Yeremia 16:13 - Baibuli Ekibono kya Katonda 2014

¹³ Kyenva ndidha okubatoola mu nsi eno, mbasuule mu nsi imwe beene ni badhaadha baimwe ye mutawulirangaku naire. Eyo ye mwidha okubanga nga mugheereza bakatonda ab'amaghanga agandi omusana n'obwire. Era tija kubagemerwanga kivunika naire.’

Yeremia 16:13 ပူးပေါင်းရင်းမြစ်များ

2 Bakyabazinga 25:21

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

2 Ebyomubyanda 7:20

olwo ndibinga Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu, naalifuula eky'okwogeraku era enseko dh'abalamu mu maghanga goonagoona.

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Yeremia 10:18

Musengwa Katonda akoba ati: “Bona eno, ku luno ndi kuja kuwoloba ere abantu b'omu nsi eno, ng'oti bali bwa mu nsuumulo. Ndidha kubaleetera enaku ebalume ebitaloodheka.”

Yeremia 14:8

Niiwe wenka eisuubi ly'Abaisiraeli; niiwe otuwonia mu biseera ebizibu. Lwaki oba mu nsi yaife ng'oti n'omuntu omusenze obusenze, era ng'oti n'omugeni omubise asula obw'olunaku olulala lwonka?

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 15:14

Nja kubafuula bagheereza ba bazigu baibwe eyo mu nsi ye bataidhi naire, kuba obusungu bwange butumbwike ng'oti muliro era tiguja kuzikira.”

Yeremia 15:4

Ndidha kubafuula ekintu ekitiisa einho abantu boonaboona ku nsi, olw'ebyo Manasse mutabane wa Hezekia bye yakola mu Yerusalemu nga ni kyabazinga wa Buyudaaya.’

Yeremia 16:5

“Otangiranga mu ndhu omuli abali kulira abafu. Otajangayo kubalirisaaku waire okubagumya. Abantu abo, nze Musengwa Katonda, nabatoolaku emiraala gyange, naalekera agho okubagonzanga n'okubasaasiranga.

Yeremia 17:4

Mulirekula ensi ye nabagha ng'omugabo ogwaimwe, abazigu baagitwala. Nja kubafuula bagheereza ba bazigu baimwe eyo mu nsi ye mutaidhi naire, kuba obusungu bwange butumbwike ng'oti muliro era tiguja kuzikira.”

Yeremia 22:26

Ndidha kukutoola mu nsi eno ng'oli ghalala n'inhoko akuzaala, nje mbasuule mu nsi ye mutaazaalibwamu, era mwembi eyo ye mulifiira.

Yeremia 22:28

Agho naakoba nti: “Omusaadha ono Konia afuuse ng'oti nsugha eyamenheka ni bagisuula ere ng'eziraku agyenda? Eyo n'ensonga lwaki mwene n'abaana be baabingibwa baasuulibwa mu nsi ye bataidhi?”

Yeremia 5:19

Era iwe Yeremia, abantu bwebalibuuza bati, ‘Lwaki Musengwa Katonda waife yatuleetera bino byonabyona okututuukaku?’ Olibairamu oti, ‘Nga bwe mwamuvaaku ni musinza mu nsi yaimwe bakatonda ab'amaghanga agandi, mwidha kutwalibwa mugheereze abagwira mu nsi etali yaimwe.’ ”

Yeremia 6:15

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

Amateeka Agokubiri 29:28

Musengwa Katonda ng'aidhwire obusungu era ng'ali n'ekiruyi ekibitirivu, yabasiguukulula mu nsi yaibwe, yaabasuula mu nsi eyindi n'okutuusa mpegaano.’ ”