Yeremia 17:3 - Baibuli Ekibono kya Katonda 2014

³ ni ku buli lusozi olugulumivu oluli mu irungu. Eby'obukombe byaimwe n'ebintu byaimwe eby'omughendo, nja kubighaayo abazigu babinhage olw'okusasulamu ebibi ebingi bye mukoze mu nsi eno.

Yeremia 17:3 ပူးပေါင်းရင်းမြစ်များ

2 Bakyabazinga 24:13

Yaatoola eby'obukombe byonabyona eby'omu isinzizo, n'eby'omu kisaagaati kya kyabazinga, yaabitwala. Era nga Musengwa Katonda bwe yakoba, Nebukadinezzari yaamenhamenha ebintu byonabyona ebya zaabu, kyabazinga Solomoni owa Isiraeli bye yali ataire mu isinzizo.

Zabbuli 78:58

Basonsoonia Katonda baamusungughaza olw'ebifo byaibwe ebigulumivu bye baasinzizangamu era baamuleetera okuba n'enkikidi olw'ebifaananie ebibaadhe bye baasinzanga.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Yeremia 12:12

Abanhazi babisebise mu nsozi dhoonadhoona edh'omu irungu edhiziraku kantu. Nze Musengwa Katonda nsindiike olutalo okuzikiriza ensi eyo yoonayoona. Era ghazira muntu ali mu miraala.

Yeremia 15:13

Musengwa Katonda yankoba ati: “Eby'obukombe n'ebintu eby'omughendo eby'abantu bange, nja kubighaayo abazigu babinhage olw'okusasulamu ebibi ebingi bye bakoze mu nsi eno.

Yeremia 20:5

Era nja kuleka abazigu baimwe banhage eby'obukombe byaimwe byonabyona ebiri mu kibuga muno, n'ebintu abantu bye baafaabiikanira, n'eby'omughendo einho omuli n'ebya bakyabazinga ab'omu Buyudaaya. Ebyo byonabyona abazigu abo balibinhaga baabitwala e Babilonia.

Yeremia 21:13

Mubone eno, imwe abantu ababa mu kiiko. Ndidha kubakolaku waire mugungumala ng'oti ibaale eikologho eriri ku museetwe. Era mukoba mule muti, ‘Naani anaidha okutulumba? Era naani anaatuuka eno ye tuba?’

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Okulira 1:10

Abazigu baaja baidha, baanhaga ebintu eby'omu kibuga byonabyona eby'omughendo. Bwenebwene ab'omu kibuga ekyo baabona bukalamu abamaghanga agandi nga bangirira irala mu kifo ekitukuvu, Musengwa ghe yalobera abamaghanga agandi okutuuka.

Ezekieli 16:39

Ndikughaayo mu ngalo edh'abagonzi bo abo, baaja baasuula ghansi amasabo go era baamenhagho ebifo byo ebigulumivu by'osinzizaamu ebintu ebitali nze Katonda. Balikutoolamu engoye dho, era baakutoolaku ebyamadholobera byo ebirungi einho, baakuleka ng'oli madu ng'ozira kantu naire.

Ezekieli 23:46

Musengwa Katonda akoba ati: “Mubasindikeku ekikuukuulu ky'abantu kibatuntuze era kibanhagululeku ebyaibwe.

Ezekieli 6:3

Okobe ensozi edho edh'omu Isiraeli, dhiwulire nze Musengwa Katonda bye ndi kukoba ensozi n'obusozi, aghalala n'obwinhamo n'ebiiko: Bona eno, nze mwene, ninze ndisindika entalo okuzikiriza ebifo ebigulumivu abantu bye basinzizaamu ebitali Katonda.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Zefania 1:13

Eby'obukombe byaibwe bija kunhagibwa, n'endhu dhaibwe dhimenhebwegho. Waire bali kuzimba endhu, aye tibaja kudhisulamu. Waire bali kusimba amasamba ag'emizabbibu, aye tibaja kunhwa ku mwenge gwa mizabbibu guva mu masamba ago.”