Yeremia 15:5 - Baibuli Ekibono kya Katonda 2014

⁵ “Musengwa Katonda akoba ati: ‘Imwe abantu bange ab'e Yerusalemu, naani alibasaasira? Naani aliwulira enaku olwaimwe? Naani alikyukira ewaimwe ababuuze okumanha embeera ye mulimu?

Yeremia 15:5 ပူးပေါင်းရင်းမြစ်များ

Yobu 19:21

Munsaasire, munsaasire imwe bakagwa bange, kuba Katonda ankubye.

Zabbuli 69:20

Banvumye bankutula n'omwoyo, buti n'eisuubi nzira. Nanoonia anansaasiraku yambula; naanoonia anandhizaamu amaani, yambula.

Okuvaayo 18:7

Musa yaaja yaakuba amakiryaivu yaamusangaaza, yaamala yaasituka, yaamunhwegera baalamusagania, olwo baingira mu weema ya Musa.

Isaia 51:19

Obuzibu bukwidhiire bwa mikuzi ebiri: olutalo lwonoineyonoine ensi yo, n'abantu bo baafa endhala n'empiima. Naani anaakusaasiraku n'anaakugumya?

Yeremia 13:14

Memale mbakontaganie buli muntu ku mwine, k'abe omuto oba omukulu. Nga ghazira kusaasira, oba okusonigha, waire okugemerwa omuntu ekivunika, aye okutoolaku okubazikiriza obuzikirize.”

Yeremia 16:5

“Otangiranga mu ndhu omuli abali kulira abafu. Otajangayo kubalirisaaku waire okubagumya. Abantu abo, nze Musengwa Katonda, nabatoolaku emiraala gyange, naalekera agho okubagonzanga n'okubasaasiranga.

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Okulira 1:17

Ekibuga Sioni kiri ng'oti n'omuntu agoloire omukono ng'ali kusabiriza, aye ghaabula amusaasiraku. Musengwa yalagira abantu abeezungulwire abantu ba Yakobo boonaboona, babe bazigu baibwe. Yerusalemu kyafuuka ekyenhinhalwa eri abantu abo.

Nahumu 3:7

Boonaboona abanaakubona baidha kwesisighalanga nga bakoba bati, ‘Ee, Nineve nga kyafafaagana! Naani aja okukirumirwa omwoyo? Naani ayenda okugumya abantu baamu.’ ”

Abalamuzi 18:15

Kale baakyukira agho, baaja mu maka ga Mika, baatuuka ku ndhu omwisuka Omulevi mwe yabanga, baamubuuza ebimufaaku.

1 Samueli 10:4

Abantu abo baidha kukulamusa, bakughe emigaati ebiri, era oganhe ogitwale.

1 Samueli 17:22

Daudi yaatoola ebintu bye yatwala, yaabirekera omukuumi w'eiterekero, mwene yaalumuka okutuuka ku igye, yaaja yaalamusa baganda be.

1 Samueli 25:5

Kale yaatuma abaisuka ikumi, yaabakoba ati: “Muje e Karumeli ye Nabali, mumuunamukize.