:9 - Baibuli Ekibono kya Katonda 2014

⁹ “Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Yeremia 17:9 ပူးပေါင်းရင်းမြစ်များ

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

2 Samueli 11:15

Mu mbaluwa omwo yaghandiikamu ati: “Ta Uria emberi mu lutalo aghasinga kuba ghabi, memale imwe mumuleke eyo mwire einhuma, abazigu bamufumite bamwite.”

Zabbuli 51:5

Bona, nagwa mu nda ya maama nga ndi mu kibi; nazaalibwa nga ndi mwonooni.

Zabbuli 64:7

Aye Katonda aja kubalasa akalaso ke, era amangu ago geene baja kulumizibwa.

Ensambo 28:26

Omuntu eyeesiga ebyo mwene by'alowooza aba musiru, aye ole ajiira ku kwegeresa okw'abagezi akabi tikalimutuukaku.

Omulangirizi 9:3

Ekibi ekiri mu byonabyona ebikolebwa ku nsi, kiri nti enkomerero yaabyo byonabyona eri ndala. Mu myoyo gy'abantu abalamu mwidhwire bibi na iralu, era ekisembayo kuba kufa bufe.

Isaia 1:5

Iwe Buyudaaya, lwaki oyongera okuba omudheemu otyo? Oyenda bongere okukubonereza? Omutwe gwo gwonagwona gwidhwire bibwa byereere, n'omwoyo gwo gwazirika.

Isaia 1:6

Okuviira irala ku mutwe okutuukira irala ku bigere ghaziraku ghalamu naire. Oidhwire bwa binuubulenuubule, na bikwadulekwadule, na bibwa ebiri kutiiriika omusaayi, ebitanaaziibwa waire okusibwaku ekighero, oba okuteebwaku obulezi.

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Yeremia 16:12

Aye imwe mukoze bubi n'okusinga badhaadha baimwe abo. Buli muntu ku imwe akola ebyo omwoyo gwe omukalangufu era omubi bye gwenda, yaaloba okumpulira.

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Matayo 13:15

kuba omwoyo ogw'abantu bano mukalangafu, amatu gaibwe gasembye, n'amaiso gaibwe bagazibye. Nkani bandiboine n'amaiso gaibwe, bandiwuliire n'amatu gaibwe, baategeera n'omwoyo, baakyukira ye ndi naabawonia.’

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Mariko 2:17

Yesu olwawulira ebyo, yaabakoba ati: “Abalamu ti n'abenda omuyigha, aye abalwaire kuba abatuufu ti be naidha okweta, aye aboonooni.”

Ab'e Roma 1:21

Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

Ab'e Roma 7:11

Ekibi bwe kyabita mu kiragiro, kyanguyaguya kyandhita nga kikozesa ekiragiro ekyo.

Ab'Efeso 4:22

Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Abaheburayi 3:12

Kale aboluganda, mwegendereze ghalobe kubaagho naire mulala ku imwe aba na mwoyo mubi era ogutaikiriza, n'ava ku Katonda omulamu.