Yeremia 15:18 - Baibuli Ekibono kya Katonda 2014

¹⁸ Lwaki obulumi bwange bweyongera bweyongere? Lwaki eibwa lyange lifuuse lya kokolo, ni litawona? Oyenda kunfuukira ng'oti n'akaiga akateesigika, akakala mu biseera by'endoboozi? Oba ng'oti n'amaadhi agaloba okugwa mu biseera ebituufu?”

Yeremia 15:18 ပူးပေါင်းရင်းမြစ်များ

Yobu 14:11

Ng'enhandha bw'ekamiira, era ng'omwiga bwe gukaliira,

Yobu 34:6

Waire nga ndi mutuufu, ndhetebwa muguya, waire nga tiizangaku musango, nfumitibwa nfe bufe.’

Zabbuli 6:3

Zeenazeena ndi agho ntyo, omwoyo n'omubiri. Aye Musengwa Katonda otalwa kumbeera.

Yeremia 14:19

Wo Musengwa Katonda, obwo Abayudaaya wabaviiraku irala, waakyagha abantu b'e Sioni? Lwaki watulumya n'otutaaku ebibwa otyo, ni tutasobola kuwonezebwa? Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona, twafuna bwa bitutiisa.

Yeremia 14:3

Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.

Yeremia 20:18

Kale lwaki nazaalibwa? Nazaalibwa kubona nnaku na kudaagadaaga, na kutuusa kufiiririra nga ndi mu buswavu?

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Yeremia 30:12

Musengwa Katonda era akoba abantu be ati: “Amabwa gaimwe tigasobola kuwonezebwa, gafuuse ga kokolo, tigawonezeka naire.

Yeremia 30:15

Mulekere agho okwemuluguunhia olw'obulumi, kuba amabwa gaimwe tigasoboka kuwonezebwa. Nababonereza ntyo olw'ebibi byaimwe ebingi, n'olw'emisango gyaimwe egitaloodheka.

Mika 1:14

Mperaano ni, musiibule ekibuga Moreshethi Gathi mukighe n'ebirabo kuba baja kukinhaga. Abantu ab'ekibuga Akazibu, baguya, tibaja kubeera bakyabazinga ba mu Isiraeli naire.

Mika 1:9

Kuba Samaria alwaire amabwa ga kokolo agatali ga kuwona, era gatuuse n'okugema Buyudaaya okuzikirira kuseese kwatuukira irala ku mulyango gwa Yerusalemu, ekibuga abantu bange mwe baba.”