Yeremia 17:10 - Baibuli Ekibono kya Katonda 2014

¹⁰ Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 17:10 ပူးပေါင်းရင်းမြစ်များ

1 Bakyabazinga 8:39

bawulirenga eyo y'oli mu igulu, era obasonighenga. Kiisi muntu omukoleranga ku bibye nga bw'agwaniire, kuba iwe wenka, niiwe oidhi emyoyo gy'abantu.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

2 Ebyomubyanda 6:30

bawulirenga eyo y'oli mu igulu, era obasonighenga. Kiisi muntu omukoleranga ku bibye nga bw'agwaniire, kuba iwe wenka, niiwe oidhi emyoyo gy'abantu.

Yobu 34:11

Kuba aja kugha kiisi muntu empeera ng'ajiira ku muntu oyo bye yakola. Alibisa kiisi muntu ng'ajiira ku muntu oyo bwe yeebisa.

Zabbuli 44:21

Katonda waife oyo yandirobye okumanha, ate nga aidhi n'ebyama ebiri mu myoyo gyaife?

Zabbuli 44:22

Busa naire, kuba ku lulwo twitibwa omusana n'obwire; tuli ng'oti n'entaama edhija okwitibwa.

Zabbuli 62:12

era ng'akoba ati atugonza obutalekera; kuba agha kiisi muntu empeera ng'ajiira ku bikolwa bye.

Zabbuli 7:10

Katonda n'engabo mwe neewogoma, alokola abo abagondera ebiragiro bye.

Zabbuli 7:9

Wo Katonda wange, oli mutuufu era weekebeedha emyoyo n'ebidhuubo eby'abantu. Lekeza ababi okukola obubi, oghe abo abakola obulungi okuba obukalamu.

Ensambo 12:14

Omuntu mu by'ayogera mw'afuna ebirungi, era mu by'akola mw'afuna empeera.

Ensambo 17:3

Omuliro n'ogukozesebwa okukenenula feeza ni zaabu okubona obulungi bwabyo, aye Musengwa Katonda n'aleba emyoyo gy'abantu okubona obutukuvu bwagyo.

Omulangirizi 9:3

Ekibi ekiri mu byonabyona ebikolebwa ku nsi, kiri nti enkomerero yaabyo byonabyona eri ndala. Mu myoyo gy'abantu abalamu mwidhwire bibi na iralu, era ekisembayo kuba kufa bufe.

Isaia 59:18

Alibonereza abazigu be ng'ajiira ku bye baakola, ng'atwaliiremu n'abo ababa mu biketezo eby'eghala.

Yeremia 11:20

Agho nze naasaba nti: “Wo Musengwa Katonda Afuga Amagye, niiwe omulamuzi asala mu mazima, waaleba emyoyo n'ebirowoozo by'abantu. Kale ka nteege mbone nga bw'onaaneesasuulizaagho ku bantu abo; kuba ensonga dhange ndhandhwire mu maiso go.”

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Yeremia 20:12

Wo Musengwa Katonda Afuga Amagye, iwe oleba abantu mu mazima waabona bye balowooza mu myoyo gyaibwe. Kale leka nteege mbone nga bw'onaaneesasulizaagho ku bantu abo; kuba ensonga dhange ndhandhwire mu maiso go.

Yeremia 21:14

Aye nja kubabonereza nga njiira ku bikolwa byaimwe. Ndikunaania omuliro ku kisaagaati kyaimwe eky'obwakyabazinga, gwayokya ebikyezungulwire agho byonabyona. Nze Musengwa Katonda, ninze nkobye.”

Yeremia 23:2

Kale ni, Musengwa Katonda, Katonda wa Isiraeli bino by'akoba ebigema ku bakulembeze abalabirira abantu be, ati: “Imwe timwafaayo naire kulabirira bantu bange. Mwababinga era mwabasansaania. Aye bona eno, nze ndidha kufaayo inho okubona nga imwe mbabonereza olw'ebibi bye mwakola.

Yeremia 32:19

Okola entegeka edh'amagezi agataloodheka, era waakola eby'amaani. Obona ebintu byonabyona abantu bye bakola, era waabasasulamu ng'ojiira ku bikolwa byaibwe.

Ezekieli 11:5

Agho omwoyo gwa Musengwa Katonda gwandhikaku, Musengwa Katonda yankoba ati: “Yogera oti Musengwa Katonda akoba ati imwe abantu Abaisiraeli, nze ndidhi bukalamu bye mulowooza.

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Mika 7:13

Aye ensi eja kufuuka irungu olw'abo abagibaamu ng'ebyo n'ebibala bye bakungula mu bikolwa byaibwe ebibi.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 6:4

Kityo ni ky'ogabye kyaba kya kyama era Lata wo abona eby'ekyama alikugha empeera.

Yoanne 2:25

Kyali tikyetaagisa kubaagho amukobera ebifa ku muntu, kuba yali ng'aidhi ebiri mu myoyo egy'abantu.

Ebikolwa by'Abatume 1:24

Agho baasaba bati: “Musengwa, oidhi ebiri mu myoyo egy'abantu boonaboona, ku bano bombi tulage y'olonze,

Ab'e Roma 6:21

Aye mwaganhulwamu ki okukola ebintu ebyo ebibagemya n'ensoni mperaano? Kuba enkomerero y'ebintu ebyo kufa.

Ab'e Roma 8:27

Era Katonda akebera emyoyo gy'abantu era aidhi Mwoyo ky'adhuuba, kuba Mwoyo n'ayogererayo abantu ba Katonda, nga Katonda bw'asiima.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.

Okwolekebwa 22:12

“Bona, ndi kwidha mangu. Ndidha n'empeera nsasule buli muntu, nga njiira ku bye yakola.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”