Yeremia 17:17 - Baibuli Ekibono kya Katonda 2014

¹⁷ Otanfuukira ekintu ekitiisa, kuba niiwe ekifo kyange eky'okwewogomamu mu kiseera ekizibu.

Yeremia 17:17 ပူးပေါင်းရင်းမြစ်များ

Yobu 31:23

Nali tisobola kukola bintu biri ng'oti n'ebyo, olw'okutya Katonda okumbonereza.”

Zabbuli 41:1

Wa nkabi oyo afaayo ku baavu, Musengwa Katonda aidha kumutoolanga mu bizibu, ng'ali mu biseera ebizibu.

Zabbuli 59:16

Aye nze ndidha kwembanga nga nsaaka amaani go; buli nkyo ndidha kwemberanga ghaigulu okugonza kwo okutakoma, kuba buliidho niiwe obairenga obubudamo bwange, era niiwe obairenga obulumukiro mu biseera ebizibu.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 17:7

Aye wa nkabi oyo aneesiga nze Musengwa Katonda era n'asuubirira mu nze.

Yoeli 3:16

Musengwa Katonda awologoma ku lusozi Sioni era yaakaabuka mu Yerusalemu, eigulu n'ensi byatengeeta. Aye Musengwa Katonda oyo n'ekifo abantu be Abaisiraeli mwe balumukira okwewonia, era n'ekifo mwe beewogoma.

Nahumu 1:7

Musengwa Katonda mulungi, oyo n'ekifo eky'okwewogomamu mu biseera ebizibu; alabirira abo abamwesiga.

Ab'Efeso 6:13

Kale ni mutoole eby'okulwanisa byonabyona ebya Katonda, mughange okuguma ku lunaku omuzigu lw'abalumba, era bwe mulimaliriza okulwana okutuuka ku nkomerero, musigale nga muli bagumu.