Yeremia 15:7 - Baibuli Ekibono kya Katonda 2014

⁷ Mu buli kibuga eky'omu nsi eno, imwe abantu bange nabasensa n'olugali ng'oti n'ole asensa engaano enkube, empewo n'efuuwa ere ebiwusu byaku. Naita abaana baimwe, niimwe abantu bange naabazikiriza, olw'okuba mwaloba okukyuka ni muva mu mpisa dhaimwe embi.

Yeremia 15:7 ပူးပေါင်းရင်းမြစ်များ

Zabbuli 1:4

Aye ababi tibali batyo, bali ng'oti musinsi empewo gw'efuuwa ere.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 9:12

Abasiria baliva e buvandhuba n'Abafilisiti baava e bugwandhuba, baayasamya eminwa gyaibwe okumira Isiraeli. Aye waire ng'ebyo bimaze okubaagho, obusungu bwa Musengwa Katonda oyo bulisigala nga bukaaligho. Era alisigala ng'akaagalwire omukono gwe okubabonereza.

Isaia 9:13

Waire nga Musengwa Katonda Afuga Amagye yabonereza Abaisiraeli, aye era Abaisiraeli abo tibeeneniaku, waire okukyuka okwira y'ali.

Yeremia 18:21

Wo Musengwa Katonda, kale ni leka abaana baibwe balambuke endhala bafe, obaleke bafiire mu ntalo. Abakazi baibwe ka babuleku abaana era babe banamwandu. Abasaadha ka bafe endwaire ya kawumpuli, abaisuka baitibwe mu ntalo.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 51:2

Ndisindika abagwira baazikiriza Babilonia ng'oti n'ole asensa ebikaba mu ngaano. Olunaku olw'okuzikiriza bwe lulituuka, baligirumba nga bava ku ndhuyi dhoonadhoona, baagimaliriramu ebintu byonabyona.

Yeremia 9:21

kuba okufa kutwidhiire, kwabitira mu madinisa gaife, kwaingira mu ndhu dhaife, kwaita abaana mu nguudo n'abaisuka mu mpya edh'ebibuga.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Ezekieli 24:25

Era Musengwa Katonda yankoba ati: “Iwe omuntu, olunaku lulituuka naabatoolaku eisinzizo eribaleetera okwebona nga ba maani era nga ba bitiibwa, beesuuta, era lyabasanhusa okulingirira, beegomba okulingiramu. Era ku lunaku olwo ndibatoolaku n'abaana baibwe.

Ezekieli 36:12

Bwenebwene ndireka abantu bange Abaisiraeli baabanga mu imwe, olwo imwe mwaba ensi ey'obutaka bwaibwe. Era timuliirayo kabiri kubaitaku baana baibwe.

Zekaria 1:4

Mutaba ng'oti ni badhaadha baimwe, abalanzi ab'eira be baakoberanga obukwenda bwange nze Musengwa Katonda Afuga Amagye. Abalanzi baakobanga badhaadha baimwe okuva mu mpisa dhaibwe embi ni mu bikolwa byaibwe ebibi. Aye badhaadha baimwe baaloba kuwulira nze Musengwa Katonda bye mbakoba, waire okufaayo okukola bye mbalagira.

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Amateeka Agokubiri 28:18

“Abaana baimwe be munaazaalanga baidha kukolimirwanga, n'ebirime bye munaalimanga mu itaka lyaimwe, ghalala n'ente n'entaama, n'embuzi dhaimwe, byona bikolimirwe.

Amateeka Agokubiri 28:32

Batabane baimwe ni baghala baimwe ndidha kubagabiranga abamaghanga agandi nga mubona. Buli lunaku munaakandanga kumoga nga mwenda baire, aye nga muzira kye musobola kukolagho.

Amateeka Agokubiri 28:41

Mwidha kuzaalanga abaana abalenzi n'abaghala aye timuubenga ghalala nabo, kuba abazigu baimwe baidha kubabatwalangaku mu bunhage.