Yeremia 16:4 - Baibuli Ekibono kya Katonda 2014

⁴ Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 16:4 ပူးပေါင်းရင်းမြစ်များ

2 Bakyabazinga 9:10

Ghazira muntu aliziika Yezebeli, omulambo gwe embwa dhiriguliira mu kiketezo eky'e Yezireeli.’ ” Omwisuka omulanzi bwe yamala okwogera ebyo, yaigulagho olwigi, yaafuluma yaalumuka.

Zabbuli 78:64

Bakabona baibwe baabaita n'empiima, era banamwandu baibwe baabalobera okubalira.

Zabbuli 83:10

abaitirwa mu kibuga Endori, ni baba agho ku itaka ng'oti mmungo ya busa.

Isaia 18:6

Emirambo gyaibwe baligireka agho okuliibwa enhonhi edh'oku nsozi n'ensolo edh'omu nsiko. Enhonhi dhirirya ku egyo mu biseera eby'endoboozi, n'ensolo dhaalya okwo mu biseera eby'ekiinhogogo.”

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Yeremia 19:7

Mu kifo ekyo mwe nditabuliratabulira entegeka dhoonadhoona edh'abantu b'omu Buyudaaya n'ab'omu Yerusalemu. Ndireetera abazigu baibwe okubaghangula era baabaitira mu ntalo. Emirambo gyaibwe ndigigabula enhonhi n'ensolo edh'omu nsiko dhaagirya.

Yeremia 21:6

Nja kwita abantu abali mu kibuga muno abantu n'ensolo baja kufa endwaire ya kawumpuli.

Yeremia 25:33

“Ku lunaku olwo, emirambo gy'abo Musengwa Katonda b'aliita, girisansaanira woonawoona okuva ensi y'eva okutuuka y'ekanga. Abantu abo tighalibaagho abalira waire atoolagho mirambo gyaibwe kuja kugiziika. Balisigala agho ku itaka ng'oti mmungo dha busa.

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Yeremia 34:20

Ndibaghaayo mu ngalo dh'abazigu baibwe abenda okubaita, era emirambo gyaibwe giriba mere ya nhonhi, na ya nsolo dha mu nsiko.

Yeremia 36:30

Kale ni, nze Musengwa Katonda nkukoba iwe kyabazinga Yehoiakimu nti toliba na mwidhukulu yeenayeena alifuga bwakyabazinga bwa Daudi. Omulambo gwo baligusuula kuliya, akasana kaagwokya omusana ate empewo ey'ekiinhogogo yaagufuuwa obwire.

Yeremia 44:12

Abantu boonaboona abaali bawoniegho mu Buyudaaya, aye ni basalagho nga bamaliriire okuja okuba mu nsi Misiri, ndibaleetera boonaboona okuzikiribwa. Okuviira irala ku basembayo ghansi okutuukira irala ku babbede beene, balifiira mu nsi Misiri, nga babaitira mu ntalo oba nga bafa endhala. Balifuuka ekintu ekitiisa einho, abantu baaboogerangaku nga babayeeyereza bwe babavuma. Era abantu balikozesanga eriina lyaibwe ng'ekikolimo.

Yeremia 44:27

Ndibatuusaaku okuzikirira, mu kifo ky'okubaleetera ebintu okubajiiranga obukalamu. Mwenamwena mulifa, ng'abandi bafiira mu ntalo ate abandi baafa endhala, okutuusa nga mwenamwena muweekereiregho.

Yeremia 7:33

Emirambo gy'abantu giriba mere ya nhonhi, na ya nsolo dha mu nsiko, nga ghazira adhirobera naire.

Yeremia 9:22

Emirambo gy'abantu gija kusigala bw'agho gityo, ng'oti mmungo dha busa mu nimiro, era ng'oti binhwa bya ngaano bye bakesiisa ni baleka obwagho, ni ghabulagho omuntu abitoolagho.”

Okulira 4:9

Abaafumitibwanga empiima baafanga bulungiku okusinga abaafanga endhala; kuba bano baalambukanga mpola okutuusa lwe baafanga, olw'okubulwa emere ey'okubabeesaagho nga balamu.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Ezekieli 5:12

Ndibaawulamu ebitundu bisatu: Abaliba mu kitundu ekisooka mulifa endwaire era mwalambuka endhala. Abaliba mu kitundu ekyokubiri muliitibwa mu ntalo edhiryezungulula ekibuga kyaimwe. Ate abaliba mu kitundu ekyokusatu ndibasansaaniza ku ndhuyi dhoonadhoona, empewo yaabatwaliriza. Era ndisowolayo empiima mu kiruutu yaaja ng'ebabingirira.

Zefania 1:17

Musengwa Katonda akoba ati: “Nja kuleetera abantu ebizibu batuuke n'okutambula nga bamaamanta ng'oti batulu, kuba bakoze ebibi ebinsungughaza. Omusaayi gwaibwe guja kuyuyibwa ku itaka ng'oti maadhi, n'emirambo gyaibwe girekebwe agho ng'oti busa.”

Amateeka Agokubiri 28:22

Musengwa Katonda aidha kubasindikiranga endwaire edhitawonezeka, n'omusuudha, n'okuzimba, n'okwokerera okungi. Aidha kubasindikiranga endoboozi, n'okuvuluka kw'ebirime. Ebyo byonabyona biidha kubeesibangaku okutuusa lwe munaazikiriranga.

Amateeka Agokubiri 28:26

Era nga mufiire, enhonhi n'ensolo edh'omu nsiko dhiidha kulyanga emirambo gyaimwe, nga ghazira adhibingagho.