Yeremia 17:18 - Baibuli Ekibono kya Katonda 2014

¹⁸ Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Yeremia 17:18 ပူးပေါင်းရင်းမြစ်များ

Yobu 16:14

Anumba ng'oti n'omulwani ow'omu lutalo, yaamenhamenha buli buyungiro bwange.

Zabbuli 35:4

Abo abayiiga obulamu bwange baswaze era banhoomebwe! Era oyemereze abo ababaire baidha n'entegeka ey'okuunumba, obairirizeeyo nga n'okutegeera tibategeera.

Zabbuli 35:8

Aye ka batuuke ku kuzikirizibwa nga tibaidhi, olutuula lwe baagisa lugemye beene abo, balugwemu bazikirire.

Zabbuli 40:14

Abo abenda okundhita, baswaze era basoberwe. Abo abenda okuunumya, bairirizeeyo era banhoomebwe.

Zabbuli 70:2

Abo abenda okundhita baswaze era basoberwe. Abo abenda okuunumya bairirizeeyo era banhoomebwe.

Zabbuli 71:1

Wo Musengwa Katonda, niiwe ye neesiga, otandeka kuswala.

Yeremia 1:17

Iwe mperaano situkiramu, weesibe weenhweze, oje obakobe ebyo byonabyona bye nnaakulagira okubakoba. Otabatya naire, tiikulwa nga nkutiisa nga bali kubona, ng'ojiire ye bali.

Yeremia 11:20

Agho nze naasaba nti: “Wo Musengwa Katonda Afuga Amagye, niiwe omulamuzi asala mu mazima, waaleba emyoyo n'ebirowoozo by'abantu. Kale ka nteege mbone nga bw'onaaneesasuulizaagho ku bantu abo; kuba ensonga dhange ndhandhwire mu maiso go.”

Yeremia 12:3

Wo Musengwa Katonda, aye iwe nze ondidhi bukalamu, oneekebeedha wambona nga bwe nfaanana. Kwekwebya abantu ababi abo obatoolegho, ng'oti n'omuntu bw'atwala entaama edh'okwita. Era obakuume okutuusa ng'ekiseera kyaibwe eky'okwitibwa kituuse.

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Yeremia 16:18

Nja kubabonereza nga mbeesasuulizaaku emikuzi ebiri olw'okwonoona kwaibwe n'ebibi byaibwe kuba baayonoona ensi yange baagireetamu ebisinzibwa byaibwe ebitali Katonda ebyenhinhalwa ebiri ng'oti bwa mirambo, era bagiidhuza emisambwa.”

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 17:16

Aye nze tikupikirizangaku iwe obasindikire akabi koonakoona, era tibendezangaku batuuke ku buzibu. Ekyo iwe Musengwa Katonda okiidhi bukalamu. Bye nayogera byonabyona obiidhi.

Yeremia 17:19

Agho Musengwa Katonda yankoba ati: “Yeremia, ja ku gwetebwa Omulyango gwa Benjamini bakyabazinga ba Buyudaaya mwe babita nga bangira era nga bafuluma mu Yerusalemu, olangirire obukwenda bwange. Era omale oje ni ku miryango egindi gyonagyona egya Yerusalemu, yoona olangirireyo.

Yeremia 20:11

Aye iwe Musengwa Katonda oli ku luuyi lwange, era oli ng'oti mulwani wa maani atatuukikaku. Abo abankiriga tibaidha kumpangula. Baidha kuswala ebitaloodheka, kuba tibaidha kunsobola. Era okuswala kwaibwe okwo, abantu tibalikwerabira byanda na byanda.

Amateeka Agokubiri 33:11

Wo Musengwa Katonda, baghenga enkabi bakombaghale. Siimanga bye bakola. Era osaaniengagho abazigu baibwe, abo ababakyagha balobenga kwiramu kusituka.”

Okwolekebwa 18:6

Mumukole nga mwene bwe yabakola, ate ku bikolwa bye mumwesasuuzeemu emikuzi ebiri. Ekikopo kye yabatabulira imwe, mukimutabuliremu obuka bwa mikuzi ebiri.