Yeremia 15:16 - Baibuli Ekibono kya Katonda 2014

¹⁶ Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Yeremia 15:16 ပူးပေါင်းရင်းမြစ်များ

Nehemia 8:12

Agho abantu boonaboona baagolola ewaibwe, baalya, baanhwa, era baagabiraku n'abo abazira ghe batoola. Baaba mu kusagamba okw'amaani olw'okuba baategeera ebibono bye baabakoba.

Yobu 23:12

Nkola by'andagira; naajiira ku by'ayenda, se ti ebyo nze bye neegomba.”

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Zabbuli 119:16

Ndidha kubanga musangaavu okukola iwe by'olagira, era tyerabirenga kibono ky'onkobye.

Zabbuli 119:72

Amateeka ge watugha ga mughendo ye ndi okusinga emungo ya feeza ni zaabu.

Zabbuli 119:97

Wo Musengwa Katonda, nze nga ngonza inho amateeka go! Tirekera kugeefumintirizaaku olunaku lwonalwona.

Zabbuli 19:10

Okusala omusango okwa Musengwa Katonda kwegombebwa okusinga zaabu, waire zaabu ole omukenenule; kudhuudhuula okusinga omudheenene, waire gule ogutoonha obutoonhe okuva mu bisasala.

Yeremia 14:9

Lwaki oba ng'omuntu asobeirwa, era n'oba ng'omulwani ow'amaani aye atasobola kutuwonia naire? Ate nga bwenebwene iwe Musengwa oli mu ife. Ife tuli bantu bo, otatulekulira agho.’ ”

Ezekieli 2:8

“Aye iwe omuntu wulirisa kye ndi kukukoba: otaba mudheemu ng'oti ni beene. Kola oyasame, olye kye nja okukugha.”

Mika 2:7

Odhuuba oti Abaisiraeli Musengwa Katonda yatukolimira? Oba oti okuguminkiriza kwe kwakendeera? Mbo bwenebwene Musengwa Katonda aghanga okukola ebintu oti n'ebyo? Buliidho tayogera na kivunika n'abo abakola obulungi?”