Yeremia 16:16 - Baibuli Ekibono kya Katonda 2014

¹⁶ Musengwa Katonda akoba ati: “Bona, nze nja kwetesa abavubi kamaala, baje bavube abantu abo ng'oti byanhandha. Memale kabiri ndhetese abayiizi kamaala, baje babayiige ng'oti nsolo ku buli lusozi, ni ku buli kasozi, ni mu buli mpuku eri mu lwatika lw'olubaale.

Yeremia 16:16 ပူးပေါင်းရင်းမြစ်များ

Amainhama 10:9

Yali muyiizi wa maani ku lw'obuyinza bwa Musengwa Katonda, era okwo n'okwava endhogera eti: “Ng'oti ni Nimurodi omuyiizi ow'amaani ku lw'obuyinza bwa Musengwa Katonda.”

Isaia 2:21

beene baingira mu mpuku edh'omu gabaale, ni mu ntanda edh'omu nsozi, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 7:19

Baliidha beeyugha mu biiko, ni mu ntanda edheeyatisa mu mbaale, ni mu bisaka byonabyona eby'amawa, ni mu byayiro byonabyona.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 4:29

Abantu b'omu bibuga oluliwulira empindo dh'abavuzi b'embalaasi n'edh'abalasa obusaale, ng'olwo boonaboona balumukamu. Abandi balyekuba mu bibira, ate abandi baniina ghaigulu mu gabaalebaale. Ebibuga byonabyona birisigala bwagho bityo nga biziramu bantu naire.

Yeremia 49:5

Nze Musengwa Katonda Afuga Amagye nkoba nti ndidha kubaleetera okutya okungi nga kubava ku buli luuyi. Mwenamwena mulirumukagho, nga buli muntu ayenda kuwonia bulamu bwe. Era nga ghazira asobola kusoloza bamagye gaimwe kugaiza ghalala.

Yeremia 6:9

Agho Musengwa Katonda Afuga Amagye yankoba nze Yeremia, ati: “Ng'omunozi w'emizabbibu bw'airayo einhuma okulonderera egyo egiba gisigaireyo, weena otyo bw'oidha okwirayo einhuma osoloze Abaisiraeli abaliwonagho bawonezebwe.”

Okulira 4:18

Ng'abazigu batulondoola buli ghe tuta ekigere, baatutiisa n'okutambulira mu nguudo, twawulira mule nga okufa tikuli ghala, ng'enaku dhisigaireyo mbale bubale.

Okulira 4:19

Abazigu nga batubingirira embiro okusingaku n'enkookooma bw'eguluka mu ibbanga; baatubingirira mu nsozi, era baatweteega ni mu irungu.

Hosea 10:10

Ndirumba abantu abo aboonooni naababonereza. Amaghanga galyesoloza ghalala okubalwanisa, baabonerezebwa olw'ebibi byaibwe ebingi.

Amosi 4:2

Musengwa Katonda alayiire mu butukuvu bwe ati: “Ekiseera kiidha kutuuka abantu babatunge ku malobo, babaghaluudhanie ng'oti n'ebyenhandha bwebabighaluza mu maadhi mwenamwena muja kuba ng'oti n'ebyenhandha ebiri ku malobo.

Amosi 5:19

Kiriba ng'oti n'omuntu ali kulumuka ku mpologoma, kabiri n'ayagaanana n'ekisolo ekikambwe. Oba ng'oti n'omuntu angira mu ndhu ni yeesiira ku kimante, omusota ni gumumoodha omukono.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Zefania 1:12

“Mu kiseera ekyo nja kutoola entaala nje nga ndhagaaza mu Yerusalemu mwonamwona. Nja kubonereza abantu boonaboona abali obulungi abazira kibeeraliikiriza, abakoba mule bati, ‘Musengwa Katonda ghazira ky'aidha kukola, ka kibe ekirungi oba ekibi.’

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.

1 Samueli 26:20

Nsaba omusaayi gwange gulobe kuyuyibwa mu nsi Musengwa Katonda mw'atali, kuba kyabazinga wa Isiraeli adhie okuyiiga nze enkukuni obukukuni, ng'oti n'omuntu bw'ayiiga akakologo mu nsozi.”