Yeremia 17:6 - Baibuli Ekibono kya Katonda 2014

⁶ Omuntu oyo aba ng'oti muti oguli mu irungu, ogukulira eyo enkalu ku itaka ery'oluunhu, ezira kintu kindi kisobola kukulirayo. Omuntu oyo azira kikalamu ky'afuna naire.

Yeremia 17:6 ပူးပေါင်းရင်းမြစ်များ

2 Bakyabazinga 7:2

Agho omugheereza wa kyabazinga ataamuvangaku, yaabuuza omuntu wa Katonda ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

Yobu 20:17

Talighangaala kubona ku birungi Katonda by'agaba, ebingi einho ng'oti maadhi agaidhwire mu mwiga.

Yobu 39:6

Ninze nagigha eirungu okuba amaka gaayo, naagireka okuba mu nsi ey'omuunhu.

Zabbuli 1:4

Aye ababi tibali batyo, bali ng'oti musinsi empewo gw'efuuwa ere.

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Zabbuli 92:7

ati waire ababi bamera ng'oti isubi, abakozi b'ebibi kiisi kye bakola ni kibalamira, baategekerwa kuzikirira okw'olubeerera.

Isaia 1:30

Muliba ng'oti n'omuti omukologho oguniala amakaba, era mwaba ng'oti n'enimiro etafuna ku maadhi naire.

Yeremia 48:6

“Baakoba bati, ‘Mulumuke muwonie obulamu bwaimwe. Muziinhuuke ng'oti n'endogoyi ey'omu irungu!’

Ezekieli 47:11

Aye amaadhi ag'omu bibali ni mu bidiba ebiriba ku mbali okw'enhandha, tigalirongoosebwa kufuuka malungi. Galisigala nga ga muunhu.

Zefania 2:9

Kale ni, nze Musengwa Katonda omulamu afuga amagye, Katonda wa Isiraeli, ndayiire nti ebiketezo eby'Abamoabu n'Abammoni bija kuzikirira, nga Sodoma ni Gomorra bwe byazikirira. Bija kufuuka ekifo ekiidhwire ebisubisubi ebifumita n'ebiina ebisimwamu omuunhu. Bifuuke ekifo ekiziramu kirungi kye kivaamu ebyanda n'ebyanda. Abantu bange abaliwonagho balinhaga ekiketezo ekyo kyaba kyaibwe.”

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.

Abalamuzi 9:45

Abimeleki yaamala olunaku olwo lwonalwona ng'ali kulwanisa ekibuga ekyo. Yaakigema, yaita abantu baamu, era yaakimenhamenha, yaakimansiramu omuunhu.