Yeremia 17:5 - Baibuli Ekibono kya Katonda 2014

⁵ Musengwa Katonda akoba ati: “Omuntu yeenayeena akyuka n'anvaaku nze Musengwa Katonda, ni yeesiga omuntu obuntu era n'amwesiguliraku, akolimirwe.

Yeremia 17:5 ပူးပေါင်းရင်းမြစ်များ

2 Ebyomubyanda 16:12

Mu mwaka gwe ogwamakumi asatu n'omwenda (39) ku bwakyabazinga, yaalwala ebigere, yaaba bubi inho. Aye era, waire nga yalumizibwa inho, tiyasaba Musengwa Katonda kumuwonia. Yakozesanga bwa bayigha okumwidhandhaba.

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Zabbuli 18:21

Nze njiira ku biragiro bya Musengwa Katonda, era tigwangaku mu kibi kya kudaaliima kuva ku Katonda wange.

Zabbuli 62:9

Abantu abayabayaba bali ng'oti muuka gwa mu nhindo; ate abantu abakologho biwooboloolo, boonaboona bw'obata ku minzaani teika, eja bwa ghaigulu; bagheghere okusinga omuuka ogw'omu nhindo.

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Isaia 20:5

Abo abaali beesigulira ku Ethiopia okubabeera, n'abaali beenhumiriza mu Misiri, balisoberwa baawaamu n'eisuubi.

Isaia 36:6

Bona, oli kwesiga ensi Misiri eri ng'oti n'olugada olumenhefu, olufumita engalo dh'oyo alugema n'alwesigamaku. Atyo kyabazinga w'e Misiri bw'ali y'abo abamwesiga.’ ”

Isaia 59:15

Obwesigwa buziragho mu bantu, era oyo alekayo okukola ebibi bamuyiiga n'obukambwe.” Musengwa Katonda ekyo yakibona era yaasungughala, olw'obutabaagho kukolera ku mazima.

Yeremia 11:3

oti Nze Musengwa Katonda, Katonda wa Isiraeli nkoba nti, omuntu yeenayeena ataatuukirizenga ndagaano eno by'ekoba akolimirwenga.

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Hosea 1:2

Omukuzi ogwasooka Musengwa Katonda okwogerera mu Hosea, Musengwa Katonda oyo yakoba Hosea ati: “Ja ofumbirwe omukazi atali mwesigwa malaaya, ozaale naye abaana ab'obwamalaaya, kuba abantu bange banviireku nze Musengwa Katonda, tibakaali beesigwa naire.”