Yeremia 15:3 - Baibuli Ekibono kya Katonda 2014

³ ‘Nze Musengwa Katonda ndidha kubataaku eby'okubazikiriza bina: olutalo lwidha kubaita, embwa dhiyuzeyuze emirambo gyaibwe, enhonhi dhibamoodhogole, n'ensolo edh'omu nsiko dhibakankamire okubamalagho.

Yeremia 15:3 ပူးပေါင်းရင်းမြစ်များ

Zabbuli 68:23

memale mutyankirire omusaayi gwaibwe, n'embwa dhaimwe dhigunhwe okutuusa ku nkooye.”

Isaia 18:6

Emirambo gyaibwe baligireka agho okuliibwa enhonhi edh'oku nsozi n'ensolo edh'omu nsiko. Enhonhi dhirirya ku egyo mu biseera eby'endoboozi, n'ensolo dhaalya okwo mu biseera eby'ekiinhogogo.”

Yeremia 12:9

Abantu bange be neerondera bali ng'oti n'enhonhi erumbiibwa ensega ku ndhuyi dhoonadhoona. Ja oyete ensolo edh'omu nsiko dhoonadhoona dhiidhe dhirye.

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 14:16

N'abantu be bakobera obulanzi obwo boona baliitibwa mu nsambo n'endala. Emirambo gyaibwe, ghalala n'egya bakazi baibwe, n'egya batabane baibwe ni baghala baibwe, gija kusuulibwa mu nguudo dha Yerusalemu, nga ghazira na muntu agiziika mu nsambo eyo mbeesasuulizeeku olw'ebibi byaibwe.”

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 7:33

Emirambo gy'abantu giriba mere ya nhonhi, na ya nsolo dha mu nsiko, nga ghazira adhirobera naire.

Okulira 3:11

Yankwekwebya okuntoola mu ngira yange yankankanula, yandekulira agho ntyo nga ndaaga.

Ezekieli 14:21

Agho ni Musengwa Katonda akoba ati: “Bwenebwene tikirisingagho inho bwe ndisindika ku Yerusalemu ebibonerezo byange ebina ebikakali: olutalo, endhala, ensolo edh'akabi, n'endwaire ya kawumpuli, okuja okukiitamu abantu n'ensolo?

Ezekieli 33:27

“Era bakobe oti nze Musengwa Katonda ndi kubalabula nti nga bwendi omulamu, bwenebwene abantu abo abali mu bifo ebyayonoonebwa, baliitibwa mu lutalo. Abo abaliba eyo mu nsiko ndigha ensolo emirambo gyaibwe dhaagikankamira. Ate abo abaliba mu bifo eby'okwewogomamu n'abo abaliba mu mpuku, balifa endwaire ya kawumpuli.

Abalevi 26:16

ndibabonereza nti: ndireeta entiisa mu imwe. Omusuudha ogw'amaani n'endwaire edhitawonezeka biribatulughaza amaiso, byaleetera obulamu bwaimwe okuja nga buwaagho. Mulisiga ensigo aye tidhiribagasa, kuba abazigu baimwe balibaghangula baalya bye musize.

Abalevi 26:22

Ndidha kusindikanga ensolo edh'omu nsiko, dhiite abaana baimwe era dhizikirize ebyayo byaimwe. Dhinaabakendeezanga obungi, engira dhaimwe dhaawolongera dhaazika.

Abalevi 26:25

Ndidha kubaleeteranga entalo okubabonereza olw'okumenha endagaano yange n'imwe. Era bwe muneesololezanga aghalala mu bibuga byaimwe okwewonia, ndidha kubasindikangamu obulwaire obubi, muwalirizibwenga okweghaayo eri abazigu baimwe.

Amosi 5:19

Kiriba ng'oti n'omuntu ali kulumuka ku mpologoma, kabiri n'ayagaanana n'ekisolo ekikambwe. Oba ng'oti n'omuntu angira mu ndhu ni yeesiira ku kimante, omusota ni gumumoodha omukono.

Amateeka Agokubiri 28:26

Era nga mufiire, enhonhi n'ensolo edh'omu nsiko dhiidha kulyanga emirambo gyaimwe, nga ghazira adhibingagho.

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.

Okwolekebwa 6:8

Naja okulinga nti, nga mbona embalaasi empaaluufu. Eyali ali kugivuga ng'ayetebwa Kufa, era Magombe ng'ali kumunonereza. Bano baagheebwa obukumu ku kitundu kirala kirala ku buli bitundu ebina ebiri ku nsi, beeyambise empiima, n'endhala, n'endwaire ya kawumpuli, n'ensolo edh'oku nsi, mu kwita.