Yeremia 17:7 - Baibuli Ekibono kya Katonda 2014

⁷ Aye wa nkabi oyo aneesiga nze Musengwa Katonda era n'asuubirira mu nze.

Yeremia 17:7 ပူးပေါင်းရင်းမြစ်များ

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 146:5

Yeesiimye oyo ayambibwa Katonda wa Yakobo, era n'asuubirira mu Musengwa Katonda nga ni Katonda we.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Zabbuli 20:8

Abo balitondoka baagwa ere, aye ife tulisituka twayemerera nga tuli bagumu.

Zabbuli 34:8

Mwidhe mubone Musengwa Katonda nga bw'ali omulungi! Ba nkabi abo abamwesiga!

Zabbuli 40:4

Ba nkabi abo abeesiga Musengwa Katonda, abatakyuka ni basinza bitali Katonda waire okweyimba ku abo abasinza emisambwa.

Zabbuli 71:5

Wo Musengwa Katonda, niiwe mwe nsuubirira era nakwesiga ira okuva mu buto bwange.

Zabbuli 84:12

Wo Musengwa Katonda Afuga Amagye, nga beesiimye abakwesiga.

Ensambo 16:20

Omuntu omwegendereza mu buli kintu, ebintu biidha kumujiiranga bukalamu, era wa nkabi oyo eyeesiga Musengwa Katonda.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Yeremia 39:18

Bwenebwene ndikuwonia baaloba kukwita, waawoniagho obulamu bwo olw'okuneesiga. Nze Musengwa Katonda, ninze nkobye.’ ”

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Ab'Efeso 1:12

mwe yatulondera. Ife abaasooka okuba n'eisuubi mu Kurisito, tubeegho nga tusaaka ekitiisa kya Katonda.