Yeremia 17:13 - Baibuli Ekibono kya Katonda 2014

¹³ Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 17:13 ပူးပေါင်းရင်းမြစ်များ

Zabbuli 22:4

Niiwe badhaadha baife ye baataamu obwesige, baakwesiga era waabawonia.

Zabbuli 69:29

Aye nze ndi kudaazibwadaazibwa era ndi mu bulumi. Wo Katonda wange mponia, onkuumire ghe batantuukiraku.

Zabbuli 71:5

Wo Musengwa Katonda, niiwe mwe nsuubirira era nakwesiga ira okuva mu buto bwange.

Zabbuli 73:27

Abo abakuvaaku baja kuzikirira, oja kumalagho abo abadaaliima.

Zabbuli 97:7

Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Ensambo 14:14

Omuntu omubi alifuna ebigwaniire ebikolwa bye ebibi, n'omulungi yaafuna ebigwaniire ebikolwa bye ebirungi.

Isaia 1:28

Aye alizikiriza abo abamudheemera n'abo abakola ebibi, era yaasaaniagho abo abamuvaaku.

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Yeremia 14:8

Niiwe wenka eisuubi ly'Abaisiraeli; niiwe otuwonia mu biseera ebizibu. Lwaki oba mu nsi yaife ng'oti n'omuntu omusenze obusenze, era ng'oti n'omugeni omubise asula obw'olunaku olulala lwonka?

Yeremia 17:17

Otanfuukira ekintu ekitiisa, kuba niiwe ekifo kyange eky'okwewogomamu mu kiseera ekizibu.

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Yeremia 17:5

Musengwa Katonda akoba ati: “Omuntu yeenayeena akyuka n'anvaaku nze Musengwa Katonda, ni yeesiga omuntu obuntu era n'amwesiguliraku, akolimirwe.

Yeremia 19:4

Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:17

Ekyo Abaisiraeli baakyereetera beene, bwe banvaaku nze Musengwa Katonda waibwe, ng'ate ninze eyaboolekanga engira ey'okubitamu.

Yeremia 50:7

Buli abababona babalumba. Abazigu baibwe bakoba bati, ‘Baayonoona eri Musengwa Katonda, kale kye tukoze ti kibi naire. Badhaadha baibwe beesiganga Musengwa Katonda kale beene boona bandibaire bamwesiga!’

Ezekieli 13:9

Nja kubabonereza imwe abalanzi abafuna okubonekerwa okw'obulimba era abalanga eby'obuguya. Timulityama mu lwekobaano lwa bantu bange, waire okughandiikibwa mu kitabo eky'ab'eighanga lya Isiraeli. Era timuliirayo mu nsi yaimwe Isiraeli naire. Olwo mulimanha nga ninze Musengwa Katonda.

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Ezekieli 36:32

Imwe ab'eighanga Isiraeli, mukimanhe bukalamu nti ekyo tirikikola lwa kuba imwe. Nhenda ensoni dhibageme muswale olw'ebyo bye mwakola.”

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Yoeli 3:16

Musengwa Katonda awologoma ku lusozi Sioni era yaakaabuka mu Yerusalemu, eigulu n'ensi byatengeeta. Aye Musengwa Katonda oyo n'ekifo abantu be Abaisiraeli mwe balumukira okwewonia, era n'ekifo mwe beewogoma.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Zekaria 9:12

Imwe abali mu bunhage, mwire mu kifo kyaimwe eky'okwewogomamu. Mwire kuba mpegaano muli n'eisuubi. Olwaleero ndi kubakakasa nti ebyaimwe byonabyona ebyayonoonebwa mu kudaazibwadaazibwa kwaimwe, ndibibairizaagho naasinzaagho emikuzi ebiri.

Luka 10:20

Aye mutasangaala olw'okuba emizimu gibawulira, musangaale olw'okuba amaina gaimwe gaaghandiikibwa mu igulu.”

Yoanne 4:10

Yesu yaamukoba ati: “Nguli oidhi ekirabo Katonda ky'agha, n'omanha n'oyo ali kukusaba amaadhi okunhwa, wandimusabye yaakugha amaadhi agagha obulamu.”

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Ebikolwa by'Abatume 28:20

Kyenviire ni mbeeta, mbabone era ndhogereku n'imwe, kuba nsibiibwa n'oludhegere luno, olw'oyo abantu ba Isiraeli ye basuubira.”

1 Timotheo 1:1

Ninze Paulo omutume wa Kurisito Yesu, olw'ekiragiro kya Katonda Omulokozi waife, n'ekya Kurisito Yesu ye tulimu n'eisuubi.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 21:6

Era yankoba ati: “Biwoire! Ninze Alufa ni Omega, entoolo n'enkomerero. Kiisi ali ndiwo ndimugha yaanhwera ku bwereere ku nsulo ey'amaadhi ag'obulamu.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.

Okwolekebwa 7:17

Entaama Ento eri ghagati gh'ekityamo ky'obwakyabazinga, enaabalabiriranga ng'omwayi, yaabakulemberamu, okubatuusa ku nsulo edh'amaadhi ag'obulamu. Era Katonda alyeya buli iziga mu maiso gaibwe.”